Jenesii̱s 2:17 - Xo̱jo̱n eén Néná

¹⁷ ta̱nga ka̱májín xi̱ni̱ ji to xi tsjá yaá kjo̱a̱kjíntakoón ni xi ndaa̱ ko̱jo ni xi ndajiín. Ngatꞌa̱ ni̱xtjin nga xi̱ni̱ ji too̱ kui yaá, ja̱koxi̱ boá nga ko̱yè jí ki».

Jenesii̱s 2:17 Iomraidhean Croise

Jenesii̱s 2:9

Sꞌe̱ jaskan Néná katsꞌéntjó tꞌanangii̱ ngayeje to̱ko̱ya yá, achichí tsjákón kamá kui yaá, kó tsajaá to xi nda chinie. Ngamasiee̱n kui ngi̱ndiee̱ kisꞌijña ngo yá xí tsjá kjo̱a̱mindyion, ko̱jo ngo yá xí tsjá kjo̱a̱kjíntakón kjo̱a̱a̱ ni xi ndaa̱ ko̱jo ni xi ndajiín.

Jenesii̱s 20:7

Ta̱nga ngotꞌe̱ ꞌne̱, te̱ꞌéꞌoyé nginíi̱ chjo̱ón kui ndaa̱, ngatꞌa̱ nda̱ chji̱ni̱e̱ꞌénna boá, kó kuí boá xi ku̱i̱ꞌatjeé jí tsi̱ꞌe̱ nga ku̱i̱ndyinra ji nga̱sondie. Kó tsi bo̱a̱jín si̱ꞌin, ja̱koxi̱ nga ko̱yè jí, ko̱jo ngayeje xota̱ tse̱.

Jenesii̱s 3:11

Kó bi̱ katsó Néná: —ꞌYá xí katsóyaà nga katsjaxtí ji. —A kichini jí too̱ yá xí kixiaan nga xi̱ni̱jín ji.

Jenesii̱s 3:17

Kó Néná, bi̱ katsoó nda̱a̱: «Kó jí, ta̱ngatꞌanii̱ ni xi kiniꞌín ji, ngotꞌe̱ ꞌne̱ ndajín ka̱ma tꞌanangii̱, ngatꞌa̱ kandaꞌyéꞌíi̱n chjóo̱n, kó kichini ji too̱ kui yaá, kui xi ichjaá nga xi̱ni̱jín ji. Kuíni nga tji̱e̱nga ku̱i̱ndyin ji nga̱sondie, tsie kjo̱a̱ni̱ma̱ ku̱i̱tja̱tí nga kꞌuítji̱e̱ ji ni xi xi̱ni̱ ji nga̱són tꞌanangii̱.

Jenesii̱s 3:19

»Tsie kjo̱a̱ni̱ma̱ ku̱i̱tja̱tí nga si̱ꞌinxé jí tsi̱ꞌe̱ nga sa̱ko̱ó ni xi xi̱ni̱ ji. Bo̱a̱ ka̱ma ngaskande ni̱xtjin nga ko̱yè jí, kó ka̱ma nginí ji chojo, ngatꞌa̱ chojoo̱ boá xi katjóbé nga kamánda ji. Ngatꞌa̱ ta̱ chojo tsí jí, ¡kó chojo ka̱ma nginí ji!»

Xki̱ 26:65

Ngayeje kui xotaa̱ ki̱a̱ jesón nangi kixií nga atíjeé Néná. Ta̱kuítsí Kalee̱b ko̱jo Josuee̱ xi kisꞌińdo ngase nga̱sondie.

Xota̱ Roma̱ 1:32

Jè be kui xotaa̱ nga kjo̱a̱kitii̱ Néná tsó nga ngayeje xota̱ xi tsꞌén kuí nii̱, chjiéngá ko̱yà, ta̱nga jmí tsi ta̱ ta̱kó bo̱a̱ ndyi̱tsꞌèn tsi, ngaskande tsja maa̱ kjo̱a̱a̱ xota̱ xi ndyi̱tsꞌèn kuí nii̱.

Xota̱ Roma̱ 6:16

A yàjínjnú nga tsi ngo nda̱ si̱ꞌankꞌasꞌienjnúu̱ yojojnú tsi̱ꞌe̱ nga ko̱nda̱ꞌyáꞌénjnúu̱, moso̱ xi kastiñaá kui nda̱ xi ndyi̱niꞌánkjatjosónjnúu̱ májnú. Kó tsi moso̱ xi kastiñaá jeé kjimajnú, ko̱yàjnú, ko̱jo tsi tsi̱ꞌe̱ nga ko̱nda̱ꞌyáꞌénjnú, kixi̱ ka̱majnú ngindyi̱ko̱n Néná.

Xota̱ Roma̱ 6:23

Ngatꞌa̱ chjií jeé kjo̱a̱bo̱yaa̱ boá, ta̱nga kjo̱a̱ndaa̱ Néná kjo̱a̱mindyion ngatsjéni̱xtjii̱n boá ngatꞌaa̱ Kristo̱ Kjisoo̱, kui xi Ndi̱a̱ná.

Xota̱ Roma̱ 8:2

Ngatꞌa̱ ngije kiniꞌángojo̱ yojoná Kristo̱ Kjisoo̱, A̱si̱énni̱xtjii̱n Néná xi tsjáná kjo̱a̱mindyioo̱n, katsjáná ngo kjo̱a̱kiti xi sa̱ꞌíndéná kjo̱a̱a̱ kjo̱a̱kitii̱ jeé ko̱jo kjo̱a̱bo̱yaa̱.

1 Xota̱ Korinto̱ 15:22

Ngatꞌa̱ xikótsꞌèn nga ta̱ngatꞌanii̱ Andaa̱n nga ngayeje xotaa̱ fesón, ti̱ bo̱a̱ ti̱ tsꞌén ta̱ngatꞌanii̱ Kristoo̱ nga ngayeje xotaa̱ kꞌuíndo nginí.

1 Xota̱ Korinto̱ 15:56

Ngatꞌa̱ kjo̱a̱bo̱yaa̱, jeé tsꞌénkjién nga tsꞌenkꞌién xotaa̱, kó jeé kjo̱a̱kitii̱ tsꞌénkjién tsi̱ꞌe̱ nga xcha̱ jeé.

Xota̱ Ngalasia̱ 3:10

Ngatꞌa̱ ngayeje xota̱ xi ndyi̱koyaa̱ nga kjo̱tjoꞌa nga ndyi̱tsꞌènkjátjosón ni xi tjítꞌa kjo̱a̱kiti xi tikónnieé, ndajín síndo ngindyi̱ko̱n Néná, ngatꞌa̱ jè kjitꞌa xo̱jo̱n eén Néná nínga bi̱ tsoó: “Ngatꞌíko̱joo̱ ngayeje xota̱ xi sa̱ꞌínkjatjosónjín ngayeje ni xi kjitꞌa xo̱jo̱n kjo̱a̱kitii̱.”

Xota̱ Éfeso̱ 5:14

Kuíni nga bi̱ tsꞌén tjítꞌa xo̱jo̱n eén Néná: Ti̱ꞌinkjeꞌée̱ yojòo̱, ji xi titsjafé ji, kó ti̱sítji̱n ji ngi̱jii̱n xota̱ xi je jesoón, tsi bo̱a̱ si̱ꞌin ji, Kristoo̱ xí sa̱ꞌíntsijeen.

Ndeuteronomio̱ 30:15

»Ngotꞌe̱ bí nga ka̱ma chje̱ꞌéjinjnú mí ni xi mejénjnú. A mejénjnú nga nda ku̱i̱ndyionjnú, axa̱ mejénjnú nga ndajín ku̱i̱ndyionjnú. Mí ni xi mejénjnú, a nga kꞌuiéjnú kjo̱a̱mindyioo̱n axa̱ kjo̱a̱bo̱yaa̱.

Ndeuteronomio̱ 30:19

»Ndiꞌakꞌajmii̱ ko̱jo tꞌanangii̱ xí chistiko̱ nga ngotꞌe̱ tsꞌéntsjándièjnúꞌun nga chje̱ꞌéjinjnú ni xi mejénjnú, a kjo̱a̱mindyioo̱n, axa̱ kjo̱a̱bo̱yaa̱, a kjo̱a̱niꞌánchikonñeé, axa̱ ni xi ndajiín. An bi̱ xiánjnúꞌun nga jún, ko̱jo ndíjnú ta̱sá kjo̱a̱mindyioo̱n xi chje̱ꞌéjinjnú,

Xota̱ Kolosa̱ 2:13

Ngindiee̱ nga sa̱kójnú kui sirkunsisioo̱n, xota̱ xi je jesón kamájnú ngindyi̱ko̱n Néná, ta̱ngatꞌanii̱ jé xí kiniꞌánjnú. Ta̱nga Néná nijan katsjá nginíjnú kjo̱a̱mindyion jún, ngatꞌa̱ kiniꞌángojo̱jnú yojojnú Kristoo̱, kó bo̱a̱ tsꞌén Néná katsꞌénjetakón ngayeje jéná.

1 Timoo̱ 5:6

Ta̱nga kui xota̱chjo̱on kꞌán xi je kꞌien xi̱ꞌii̱n xi tsꞌenkꞌásꞌieén yojoo̱ kjo̱a̱tsjaa̱ nga̱sondiee̱, jè kꞌien tikón xi̱ꞌba̱.

Xo̱jo̱o̱n Sandiyaá 1:15

Kósꞌe̱ ngije kiniꞌánkjatjosón kui ni xi ndajín xi mejeén ini̱ma̱ná, ki̱a̱ boá nga tokjà jeé, kó ngije kiniꞌánkjatjosón nga kiniꞌánjeé, ki̱a̱ boá nga tokjà kjo̱a̱bo̱yaa̱.

1 Xo̱jo̱o̱n Juaa̱ 5:16

Tsi tjín xi be nga ngo ntsꞌi̱e̱ tjítsꞌén ngo jé xi tsꞌenkꞌiénjínná ngindyi̱ko̱n Néná, chjiéngá ku̱i̱chji̱a̱a̱ Néná nga ku̱i̱chji̱a̱tjé, kó bo̱a̱ tsꞌén nga Néná tsja̱á kjo̱a̱mindyion kui ntsꞌiee̱. Kjo̱a̱a̱ ngo jé xi tsꞌenkꞌiénjínná ngindyi̱ko̱n Néná xí tꞌíxián an. Ti̱ tjín jé xi tsꞌenkꞌiénná ngindyi̱ko̱n Néná, kó kjo̱a̱a̱ kui jeé xiánjín an nga ko̱ndókjo̱a̱jnúu̱ Néná nga chji̱a̱ꞌatjejnú xota̱ xi sa̱ꞌín kui jeé.

Ni xi akakoo̱ 2:11

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, jmí ni ka̱májiín nga kji̱ndi̱bá kjo̱a̱bo̱ya xi ma joó.”

Ni xi akakoo̱ 20:14

Kó kjo̱a̱bo̱yaa̱ ko̱jo ngi̱ndie nínga ꞌbíndo xota̱ xi je jesoón kiniꞌánkjaꞌajin ndáchíkón ndiꞌí xí ta̱nisién ꞌniú jee̱. Kuí bí kui ngi̱jin ndiꞌií xi kjo̱a̱bo̱ya xi ma joó.

Ni xi akakoo̱ 20:6

¡Achichíra̱tsjaa̱ ko̱jo achichíra̱ tsjie kui xota̱ xi tjón kjo̱a̱ꞌáꞌyaá, ngatꞌa̱ ki̱a̱ chji̱a̱ni xota̱ na̱xi̱ńdá tsjiee̱ Néná! Kjo̱a̱bo̱ya xi ma joó, jmí ngaꞌniújiín kjo̱a̱a̱ kui xotaa̱, ta̱sá chináꞌmii̱ Néná ko̱jo chináꞌmii̱ Kristoo̱ ka̱ma, kó ki̱a̱ nijan ko̱tíxomajo̱ nga ngo mi̱ noó.

Ni xi akakoo̱ 21:8

Ta̱nga kui xota̱ xi tsiendikoón, ko̱jo kui xi sꞌijinjiín Néná, ko̱jo xi chꞌokoo̱n, ko̱jo xi tsꞌenkꞌién ini̱ma̱a̱, ko̱jo xi tondoo̱, ko̱jo xi ndyi̱tsꞌèn kjo̱a̱tjiꞌe, ko̱jo xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo ngayeje xota̱ xi ndiso, kui xi̱ꞌba̱ ki̱a̱ stso̱ba̱a̱ nga ko̱e̱je̱ ngi̱jin ndáchíkón ndiꞌí xí ta̱nisién ꞌniú jee̱ nínga tjítí ndso̱ko̱a̱n asufree̱, kuí ni xi̱ꞌbi̱ xi xi ma joó kjo̱a̱bo̱yaa̱.