Jenesii̱s 19:17 - Xo̱jo̱n eén Néná

¹⁷ Ngije kaꞌnaxié kui na̱xi̱ńdaá, ngo kui já ndítsjiee̱ bi̱ katsoó: —¡Tsi mejénjnú nga kjo̱tjoꞌajnú, ti̱yójnú! ¡Ngata̱ tsitsijenjínjnú nga̱xtonjnú, ti̱nde nga ki̱a̱jín nangi soón mindyiajnú! ¡Xtji̱e̱e̱n na̱xi̱i̱ ti̱yójnú, tsi mejénjnú nga kjo̱tjoꞌajnú! ¡Tsi bo̱a̱jín si̱ꞌánjnú, kju̱i̱e̱jnú ndatsa jún nga!

Jenesii̱s 19:17 Iomraidhean Croise

Jenesii̱s 13:10

Kó Loo̱t askotsijen nga ngo foaꞌatjiyajoo̱n, kó kamábe tꞌanangi són xi tikóntꞌa ndejèꞌ Jorndaa̱n nga tjín síkijí ndáfoa ki̱a̱a̱, ngatꞌa̱ ngindiee̱ nga sa̱ꞌínkjié Néná na̱xi̱ńdáꞌniú Sondoma̱ ko̱jo Ngomorra̱, ngayeje kui ngi̱ndie són xi ꞌmí Soaa̱r achichí tsjachon kamá, xikó maá Endee̱n, kui ngi̱ndie nínga tjitjíe̱ yá tjié xi tjón katsꞌénda Néná, kó achichí ni kamáxchá ki̱a̱a̱, xikó maá tꞌanangi nínga kisꞌijña na̱xi̱ńdá Ejipto̱.

Jenesii̱s 14:10

Kó ki̱a̱ nangi nínga soón Ndáchíkón Kꞌieèn, achichí kjín ndáńchꞌi̱ nínga tjo tjingóxkjà tjín, kó nga ndyi̱monga kui já re xi chji̱a̱ni Sondoma̱ ko̱jo Ngomorra̱, ki̱a̱ ixó ngi̱yaa̱ kui ndáńchꞌií, kó jájún xi ngasee̱ ngi̱jin kꞌijñá jàn tsanga.

Jenesii̱s 18:22

Kó kijí kui jaá xtji̱e̱e̱n na̱xi̱ńdáꞌniú Sondoma̱, ta̱nga Abraa̱n to̱kó kisꞌijñara ngindyi̱ko̱n Néná.

Jenesii̱s 19:18

Ta̱nga Loo̱t bi̱ katsó: —¡Jmí ndi̱a̱, ꞌniú míꞌájnúꞌun nga jmí!

Jenesii̱s 19:22

Ta̱nga tsá tꞌen ji, ti̱yi jí jàn jàn, ngatꞌa̱ jmí ni sa̱ꞌinjín an ngaskande ngije kjóchí ji ki̱a̱a̱. Kuíni nga kui na̱xi̱ńdaá Soaa̱r kiꞌmí, «ngi̱ndie xi chichí» tsó kui jaꞌeén.

Jenesii̱s 19:26

Ta̱nga chjo̱ón Loo̱t katsꞌénkꞌafóyá nga askotsijen nga̱xto̱n, kó ndi̱jo̱ na̱xa̱ kamá ngayeje yojoo̱ kui xota̱chjo̱on.

Jenesii̱s 19:30

Kó Loo̱t ko̱jo ndí ínchjiín katsakjónní nga ki̱a̱ kꞌuíndo na̱xi̱ńdá Soaa̱r, kó jatjo kui ngi̱ndiee̱, kósꞌe̱ ngo ti̱xa̱na̱xi̱ kijíkꞌíndo.

Xo̱jo̱n Salmoo̱ 121:1

Nínga síndo na̱xi̱i̱ skotsijen an, ñá kji̱ndi̱báni xi ko̱síko̱jona.

Xki̱ 16:26

Kó Moisee̱ bi̱ katsoó ngayeje xota̱ na̱xi̱ńdaá: «Tji̱taxíntꞌajnúu̱ ndiꞌaa̱ kui xota̱ xi ndajiín, kó ndeskande nga niꞌánjo̱jínjnú ni xi tjiín. Ngatꞌa̱ tsájmi̱ ta̱ngatꞌanii̱ jeé kui xotaa̱, nga ngaskande jún kju̱i̱e̱sónjnú».

Matioo̱ 3:7

Nga kamábe Juaa̱ nga achichí má xota̱ fariseo̱, ko̱jo xota̱ sanduseo̱ xi jachó nínga tsꞌénbotíndá, bi̱ katsoó: ¡Xota̱ xi ja̱ kon ye̱ kónjnú! ꞌYá xi bo̱a̱ katsójnú nga ka̱ma ku̱i̱yòjnúu̱ kjo̱a̱xcha̱án Néná xí je kjimatiñaa̱.

Rkaa̱ 12:23

Ngatꞌa̱ kjo̱a̱mindyioo̱n chjí ngasenii̱ ta̱bo̱a̱jiín nichiniee̱, kó yojoná chjí ngasenii̱ ta̱bo̱a̱jiín ńjño xi chajaá.

Rkaa̱ 9:62

Ta̱nga Kjisoo̱, bi̱ katsoó: –Nde ngojín xota̱ xi je íjñasoón tsja ki̱cha̱ xi bokján nangii̱ kó skotsijen nginí nga̱xto̱n, xi nda ka̱maa̱ nga kꞌo̱sꞌien nínga botixómá Néná.

Xota̱ Ebreo̱ 2:3

kótsꞌèn ka̱máná nga ku̱i̱yóo̱ kui kjo̱a̱botíjeé, tsi si̱ꞌansénjáa̱n kui kjo̱a̱ꞌnaxiéꞌá xi bo̱a̱ tsꞌén jee̱. Ngatꞌa̱ ti̱kuíní Ndi̱a̱ Kjisoo̱ xi tjón katsóyà kui én xí ꞌboxiéꞌáná, sꞌe̱ jaskan xota̱ xi tsintꞌieé akóná nga ja̱koxi̱ kui nii̱.