Jenesii̱s 18:14 - Xo̱jo̱n eén Néná

¹⁴ A tjín ngo ni xi niꞌin ka̱mana nga sa̱ꞌin an. Nó xí ndibaá kji̱ndi̱bákón ngiñaá ngije stse̱n ndií na̱ Saraa̱.

Jenesii̱s 18:14 Iomraidhean Croise

Jenesii̱s 17:16

An sa̱ꞌinchikonñé an tsi̱ꞌe̱ nga kꞌuieé ngo ndí xí tse̱, kó xota̱ tji̱e̱e̱ kui, kjín xota̱ na̱xi̱ńdá ka̱ma, kó ki̱a̱ kjo̱tjojinni xi re ka̱ma nga».

Jenesii̱s 17:21

Ta̱nga ta̱ Isaa̱ tsí boá xi tjítsꞌenjo̱ an kjo̱a̱ꞌbíndana, kui ndí xí stse̱én na̱ Saraa̱ ngotꞌe̱ ngo noó.

Jenesii̱s 18:10

Kó ngo kui jaá xi bi̱ katsó: —Nó xí ndibaá kji̱ndi̱bákón ngiñaá ji, kó kui ni̱xtjii̱n chjóo̱n je katsen ndií kjiꞌa. Kó na̱ Saraa̱ nga̱xto̱n nga̱ntjo̱a̱a̱ ndiꞌa xi tji̱xi̱ín cho̱ kiniꞌándanii̱ tikón, kó ki̱a̱ tsintꞌieé ngayeje ni xi katsó Abraa̱n ko̱jo kui jaá.

Jenesii̱s 18:13

Kósꞌe̱ Néná bi̱ katsoó Abraa̱n: —Ánní nga tsꞌénmojnó kon na̱ Saraa̱. A sꞌijinjínrií nga ka̱ma kꞌuieé ngo ndí ndatsi je ꞌniú xchá.

Jenesii̱s 18:15

Nga tsintꞌié kuí nii̱ na̱ Saraa̱, katsakjónní kó bi̱ katsó: —Tsajnójín an. Ta̱nga Néná bi̱ katsó: —A bejín xò án nga akajné ji.

Jenesii̱s 21:1

Kó Néná katsꞌénkjatjosón ni xi katsoó na̱ Saraa̱ nga sa̱ꞌín. Kó kui ni̱xtjin xi katsó, tsaꞌa na̱ Saraa̱ ngo ndí xí tsi̱ꞌe̱ Abraa̱n, ndatsi Abraa̱n jè ꞌniú xchá.

Joo̱b 36:5

»Néná achichí ngaꞌniú xí tjiín, kó ngayeje nii̱ xi makjiín kui, nde ngojín xota̱ xi kixi̱ xi tsꞌenchꞌó,

Joo̱b 42:2

«Jè be an nga ji xi maa̱ niꞌán ngayeje nii̱, ko̱jo nga jmíjín xi ka̱maa̱ ku̱i̱ꞌíjñaꞌma kjo̱a̱niꞌánkjoó ngindyikin ji.

Xo̱jo̱n Salmoo̱ 90:13

Ji Ne, ngaskande kjiꞌání nga kji̱ndi̱béchin nginíjne̱. ¡Ngatamani̱ma̱a̱ kui moso̱ xi tse̱!

Xo̱jo̱n Salmoo̱ 93:1

¡Néná boá xi tsꞌénbotixómá, kó jè yajá ńjñoo̱ re! Néná tsajá ńjñoo̱, kó tsꞌénbokó ngaꞌniuú. Jè ꞌniú tikón kui nga̱sondiee̱, kó ka̱matíyájiín.

Xo̱jo̱n Salmoo̱ 95:3

Ngatꞌa̱ Néná, achichí ngaꞌniú xí tjiín, ¡kó kuí boá ngo re xi nkꞌa ngase xaá, ngi̱jii̱n ngayeje ne xi ngasee̱!

Xki̱ 11:23

Ta̱nga Néná bi̱ katsoó Moisee̱: —A beriítakín nga ka̱májínna sa̱ꞌin an kui nii̱. Ja̱ ngotꞌe̱ má xchi̱e̱ ji tsi sa̱ꞌinkjatjosón an énna ko̱jo tsi jmí.

Matioo̱ 14:31

Kó ti̱ kjiꞌa Kjisoo̱ iskjíbé tsja Peé, sꞌe̱ bi̱ katsoó: ¡Achichí chiboa sꞌijii̱n! Míkjo̱a̱a̱ nga jó nga ján ikꞌíjñíi̱ ini̱màa̱.

Matioo̱ 19:26

Kjisoo̱ askoꞌá kui jaá, sꞌe̱ bi̱ katsoó: –Ka̱májiín sa̱ꞌín kui nii̱ ngo xota̱, ta̱nga Néná ngayeje nii̱ xi ka̱maa̱ sa̱ꞌín.

Matioo̱ 3:9

kó ngata̱ bi̱jín tsꞌén fojintakónjnú: «Tji̱e̱e̱ nda̱ xi ꞌmí Abraa̱n ndokjo̱a̱ ñá.» Ngatꞌa̱ xiyàjnúꞌun nga tsi Néná xí mejeén ngaskande kui ndi̱jo̱o̱ ka̱ma sa̱ꞌín xota̱ tji̱e̱e̱ Abraa̱n.

Markoo̱ 10:27

Kósꞌe̱ Kjisoo̱ askotsijee̱n kui jaá, kó bi̱ katsoó: –Ka̱májiín sa̱ꞌín kui nii̱ ngo xota̱, ta̱nga Néná ngayeje nii̱ xi ka̱maa̱ sa̱ꞌín.

Rkaa̱ 1:13

Ta̱nga ndítsjiee̱, bi̱ katsoó: —¡Sakariya̱, ngata̱ ndakinjín má ji! Ngatꞌa̱ Néná je tsintꞌieé ji ko̱jo chjóo̱n nga ndyi̱ndokjo̱a̱jnúu̱, kó na̱ Sabee̱ ngo ndí kꞌuieé, xi Jua̱ kuítꞌe jaꞌén jí.

Rkaa̱ 1:18

Sꞌe̱ Sakariyaa̱, bi̱ katsoó ndítsjiee̱: —Kótsꞌèn skuiéni an nga ka̱ma kui nii̱. Ngatꞌa̱ an ko̱jo chjo̱onna jè ꞌniú xchájne̱.

Rkaa̱ 1:37

Ngatꞌa̱ ngayeje nii̱ xi ka̱maa̱ sa̱ꞌín Néná.

Rkaa̱ 8:50

Ta̱nga Kjisoo̱ tsintꞌié kuí eén, kósꞌe̱ bi̱ katsó: –Ngata̱ ndakinjín má, ta̱ ti̱ꞌinsꞌijin tsí ji, kó tsa̱kjìnchíi̱ kjo̱tjoꞌa.

Xota̱ Roma̱ 4:21

Abraa̱n be cha̱n cha̱n nga Néná tjiín ngaꞌniú kó nga ka̱maa̱ sa̱ꞌínkjatjosón ni xi katsóyàtjoón.

Xota̱ Éfeso̱ 3:20

Nganiꞌántsjaá Néná kui xi achichí ngaꞌniú tjiín tsi̱ꞌe̱ nga tsꞌatio ngase ni xi sa̱ꞌín xi chji̱a̱ꞌáa̱ ko̱jo ni xi makjínná, xikó kjiꞌi kui ngaꞌniuú xí tsꞌénxájinná.

Ndeuteronomio̱ 30:3

Néná ni̱ma̱ ka̱maa̱ jún, kó ingo ndi̱yà nginí sa̱ꞌínchikonñéjnú. Sa̱ꞌínkjín nginíjnú ki̱a̱ na̱xi̱ńdá nínga tjón katsangiyajnú. Ndatsi je ꞌniú kjin nínga tindyiónjnú, Néná ko̱ngasejnú, kó kji̱ndi̱bájo̱ nginíjnú ki̱a̱ na̱xi̱ńdá xi katsóyàtjoón nga tsja̱á xota̱ xi xchájnú. Kó ki̱a̱ boá nínga ndatsꞌèn ku̱i̱ndyionjnú, kó kjín ngase ndí kꞌuiéjnú ta̱bo̱a̱jiín xota̱ xi xchájnú.

Ndeuteronomio̱ 7:21

Kuíni nga, ngata̱ ndakonjínmájnú. Néná ki̱a̱ kjótsoꞌbájo̱jnú, kó ngayeje xi be ngaꞌniuú Néná ngaskande fotsié má.

Xota̱ Filipo̱ 3:21

Kó kuí boá xi ko̱síkjoyá yojo ni̱ma̱kjo̱a̱ná, tsi̱ꞌe̱ nga xikoó yojoo̱ kjo̱a̱jee̱ kui ka̱ma, kui nii̱ xi sa̱ꞌín nga sa̱ꞌínkjién ngaꞌniú xí tjiín nga botixómaá ngayeje nii̱.

Xota̱ Filipo̱ 4:13

Kristoo̱ xí tsjangaꞌniúna, tsi̱ꞌe̱ nga xchíkjo̱a̱na ta̱jmì niní.

Xota̱ Ebreo̱ 11:19

Abraa̱n ja̱bo̱a̱ jè be nga Néná tjiín ngaꞌniú nga ngaskande tsꞌénkjaꞌáꞌyaá xota̱ xi je jesoón. Kó ka̱ma kꞌuin nga Abraa̱n kasako nginií ndií, xikoó tsi ngo xota̱ xi jaꞌáꞌyaá.