Jenesii̱s 18:15 - Xo̱jo̱n eén Néná

¹⁵ Nga tsintꞌié kuí nii̱ na̱ Saraa̱, katsakjónní kó bi̱ katsó: —Tsajnójín an. Ta̱nga Néná bi̱ katsó: —A bejín xò án nga akajné ji.

Jenesii̱s 18:15 Iomraidhean Croise

Jenesii̱s 12:13

Kuíni nga kjiꞌanga ko̱síyaá kui jaá ꞌyá mánii̱ an, ndichja Abra̱n án tꞌíi̱n, tsi̱ꞌe̱ nga nda si̱ꞌanjo̱na, kó si̱ꞌankꞌiénjínna ta̱ngatꞌanii̱ ji».

Jenesii̱s 18:14

A tjín ngo ni xi niꞌin ka̱mana nga sa̱ꞌin an. Nó xí ndibaá kji̱ndi̱bákón ngiñaá ngije stse̱n ndií na̱ Saraa̱.

Jenesii̱s 18:16

Kó kui jaá jastjíe̱n nínga síndo, kó kijí xtji̱e̱e̱n na̱xi̱ńdáꞌniú Sondoma̱, kó Abraa̱n nijan kijíjo̱ ngotjón tsi̱ꞌe̱ nga sa̱ꞌínkixotꞌa.

Jenesii̱s 4:9

Kó ngi̱chí sájín Néná bi̱ katsoó Kaii̱n: —Ñá tikón Abe̱ ntsꞌie ji. Kó bi̱ katsó Kaii̱n: —Bejín an. ¡A án tsꞌénkonda an ntsꞌié án!

Joo̱b 2:10

Ta̱nga Joo̱b, bi̱ katsoó: —¡Jmí chjo̱ón! Ngata̱ bo̱a̱jín tsó kjo̱a̱chi̱ni xi ndokjo̱e̱ ji. Tsi niꞌánjo̱ꞌó ñá ngayeje ni nda xi tsjáná Néná, ja̱ ti̱ chjiéngá si̱ꞌanjo̱ꞌo ni xi ndajiín nga. Kó ndatsi bo̱a̱ kjiꞌi ngayeje ni xi je kamaá Joo̱b, katsꞌénjéjín nga chꞌo katsoó Néná.

Xo̱jo̱n Salmoo̱ 44:21

kó Néná, a mí tsí je kamákjiín kui nii̱ tsobo̱a̱, ngatꞌa̱ kui jè be ni xi tjiꞌmaá ini̱ma̱a̱.

Xo̱jo̱n Salmoo̱ 44:22

Ta̱nga ta̱ngatꞌanií ji nga ndyiojón ndyiojón niꞌánkꞌiénjne̱, kó bo̱a̱ mataꞌinjne̱ xikoó cho̱tsa̱nga̱ xi mongínjo̱ nínga niꞌánkꞌién.

Énkjínkón 12:19

Xota̱ xi chji̱a̱ ni xi kixi̱i̱, ngatsjéni̱xtjin nga ꞌbíjñá, ta̱nga xi chji̱a̱ éndísoó, tsiejín ꞌbondíyaá.

Énkjínkón 28:13

Xi ꞌbíꞌmá jé xi tsꞌén, jmíni̱xtjin nda ko̱e̱je̱e̱, ta̱nga kui xi ka̱tso̱yaa̱, kó ngiti̱ sa̱ꞌínjéjín, kuí boá xi sa̱ko̱ó kjo̱a̱jetakoón Néná.

Markoo̱ 2:8

Kó Kjisoo̱ kamákjín tji̱ꞌni̱u̱ú a̱si̱énni̱xtjii̱n ni xi yíjin kon kui jaá, kó bi̱ katsó nga asíyaá: –Míkjo̱a̱a̱ nga bo̱a̱ tsꞌén ndyi̱fojintakónjnú.

Juaa̱ 18:17

Kósꞌe̱ na̱ chji̱ni̱e̱ꞌbo xi konda nga̱ntjo̱a̱a̱, bi̱ katsoó Peé: –A ko̱jo jijín xí xota̱ tsi̱ꞌe̱ Kjisoo̱ nga. Kó bi̱ katsó Peé: –Jmí, ánjín bo̱a̱.

Juaa̱ 2:25

kó jmí kjo̱a̱jín nga tjín xí katsóyaà kókón xotaa̱, ngatꞌa̱ ja̱bo̱a̱ je be kui kókón, ko̱jo kótsꞌèn tsꞌénkjó.

Xota̱ Roma̱ 3:19

Ta̱nga jè ya ñá ngayeje ni xi tsó kjo̱a̱kitii̱, nga tsi̱ꞌe̱ xota̱ xi Néná katsjaá kui kjo̱a̱kitii̱ boá, tsi̱ꞌe̱ nga ngayeje tsꞌoa xotaa̱ si̱chjá, kó ngayeje xotaa̱ kui nga̱sondiee̱ sa̱ꞌínkie yojoo̱ nga katsꞌénjé, kó kꞌuíndo ngi̱yaa̱ kjo̱a̱botíjeé Néná.

Xota̱ Éfeso̱ 4:23

kó ngatamatja̱tsi̱e̱ya a̱si̱énni̱xtjinjnú, ko̱jo kjo̱a̱kjíntakónjnú.

Xota̱ Kolosa̱ 3:9

Ngata̱ ja̱kꞌi̱e̱ ja̱ngajánjín ꞌbíndisojo̱jnú xingi̱jnú, ngatꞌa̱ jè xikoó tsi je ikꞌiéjnú ńjño xchá xí kichajájnú ngasꞌe̱.

1 Xo̱jo̱o̱n Juaa̱ 1:8

Tsi jmí jéjínná tsí kꞌuín, ti̱ ñání xi ndyi̱chꞌíṉcha̱jo yojoná, kó jmíjínná ja̱koxi̱i̱.