Jenesii̱s 19:3 - Xo̱jo̱n eén Néná

³ Kó Loo̱t ꞌniú tsíꞌaá kui já ndítsjiee̱ nga ko̱e̱je̱ ndiꞌaa̱. Kó ngije tsꞌasꞌien ndiꞌaa̱, Loo̱t katsꞌéndaa̱ pan, kó katsjaá nichinie, kó kui ndítsjiee̱ iskjinie nichiniee̱.

Jenesii̱s 19:3 Iomraidhean Croise

Jenesii̱s 19:2

kó bi̱ katsoó: —Jún ndi̱a̱, ꞌniú míꞌájnúꞌun nga kji̱ndi̱bájnú ndiꞌana, ki̱a̱ ka̱ma ku̱i̱ndáyájnú, kó ka̱ma ki̱a̱ tsjayójojnú, kó ndyiojón ta̱jñó ka̱ma kongínrajnú ndi̱yàjnú. Ta̱nga kui já ndítsjiee̱ bi̱ katsó: —Jmí, ndokꞌóchji̱ì, ta̱nga ngi̱ya ndi̱yàtieé tsjayójojne̱.

Jenesii̱s 21:8

Kó Isaa̱ kjimaxchá, kó ti̱chaa̱n jachó ni̱xtjin nga kachjeꞌéxiín chiki, kó kjiꞌa ngo sꞌué ꞌniú katsꞌén Abraa̱n.

Jenesii̱s 24:31

Nga kamábe, bi̱ katsó Labaa̱n: «¡Ja̱bíꞌi̱n ji nda̱! Néná boá xi nda jeꞌejoo̱ kꞌi̱e̱e̱, ndibé jí ndiꞌana, nga ki̱a̱jín ndi̱tsee̱n mindyin. ¡Jè íjñanda an ngo ngi̱ndie nínga si̱ꞌinkjaꞌyé ji ko̱jo ngo ngi̱ndie nínga kꞌuíndo cho̱toꞌoyitsꞌèe̱n nga!»

Jenesii̱s 26:30

Kósꞌe̱ Isaa̱ katsjaá tsie nichinie, kó kui jaá iskjinie ko̱jo katsꞌe.

Éksondo̱ 12:39

Achichí tsá jatjoni nangi Ejipto̱ nga nde jmí ngi̱ndie kisꞌiejiín nga katsꞌénda nichinie, kuíni nga iskjíbé kui nda̱ꞌyo̱ xi jmí nisanjiín xi tsꞌaxiéni nangi Ejipto̱, kó kuí boá xi katsꞌéndani pan.

Rkaa̱ 11:8

Xiyàjnúꞌun, nga kui nda̱a̱ ndatsi kjo̱stjíe̱njín nga tsja̱á ngo ni, ngatꞌa̱ amingoo̱ ma, tsja̱arií ngatꞌa̱ ꞌniú tsꞌénmíꞌaá, kó tsja̱arií ngayeje ni xi chjieén.

Rkaa̱ 14:23

Kó ndi̱a̱ xi tsi̱ꞌe̱ sꞌueé, bi̱ katsoó mosoo̱: “Tꞌen ji ngayeje ndi̱yàngí, ko̱jo ndi̱yà kꞌijñá, kó ndibéje̱ kjo̱a̱ꞌniú ngayeje xotaa̱, tsi̱ꞌe̱ nga stsi̱e̱ ndiꞌana.”

Rkaa̱ 5:29

Kó Lebii̱ ngo sꞌué ꞌniú katsꞌeén Kjisoo̱ ki̱a̱ ndiꞌaa̱, kó kjín já xí foaꞌáꞌyá to̱n xi machjítjé ni, ko̱jo kje̱ꞌe xota̱ xi nijan kisꞌińdotꞌajo̱ yámíxa̱.

Juaa̱ 12:2

Kó Kjisoo̱ katseꞌeé nichinie ki̱a̱a̱, na̱ Martaa̱ katsꞌénseén, kó nda̱ xi ꞌmí Laá ki̱a̱ kisꞌijñajo̱ Kjisoo̱ tꞌa yámíxa̱a̱,

1 Xota̱ Korinto̱ 5:8

Kó kuíni nga chjiéngá si̱ꞌán sꞌué paskuaa̱ nga nda tjíjintakón, ko̱jo nga ja̱koxi̱ ni xi ndyi̱niꞌán, xikó maá pan xi jmí nisan xchájiín. Ngiti̱ si̱ꞌánjín ñá ni xi ndajiín ko̱jo kjo̱a̱too̱n, ngatꞌa̱ kui nii̱ xikónií nisan xi xchaá.

2 Xota̱ Korinto̱ 5:14

Ngatꞌa̱ kjo̱a̱tjoó Kristoo̱ tsꞌénjne̱ kjo̱a̱ꞌniú nga bi̱ tsꞌén niꞌánkjójne̱: Nga tsi ngo xi kꞌien kjo̱a̱a̱ ngayeje xotaa̱, kó kuíni nga ngayeje xotaa̱ jesón.

Xota̱ Ebreo̱ 13:2

Ngata̱ niꞌánchíyájínjnú nga nda si̱ꞌanjo̱jnú ngayeje xota̱ xi kjo̱chó ndiꞌajnú, ngatꞌa̱ ta̱ngatꞌanii̱ kui nii̱ nga tjín xi nde bejín nga ndítsjie boá xi katsꞌéntiee̱ ndiꞌaa̱.