Jenesii̱s 19:16 - Xo̱jo̱n eén Néná

¹⁶ Kó nga tsájín tjítsꞌén Loo̱t, kui já ndítsjiee̱ iskjíbé tsja Loo̱t ko̱jo chjo̱ón ko̱jo ndí ínchjiín, kó tsꞌaxié kui na̱xi̱ńdaá. Tsꞌaxiéꞌá ngatꞌa̱ Néná ni̱ma̱ kamaá.

Jenesii̱s 19:16 Iomraidhean Croise

Jenesii̱s 19:15

Kó ngije ndibáꞌásie̱én, kui já ndítsjiee̱, bi̱ katsó nginií Loo̱t: —¡Loo̱t tsá yé ji! ¡ꞌNa̱xié ji chjóo̱n ko̱jo nga jó ndí ínchjíi̱n kui ngi̱ndiee̱! ¡Tsi bo̱a̱jín si̱ꞌin ji, ko̱yè jí ndatsa ji nga si̱ꞌankjie kui na̱xi̱ńdaá!

Jenesii̱s 43:10

Jè tsie tsꞌandíyáná kꞌi̱e̱e̱, tsi bo̱a̱jín kamá, ¡jera̱ jó ndi̱yà kamáná nga tsangín ko̱jo nga kjindibá tsobo̱a̱!

Xo̱jo̱n Salmoo̱ 103:13

Kui xota̱ xi tsꞌéndíkón Néná, Néná achichí nda tsꞌénjo̱, xikó má tsꞌénjo̱ ndií ngo na̱ꞌmi.

Xo̱jo̱n Salmoo̱ 106:1

¡Si̱ꞌantsjàa̱ Néná! ¡Ko̱e̱ꞌée̱ ndokꞌóchji̱ì ngatꞌa̱ achichí ndaxota̱! ¡Néná ngatsjéni̱xtjin nga tjoó ñá!

Xo̱jo̱n Salmoo̱ 106:8

Ta̱nga ji kaꞌnaxiéꞌé ji, tsi̱ꞌe̱ nga sku̱i̱e̱ ngaꞌniú jèe̱, ko̱jo tsi̱ꞌe̱ nga ji sa̱ꞌíntsjaá.

Xo̱jo̱n Salmoo̱ 107:1

¡Si̱ꞌantsjàa̱ Néná! ¡Ko̱e̱ꞌée̱ ndokꞌóchji̱ì ngatꞌa̱ achichí ndaxota̱! ¡Néná ngatsjéni̱xtjin nga tjoó ñá!

Xo̱jo̱n Salmoo̱ 111:4

Néná achichí tjó ko̱jo ndaxota̱ tsꞌénjo̱ná ñá, kó kuí boá xi tsꞌén nga ngatsjéni̱xtjin si̱ꞌankjaꞌátsjien ni xi fíndikónná xí tsꞌén.

Xo̱jo̱n Salmoo̱ 118:1

¡Si̱ꞌantsjàa̱ Néná! ¡Ko̱e̱ꞌée̱ ndokꞌóchji̱ì, ngatꞌa̱ achichí ndaxota̱! ¡Ngatsjéni̱xtjin nga tjoó ñá!

Xo̱jo̱n Salmoo̱ 136:1

¡Si̱ꞌantsjàa̱ Néná, ngatꞌa̱ nda xota̱! ¡Ngatꞌa̱ Néná ngatsjéni̱xtjin nga tjoó ji̱n!

Xo̱jo̱n Salmoo̱ 32:10

Xota̱ xi ndajiín achichí kjo̱a̱ni̱ma̱ kjo̱a̱ꞌatio, ta̱nga xota̱ xi ji kjimaꞌniátakón Néná, kjo̱a̱ni̱ma̱takón boá xi kjifoaꞌatjiyajoo̱n.

Xo̱jo̱n Salmoo̱ 33:18

Ta̱nga Néná ngatsjéni̱xtjin nga tsꞌénkoón xota̱ xi bendikón kuí, ko̱jo xi ndyi̱koyaa̱ kjo̱a̱ni̱ma̱takoón.

Xo̱jo̱n Salmoo̱ 33:19

Tsi̱ꞌe̱ nga kꞌo̱xiéꞌáni ngi̱ya tsja kjo̱a̱bo̱yaa̱, kó sa̱ꞌínkꞌíndora nga kjo̱chó ni̱xtjii̱n kjindiaá.

Xo̱jo̱n Salmoo̱ 34:12

ꞌYá nda̱a̱ bo̱a̱ xi mejeén nga kꞌuieé kjo̱a̱mindyion, kui xi mejeén nga tsie ka̱maa̱, tsi̱ꞌe̱ nga sku̱i̱e̱ ni xi ndaa̱.

Xo̱jo̱n Salmoo̱ 86:15

Ta̱nga ji Ne, jí boá ngo Ne xi tjiín kjo̱a̱tsiekon ko̱jo kjo̱a̱ni̱ma̱takón, tsájín niꞌínxchín jí, kó tsie kjo̱a̱ni̱ma̱takón ko̱jo kjo̱a̱kixi̱ tjiín.

Xo̱jo̱n Salmoo̱ 86:5

Ngatꞌa̱ ji Ne, nda jí xota̱, kó maá niꞌínjetakín ji, ¡kó achichí kjo̱a̱ni̱ma̱takón tjiín kjo̱a̱a̱ xota̱ xi tsꞌénkáxoma jaꞌée̱n!

Éksondo̱ 34:6

Tji̱e̱nga tsꞌénfoaꞌa kje̱n Moisee̱, Néná ꞌniú tsíchji̱a̱ nga bi̱ katsó: «¡Án boá xi Nee̱ xota̱ Israee̱l! ¡ÁN XÍ ÁN, kó kuí boá kuí jaꞌeén xí kamábenina xotaa̱! Án boá ngo Ne xi nda ini̱ma̱a̱ ko̱jo xi ndaxota̱. Jmí tsi tsá tsꞌenxchán án, kó achichí ꞌniú tjóna xota̱ na̱xi̱ńdána.

Éksondo̱ 34:7

Kjo̱a̱tjóna ti̱kuíní bo̱a̱, kó ngatsjéni̱xtjin tikónnda an nga sa̱ꞌinjetakóo̱n xota̱ xi ndajín ndyi̱tsꞌèn. Ta̱nga ti̱ mána tsꞌenjée̱ xota̱ xi tjiín jé ko̱jo ndií, ko̱jo ndíndee̱, ko̱jo ndínde xi ma joó, ko̱jo ndínde xi ma jaán».

Kjo̱a̱chaꞌaá 3:22

Kjo̱a̱ni̱ma̱takoón Néná jmíni̱xtjin fe, ti̱nde kjifejín kjo̱a̱ndaxota̱a̱.

Xki̱ 14:18

nga achichí kjo̱a̱tjó tjiín ko̱jo nga tsie kjo̱a̱chiyákón tjiín, kó nga kuíni nga niꞌínjetakíi̱n xota̱jeé. Jí boá xi je bo̱a̱ kase ji nga niꞌínjée̱ ndií, ko̱jo ndíndee̱, ko̱jo ndínde xi ma joó, ta̱ngatꞌanii̱ ni xi ndajín xi katsꞌén xi xchaá.

Rkaa̱ 18:13

Ta̱nga nda̱ xi foaꞌáꞌyá to̱n xi machjítjé nii̱, kjin kisꞌijña, nde kamámejénjiín askotsijen ndiꞌakꞌajmi jàn, kó ta̱soboá tji̱ngo̱ yeꞌeé ni̱se̱e̱n, nga bi̱ katsoó Néná: “Na̱ꞌmi, ngatamani̱ma̱a̱ an, ngatꞌa̱ xota̱ jé án.”

Juaa̱ 6:44

Nde ngojín xota̱ xi ka̱maa̱ kjo̱e̱ꞌe̱kónna, tsi kuijín Na̱ꞌmi xi jeꞌejo̱na xi kjo̱e̱ꞌéjo̱, kó an sa̱ꞌinkjaꞌáꞌyáa̱ kui xotaa̱, nga kjo̱chó ni̱xtjin nga kju̱i̱e̱tꞌaa̱ kui nga̱sondiee̱.

Xota̱ Roma̱ 9:18

Kó kuíni nga Néná ka̱mani̱ma̱a̱ xota̱ xi mejeén kui nga ka̱mani̱ma̱a̱, kó tajá sa̱ꞌín ini̱ma̱a̱ xi mejeén kui nga tajá sa̱ꞌín ini̱ma̱a̱.

2 Xota̱ Korinto̱ 1:3

Nganiꞌántsjaá Néná, kui xi Nee̱ ko̱jo Na̱ꞌmii̱ Ndi̱a̱ná Jesukristoo̱, kui xi Na̱ꞌminá ko̱jo xi Néná xí ma ni̱ma̱a̱ ñá, ko̱jo xi tsjangaꞌniúná ngatsjéni̱xtjin.

Ndeuteronomio̱ 4:31

Néná ku̱i̱ꞌíjñámasienjínjnú, ti̱nde sa̱ꞌínkjiéjínjnú, ngatꞌa̱ achichí tjoó jún. Néná jmíni̱xtjin xchi̱yaa̱ ni xi índajo̱ xota̱ xi xchájnú, ngatꞌa̱ jè bo̱a̱ katsó nga sa̱ꞌínkjatjosón kui nii̱.

Ndeuteronomio̱ 5:15

Chjiéngá kjo̱a̱ꞌátsjienjnú nga moso̱ kamájnú ki̱a̱ nangi Ejipto̱, kó nga án boá xi tsꞌaxiéjnúꞌun ki̱a̱a̱ nga katsꞌénkjién án ngaꞌniú jena. Kuíni nga tsꞌénbotixomájnúꞌun nga ni̱xtjin xi ma yitoo̱ si̱ꞌankjaꞌyájnú.

Ndeuteronomio̱ 6:21

jún bi̱ kꞌuínjnúu̱: “Mosoo̱ nda ree̱ nangi Ejipto̱ mára kamájne̱ kjín nó, ta̱nga Néná katsꞌénkjién ngaꞌniú jee̱, kó tsꞌaxiéjne̱ kui ngindiee̱.

Ndeuteronomio̱ 7:8

Tsi Néná jè katsꞌéndéjnú nga moso̱ kamájnú ki̱a̱ nangi Ejipto̱, kjo̱a̱a̱ nga tjórií jún. Katsꞌénkjién ngaꞌniú jee̱ nga katsꞌeén nda̱ ree̱ nangi Ejipto̱, kó bo̱a̱ tsꞌén katsꞌénkjatjosón ni xi katsóyàtjoón xota̱ xi xcháná.

Titoo̱ 3:5

tsꞌaxiéꞌáná, ta̱nga jmí tsi kjo̱a̱a̱ ni xi kiniꞌán, tsi kjo̱a̱a̱ ngo ni xi kixi̱ xi kiniꞌán, ta̱sá ta̱ngatꞌanii̱ nga kamáni̱ma̱a̱ ñá. Katsꞌéntsjiená kjiꞌanga katsꞌéntsen nginíná, kó A̱si̱énni̱xtjii̱n xí katsꞌéntja̱tsi̱e̱yaniná.

2 Xo̱jo̱o̱n Peé 2:7

Ta̱nga tsꞌaxiéꞌá Loo̱t, nda̱ xi kixi̱i̱, kui xi on kamaá nga kamábe nga kui xota̱ xi ndajiín katsꞌén ta̱jmì niní.

2 Xo̱jo̱o̱n Peé 2:9

Ngayeje kui nii̱ xi bokó nga Ndi̱a̱ná márií ꞌboxiéjin ngi̱jii̱n kjo̱a̱chjatꞌayákón xi ꞌbeé xota̱ xi bendikón Néná, kó ti̱ tjínrií ngaꞌniú nga ko̱tíjeé xota̱ xi kixi̱jín, nga kjo̱chó ni̱xtjin nga Néná ka̱tso̱yà tsi nda ko̱jo tsi ndajínkjiꞌi ni xi katsꞌén xotaa̱.