Jenesii̱s 19:14 - Xo̱jo̱n eén Néná

¹⁴ Kósꞌe̱ jataxie Loo̱t, kó tsíchji̱a̱jo já xí ka̱ma xkandaa̱, kó bi̱ katsoó: —¡Tsá ti̱sítji̱e̱njnú! ¡Kó tja̱tjójnú kui ngi̱ndiee̱, ngatꞌa̱ Néná jè sa̱ꞌínkjié kui na̱xi̱ńdaá! Ta̱nga kui já xí ka̱ma xkandaa̱ Loo̱t, ta̱ tsajnókie.

Jenesii̱s 19:14 Iomraidhean Croise

Jenesii̱s 19:15

Kó ngije ndibáꞌásie̱én, kui já ndítsjiee̱, bi̱ katsó nginií Loo̱t: —¡Loo̱t tsá yé ji! ¡ꞌNa̱xié ji chjóo̱n ko̱jo nga jó ndí ínchjíi̱n kui ngi̱ndiee̱! ¡Tsi bo̱a̱jín si̱ꞌin ji, ko̱yè jí ndatsa ji nga si̱ꞌankjie kui na̱xi̱ńdaá!

Jenesii̱s 19:17

Ngije kaꞌnaxié kui na̱xi̱ńdaá, ngo kui já ndítsjiee̱ bi̱ katsoó: —¡Tsi mejénjnú nga kjo̱tjoꞌajnú, ti̱yójnú! ¡Ngata̱ tsitsijenjínjnú nga̱xtonjnú, ti̱nde nga ki̱a̱jín nangi soón mindyiajnú! ¡Xtji̱e̱e̱n na̱xi̱i̱ ti̱yójnú, tsi mejénjnú nga kjo̱tjoꞌajnú! ¡Tsi bo̱a̱jín si̱ꞌánjnú, kju̱i̱e̱jnú ndatsa jún nga!

Jenesii̱s 19:22

Ta̱nga tsá tꞌen ji, ti̱yi jí jàn jàn, ngatꞌa̱ jmí ni sa̱ꞌinjín an ngaskande ngije kjóchí ji ki̱a̱a̱. Kuíni nga kui na̱xi̱ńdaá Soaa̱r kiꞌmí, «ngi̱ndie xi chichí» tsó kui jaꞌeén.

Éksondo̱ 12:31

Kó ti̱ kui ni̱xtji̱e̱n, nda̱ ree̱ tsíchji̱a̱a̱ Moisee̱ ko̱jo Aaroo̱n, kó bi̱ katsoó: «¡Tja̱tjójnú ngi̱jii̱n nangina! ¡Tangínjnú ngayeje jún ko̱jo xota̱ Israee̱l, kó ti̱ꞌandikónjnú Nejnú, xikótsꞌèn je kichjiáꞌájnúꞌun!

Éksondo̱ 9:21

Ta̱nga kje̱ꞌe xota̱ xi kisꞌijinjiín ni xi kiꞌmií, kó ki̱a̱ índo mosoo̱ ko̱jo cho̱o̱ ki̱a̱ ngi̱jin kꞌijñaá.

Énkjínkón 29:1

Xota̱ xi tsjajín maá nga niꞌánxchánjo̱, ta̱niján má kji̱ndi̱bá nga si̱ꞌankjie, kó jmíjín xi ka̱ma ku̱i̱ꞌíchjaá nga bo̱a̱ ka̱ma.

Xki̱ 16:21

—¡Tji̱taxión boaꞌájnúu̱ kui xotaa̱, ngatꞌa̱ ngotꞌe̱ má sa̱ꞌinkjié an ngayejee̱!

Xki̱ 16:26

Kó Moisee̱ bi̱ katsoó ngayeje xota̱ na̱xi̱ńdaá: «Tji̱taxíntꞌajnúu̱ ndiꞌaa̱ kui xota̱ xi ndajiín, kó ndeskande nga niꞌánjo̱jínjnú ni xi tjiín. Ngatꞌa̱ tsájmi̱ ta̱ngatꞌanii̱ jeé kui xotaa̱, nga ngaskande jún kju̱i̱e̱sónjnú».

Xki̱ 16:45

«Tji̱taxión boaꞌájnúu̱ kui xotaa̱, ngatꞌa̱ ngotꞌe̱ má sa̱ꞌinkjié an». Kó Moisee̱ ko̱jo Aaroo̱n kixindyiańña ngaskande nga kisitꞌaa̱ kje̱n tꞌanangii̱,

Matioo̱ 1:18

Bi̱ kamá nga katsen Jesukristoo̱: Na̱ Riyaa̱, na̱aa̱n Kjisoo̱, ja̱bo̱a̱ jé índa nga Kosiee̱ ku̱i̱xanjo̱, ta̱nga ngindiee̱ nga kꞌuíndojo̱ xkjín, kamábe nga A̱si̱énni̱xtjii̱n Néná ngo ndí jè katsjaá.

Matioo̱ 9:24

sꞌe̱ bi̱ katsó Kjisoo̱: –Tji̱taxi̱e̱jnú, ngatꞌa̱ tsa̱kjìnchií kji̱e̱ ꞌméjín, ta̱ kjiꞌifé tsí. Kó ngayeje xotaa̱ tsajnókie Kjisoo̱.

Rkaa̱ 24:11

Ta̱nga kui jaá, ta̱ kjo̱a̱tsobé tsí kamaá ni xi katsóyà kui ínchjiín, kó kisꞌijinjiín.

Rkaa̱ 9:42

Kó ta̱nga tji̱e̱nga kui nda̱a̱ tsꞌénfíkón tiñaa̱ Kjisoo̱, kui xindajiín, tsꞌajmitójó tꞌanangii̱, kó katsꞌénkjatsiéxchán, ta̱nga Kjisoo̱ katsꞌénxchánjo̱ kui a̱siénni̱xtjin xi ndajiín tsi̱ꞌe̱ nga jatjo, kó tji̱e̱nmá kamándaya kui nda̱a̱, sꞌe̱ katsꞌénkjíkón nginií na̱ꞌmii̱.

Ni xi kamá 17:32

Kó nga tsintꞌié kuí xotaa̱ nga foaꞌáꞌyaá xota̱ xi fesoón, tjín xí tsajnókie Pabloo̱, kó kje̱ꞌe xí bi̱ katsó: –Ta̱sá kje̱ꞌe ni̱xtjin ko̱nda̱ꞌyá nginí ji̱n kjo̱a̱a̱ ni xi tꞌísé ji.

1 Xota̱ Tesalónika̱ 5:3

Kjiꞌanga bi̱ ka̱tso̱ xotaa̱: “Tjínná kjo̱a̱xió, ko̱jo jè jmí ni ka̱májínná”, kjiꞌá boá nga ta̱niján ma kji̱ndi̱bá nga kju̱i̱e̱ kui xotaa̱, xikó ma má nga je ndibaá tsi̱ndi̱o̱o̱ ngo xota̱chjo̱on xí yaꞌa ndí. Ngiti̱ jmíjín kótsꞌèn ka̱ma ku̱i̱yòjnú.