Jenesii̱s 19:2 - Xo̱jo̱n eén Néná

² kó bi̱ katsoó: —Jún ndi̱a̱, ꞌniú míꞌájnúꞌun nga kji̱ndi̱bájnú ndiꞌana, ki̱a̱ ka̱ma ku̱i̱ndáyájnú, kó ka̱ma ki̱a̱ tsjayójojnú, kó ndyiojón ta̱jñó ka̱ma kongínrajnú ndi̱yàjnú. Ta̱nga kui já ndítsjiee̱ bi̱ katsó: —Jmí, ndokꞌóchji̱ì, ta̱nga ngi̱ya ndi̱yàtieé tsjayójojne̱.

Jenesii̱s 19:2 Iomraidhean Croise

Jenesii̱s 18:4

Ngotꞌe̱ má kuíꞌá an chií ndáfoa tsi̱ꞌe̱ nga ka̱ma ko̱niéjónjnú ndsa̱kojnú, kó ka̱ma si̱ꞌankjaꞌyá chiíjnú ngindie kui yaá.

Jenesii̱s 19:1

Kó ngije kjimangixoón jachó jó kui já ndítsjiee̱ ki̱a̱ na̱xi̱ńdáꞌniú Sondoma̱, kó Loo̱t ki̱a̱ xió tikóntꞌa nga̱ntjo̱a̱a̱ na̱xi̱ńdáꞌniú Sondoma̱, kó nga kamábe Loo̱t kui já ndítsjiee̱, jastjíe̱n nga kijítsꞌentínde, kó asiéntikoó ngaskande nga kisitꞌaa̱ xtjien tꞌanangii̱ nga kamábendikón kuí jaá,

Jenesii̱s 19:3

Kó Loo̱t ꞌniú tsíꞌaá kui já ndítsjiee̱ nga ko̱e̱je̱ ndiꞌaa̱. Kó ngije tsꞌasꞌien ndiꞌaa̱, Loo̱t katsꞌéndaa̱ pan, kó katsjaá nichinie, kó kui ndítsjiee̱ iskjinie nichiniee̱.

Jenesii̱s 24:31

Nga kamábe, bi̱ katsó Labaa̱n: «¡Ja̱bíꞌi̱n ji nda̱! Néná boá xi nda jeꞌejoo̱ kꞌi̱e̱e̱, ndibé jí ndiꞌana, nga ki̱a̱jín ndi̱tsee̱n mindyin. ¡Jè íjñanda an ngo ngi̱ndie nínga si̱ꞌinkjaꞌyé ji ko̱jo ngo ngi̱ndie nínga kꞌuíndo cho̱toꞌoyitsꞌèe̱n nga!»

Jenesii̱s 43:24

Kó ngayejee̱ nga kiniꞌánkjaꞌa ngi̱ya ndiꞌaa̱ Kosiee̱, kó katseꞌeé ndáfoa tsi̱ꞌe̱ nga ko̱niéjón se ko̱jo katsjaá nichinie bórroó nga.

Joo̱b 31:32

Kjiꞌanga xota̱ xi xín chji̱a̱ni katsꞌénkjanie nga̱ntjo̱a̱ ndiꞌana, katsjandièe̱ nga ki̱a̱ katsꞌénkjaꞌa ni̱xtji̱e̱e̱n,

Énkjínkón 25:17

Ngata̱ ngotjón ngotjónjín ꞌmí ji ndiꞌaa̱ xota̱ tꞌa ndiꞌàa̱, ngatꞌa̱ tsájmi̱ ti̱chaa̱n ka̱machꞌoo̱ ji.

Én xí nda xi ꞌniú tsjatsó ngasee̱ 5:3

«Ta̱nga jè jaꞌáxín an ńjñona, ¡kó kótsꞌèn nga ti̱ koajà ngiñá an! Jè aniejón an ndsa̱ko án, ¡kó kótsꞌèn nga ti̱ sa̱ꞌindándí ngiñá an!»

Rkaa̱ 7:44

Kó Kjisoo̱ askotsijee̱n kui naa̱, kósꞌe̱ bi̱ katsoó nda̱ xi ꞌmí Ximoo̱: –A titsitsijìi̱n kui naa̱. Tsꞌasꞌien an ndiꞌàa̱, kó jmí ndáfoa katseꞌéjínní xi aniejón an ndsa̱ko án, ta̱nga kui naa̱ ndándyíko̱n aniéjónni ndsa̱ko án, kó tsja̱to̱ko̱ katsꞌénxíjónni nga.

Juaa̱ 13:5

sꞌe̱ indyiá ndáfoa ngo ndástsié, kósꞌe̱ ítsꞌi̱yanii̱ nga aniéjón sé xota̱ tsi̱ꞌe̱, kó katsꞌénxíjón ńjño ndsa̱ xi íkjá ndáyaá.

Ni xi kamá 16:15

Kó nga kastindá kuí xota̱chjo̱on, ko̱jo xota̱ ngi̱ya ndiꞌaa̱, jaskan ꞌniú tsíꞌájne̱ nga bi̱ katsó: –Tsi jún xi bo̱a̱ ꞌmíjnú nga ja̱koxi̱ nga an sꞌijinna Ndi̱a̱ná, ndibá ni̱ꞌankjaꞌyájnú ndiꞌana. Kó ꞌniú katsꞌénjne̱ nga ki̱a̱ ku̱i̱ndyionjne̱ ndiꞌaa̱.

Xota̱ Ebreo̱ 13:2

Ngata̱ niꞌánchíyájínjnú nga nda si̱ꞌanjo̱jnú ngayeje xota̱ xi kjo̱chó ndiꞌajnú, ngatꞌa̱ ta̱ngatꞌanii̱ kui nii̱ nga tjín xi nde bejín nga ndítsjie boá xi katsꞌéntiee̱ ndiꞌaa̱.