Jenesii̱s 19:28 - Xo̱jo̱n eén Néná

²⁸ Kó askotsijen xtji̱e̱e̱n na̱xi̱ńdáꞌniú Sondoma̱ ko̱jo Ngomorra̱, ko̱jo ngayeje kui tꞌanangi soón, kó kamábe nga ṉdi̱i̱ tꞌanangii̱ tjitjó xikó maá ṉdi̱ xi tjoo̱ ngo orjno̱.

Jenesii̱s 19:28 Iomraidhean Croise

Xo̱jo̱n Salmoo̱ 107:34

ta̱nga nangi xi ndaa̱, nangi xi ndajín katsꞌén, ngatꞌa̱ kui xota̱ xi ki̱a̱ kisꞌińdoo̱, xota̱ xi ꞌniú ndajín boá,

Éksondo̱ 19:18

Ngayeje kui na̱xi̱ Sinaii̱ jatjoo̱ ṉdi̱, ngatꞌa̱ xikó maá ndiꞌí kamá Néná nga jatjajen, ¡kó ṉdi̱i̱ kijínijíngí xikoó ṉdi̱i̱ ngo orjno̱! Kó ngayeje na̱xi̱i̱ achichí ꞌniú kandaꞌyaá nga janie,

2 Xo̱jo̱o̱n Peé 2:7

Ta̱nga tsꞌaxiéꞌá Loo̱t, nda̱ xi kixi̱i̱, kui xi on kamaá nga kamábe nga kui xota̱ xi ndajiín katsꞌén ta̱jmì niní.

Xo̱jo̱o̱n Jundaa̱ 1:7

Xikó katsꞌén kui ndítsjiee̱, ti̱ bo̱a̱ ti̱ katsꞌén xota̱ na̱xi̱ńdáꞌniú Sondoma̱ ko̱jo Ngomorra̱, ko̱jo kui xota̱ na̱xi̱ńdá xí síndotꞌaa̱ kui ngi̱ndiee̱, nga ta̱xkiya katsꞌéntsjajo̱ yojo ndikoón, nga kondra̱ kijínii̱ ni xi íjñá Néná, kuíni nga jaꞌatio kjo̱a̱ni̱ma̱ nga kamájénií ngi̱jii̱n ndiꞌí xi jmíni̱xtjin kꞌo̱o̱. Bo̱a̱ kamá, tsi̱ꞌe̱ nga kui nii̱ xi chi̱bo̱a̱ kamáná ñá.

Ni xi akakoo̱ 18:18

nga kamábe ṉdi̱i̱ nga kití kui na̱xi̱ńdaá, bi̱ katsó nga askjandáyà: –Ñá na̱xi̱ńdá xi bo̱a̱ má kjiꞌi xikoó xi̱ꞌbi̱.

Ni xi akakoo̱ 18:9

Kó kui já ree̱ tꞌanangii̱ xi katsꞌéntsjajo̱ yojoo̱, ko̱jo kui naa̱, ko̱jo xi ta̱xkiya katsꞌénkjién to̱o̱n, skja̱ndá kó ni̱ma̱ ka̱tso̱ ta̱ngatꞌanii̱ kui, kjiꞌanga sku̱i̱e̱ ṉdi̱i̱ nga ku̱i̱ti̱,

Ni xi akakoo̱ 19:3

Sꞌe̱ ti̱ bi̱ ti̱ katsó nginí ingo ndi̱yà: –¡Nganiꞌántsjaá Néná! Kó ṉdi̱i̱ kui naa̱ ngatsjéni̱xtjin nga ko̱e̱je̱nijíngí nkꞌa jàn.

Ni xi akakoo̱ 21:8

Ta̱nga kui xota̱ xi tsiendikoón, ko̱jo kui xi sꞌijinjiín Néná, ko̱jo xi chꞌokoo̱n, ko̱jo xi tsꞌenkꞌién ini̱ma̱a̱, ko̱jo xi tondoo̱, ko̱jo xi ndyi̱tsꞌèn kjo̱a̱tjiꞌe, ko̱jo xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo ngayeje xota̱ xi ndiso, kui xi̱ꞌba̱ ki̱a̱ stso̱ba̱a̱ nga ko̱e̱je̱ ngi̱jin ndáchíkón ndiꞌí xí ta̱nisién ꞌniú jee̱ nínga tjítí ndso̱ko̱a̱n asufree̱, kuí ni xi̱ꞌbi̱ xi xi ma joó kjo̱a̱bo̱yaa̱.

Ni xi akakoo̱ 9:2

Kó iskjíxꞌá kuí ti̱xa̱na̱nga̱a̱ tꞌanangii̱, kó ki̱a̱ jatjoni ngo ṉdi̱ xi xikó maá ṉdi̱i̱ ngo orjno̱ xi ta̱nisién je, kó ṉdi̱i̱ kui ti̱xa̱a̱ xi katsꞌénjñó tsꞌueé ko̱jo tjo̱o̱.