Jenesii̱s 18:25 - Xo̱jo̱n eén Néná

²⁵ ¡Jí boá ngo Ne xi kotsijee̱n tsi nda ko̱jo tsi ndajín ndyi̱tsꞌèn ngayeje xota̱ nga̱sondiee̱! ¡Kó jí ka̱májín nijan si̱ꞌinkꞌin ji xota̱ xi ndajín ndyi̱tsꞌe̱én ko̱jo xota̱ xi nda ndyi̱tsꞌe̱én! ¡Jí boá ngo Ne xi ndse̱je̱n tsꞌenseén ngayeje xotaa̱!

Jenesii̱s 18:25 Iomraidhean Croise

Jenesii̱s 18:24

Kó tsi síndo ichítié xota̱ xi kixi̱ ngi̱jii̱n kui na̱xi̱ńdaá. A si̱ꞌinjetakinjíi̱n ngayeje kui xotaa̱ ta̱ngatꞌanii̱ nga tjoó kui xota̱ xi kixi̱ xi ichítié xi síndo ki̱a̱a̱.

Joo̱b 34:10

»Ta̱nga jún xota̱ xi kjínkón boá jún, kuíni nga nda nda má tasiénijónjnúꞌun ni xi xiánjnúꞌun. ¡Ndeskande chjiénjín nga si̱ꞌankjó nga kui Néná xí tsi̱ꞌe̱ ngayeje ngaꞌniuú sa̱ꞌín ngo ni xi kixi̱jín kjiꞌi!

Joo̱b 34:12

Nga ja̱koxi̱ Néná xí tsi̱ꞌe̱ ngayeje ngaꞌniuú tsꞌénjín ni xi ndajín ko̱jo ni xi kixi̱jín.

Joo̱b 8:20

»Néná tsꞌenchꞌójín xota̱ xi kixi̱i̱, ti̱nde bosikójojín xota̱ xi ꞌniú ndajiín.

Joo̱b 8:3

Néná xí tsi̱ꞌe̱ ngayeje ngaꞌniuú, sa̱ꞌínkꞌájinjiín kjo̱a̱ndaa̱ ko̱jo kjo̱a̱kixi̱i̱.

Xo̱jo̱n Salmoo̱ 50:6

Nkꞌajmii̱ ka̱tso̱yà kjo̱a̱kixi̱i̱ Néná, ngatꞌa̱ Néná boá xi Ne ndiꞌamasiee̱n.

Xo̱jo̱n Salmoo̱ 58:11

Kósꞌe̱ bi̱ ka̱tso̱ xota̱ nga̱sondiee̱: «¡Nga ja̱koxi̱, tsꞌén ngo ni xi niꞌán xota̱ xi kixi̱i̱! ¡Ja̱koxi̱ boá nga tikón ngo Néná xí kixí tsꞌén tsꞌenseén xotaa̱ kui nga̱sondiee̱!»

Xo̱jo̱n Salmoo̱ 7:12

Tsi sa̱ꞌínkꞌoyàjín yojoo̱ kui xotaa̱, Néná sa̱ꞌínyojó ki̱cha̱ndojoó, kó ku̱i̱ꞌíjñanda yáchjonyáa̱, tsi̱ꞌe̱ nga skji̱ní yáyojoó.

Xo̱jo̱n Salmoo̱ 75:3

Kjiꞌanga kjo̱tsiè tꞌanangii̱ ko̱jo xota̱a̱, kó ngije mejeén ku̱i̱xo̱, Án boá xi koꞌniú án nínga tikónsón.

Xo̱jo̱n Salmoo̱ 94:2

¡Ye ꞌne̱ nendiꞌamasien xi botíjeé kui nga̱sondiee̱, te̱ꞌéchjíi̱ kui xota̱ xi nkꞌakoo̱n!

Xo̱jo̱n Salmoo̱ 98:9

Ngatꞌa̱ Néná ndibákatíjeé kui tꞌanangii̱, kó kjo̱a̱kixi̱i̱ sa̱ꞌínkjién nga ko̱tíjeé xota̱ nga̱sondiee̱, kó ndse̱je̱n tsꞌén ko̱tíjeé ngayeje xota̱ na̱xi̱ńdaá.

Eklesiastee̱ 3:17

Kósꞌe̱ bi̱ tsꞌén katsꞌenkjó án: Xota̱ xi kixi̱i̱ ko̱jo xota̱ xi ꞌniú ndajiín, Néná boá xi ko̱kó tsi nda ko̱jo tsi ndajín katsꞌén, ngatꞌa̱ ki̱a̱ boá nínga tikón ngo ni̱xtjin kjo̱a̱a̱ ngayeje ni xi mejénná si̱ꞌán, ko̱jo ngayeje ni xi niꞌán.

Eklesiastee̱ 7:15

Ngayeje kui ni bi̱ xi je kamábe an kui ni̱xtjin xi ta̱kjo̱a̱ndaní xi je kisꞌijña an: xota̱ xi kixi̱ xi ta̱ngatꞌanii̱ kjo̱a̱kixi̱i̱ nga jesón, ko̱jo xota̱ xi ndajín xi achichí tsie maá, ndatsi ndajín ndyi̱tsꞌèn.

Xki̱ 16:22

Kó Moisee̱ ko̱jo Aaroo̱n kixindyiańña ngaskande nga kisitꞌaa̱ kje̱n tꞌanangii̱, kó bi̱ katsoó Néná: —Ne tsa̱ji̱n, ji xi boeꞌéjne̱ kjo̱a̱mindyion ngayejejne̱, ¡ngata̱ niꞌínkꞌínjín ji! A si̱ꞌinkꞌin jí ngayeje kui xotaa̱ ta̱ngatꞌanii̱ ngo nda̱.

2 Xota̱ Korinto̱ 5:10

Ngatꞌa̱ chjiéngá ngayeje ñá ki̱a̱ konginkíndyiá ngindyi̱ko̱n Kristoo̱, tsi̱ꞌe̱ nga sku̱i̱e̱ ni xi kiniꞌán, kó nga ngo nga ngo ñá sa̱kóná ni xi tsoboáná, tsi nda ko̱jo tsi ndajín kjiꞌi ni xi kiniꞌán, tji̱e̱nga kixindyión ngi̱jii̱n kui yojoo̱.

Ndeuteronomio̱ 1:16

»Kó kuí má chi̱bo̱a̱a̱ nga bo̱a̱ kixianjnúꞌun jún ngayeje ni xi chjiéngá si̱ꞌánjnú. Kó bo̱a̱ kixiáa̱n já nendiꞌamasiee̱n nga ta̱són nga kixi̱ sa̱ꞌínjo̱ ngayeje xotaa̱, jmí ndasénjín tsi xota̱ ni̱ma̱ ko̱jo tsi xota̱ cho̱n, tsi xota̱ Israee̱l, ko̱jo tsi xín nangi chji̱a̱ni, kó nga ngojín ni ko̱jo tsi xota̱ xi stsa̱kjo̱ón, ngatꞌa̱ Néná boá xi ko̱síko̱jo nga nijan ka̱ma ni xi sa̱ꞌín. Kó ti̱ bo̱a̱ kixiáa̱n nga kjiꞌanga sa̱ko̱ó ngo kjo̱a̱xti xi ta̱nisién niꞌín, an nga tsangiyana, tsi̱ꞌe̱ nga an sa̱ꞌindajin an.

Ndeuteronomio̱ 32:4

Kuí boá xi tsꞌénkónná kjo̱a̱a̱ ni xi ndajiín. Kuí boá xi ngo Néná xi kixi̱ ko̱jo xi maꞌniátakón, ngatsjéni̱xtjin nga kixi̱ tsꞌensénná.

Xota̱ Ebreo̱ 12:23

Ki̱a̱ jáchójnú nínga kamátikó xota̱ xi tjón kamá ndií Néná kui xi je kjitꞌa jaꞌeén ki̱a̱ ndiꞌakꞌajmii̱. Tsangínchon tiñajnú kui Ne xi tsáyà tsi nda ko̱jo tsi ndajín tsꞌén ngayeje xotaa̱, ki̱a̱ nínga síndo a̱si̱énni̱xtjii̱n xota̱ xi ndaa̱, kui xi Néná katsꞌén xi chjiéngá ka̱ma.