Jenesii̱s 17:3 - Xo̱jo̱n eén Néná

^3-9 Nga tsintꞌié Abra̱n kui nii̱, asiéntikoó ngaskande nga kisitꞌaa̱ xtjien tꞌanangii̱. Kósꞌe̱ Néná bi̱ katsoó: «Kuí bí kui nii̱ xi tsꞌénꞌbindajoo̱ ji ngotꞌe̱: Jí boá xi ka̱ma ji na̱ꞌmii̱ kjín xota̱ na̱xi̱ńdá. Kó kuíni nga jè ngiti̱ Abra̱njín kꞌuin jaꞌée̱n ngotꞌe̱, jè Abraa̱n kꞌuiín, ngatꞌa̱ jí boá xi ka̱ma ji na̱ꞌmii̱ kjín xota̱ na̱xi̱ńdá, kó kjín xota̱ tji̱e̱ kꞌuieé, kó ki̱a̱ kjo̱tjojin xi re ka̱ma nga. Kui ni xi tsꞌénꞌbindajoo̱ ji ngotꞌe̱, ko̱jo xota̱ tji̱e̱ tse̱ boá xi tsꞌénꞌbindajo̱ an nga, kó jmíni̱xtjin kju̱i̱e̱ kui nii̱. Án boá xi Ne tse̱ ka̱ma an, ko̱jo Nee̱ xota̱ tji̱e̱ tse̱. Kó nangi Kanaa̱n nínga tindyin ji ngotꞌe̱ xikoó ngo xota̱ xi xín nangi, jí boá xi tjítsꞌenkꞌasꞌieen ngotꞌe̱ ko̱jo xota̱ tji̱e̱ tse̱, kó ngatsjéni̱xtjin nga tsa̱jún ka̱ma. »Ta̱nga ji ko̱jo xota̱ tji̱e̱ tse̱ chjiéngá si̱ꞌankjatjosónjnú,

Jenesii̱s 17:3 Iomraidhean Croise

Jenesii̱s 17:17

Kósꞌe̱ Abraa̱n asiéntikoó ngaskande nga kisitꞌaa̱ xtjien tꞌanangii̱ ngindyi̱ko̱n Néná, kó tsajnó, sꞌe̱ bi̱ tsꞌén katsꞌénkjó: «Kótsꞌèn kꞌuié ngasena ndí nga je úchán nóna». Kó kótsꞌèn nga na̱ Saraa̱ kꞌuieé ngo ndí nga je ichítié ko̱jo yichán noó.

Jenesii̱s 18:2

Kó ta̱niján má iskjininkꞌa kje̱n, kó kamábe ján já xí síndo tiña nínga tikón kui, kó tsanga má jataxie nga kijíkóntiñaa̱, kó nga jachókoón asiéntikoó ngaskande nga kisitꞌaa̱ xtjien tꞌanangii̱ nga kamábendikón kui jaá.

Éksondo̱ 3:6

Án boá xi Nee̱ xota̱ xi xcháa̱, Án boá xi Nee̱ Abraa̱n, Nee̱ Isaa̱ ko̱jo Nee̱ Jakoo̱b. Nga tsintꞌié kuí nii̱ Moisee̱, kamámejénjiín askotsijee̱n Néná ngatꞌa̱ katsakjónní, kó ta̱sá yíꞌmá kje̱n.

Xki̱ 14:5

Kósꞌe̱ Moisee̱ ko̱jo Aaroo̱n kixindyiańña ngaskande nga kisitꞌaa̱ xtjien tꞌanangii̱ kje̱n nínga síndo xota̱ Israee̱l.

Xki̱ 16:22

Kó Moisee̱ ko̱jo Aaroo̱n kixindyiańña ngaskande nga kisitꞌaa̱ kje̱n tꞌanangii̱, kó bi̱ katsoó Néná: —Ne tsa̱ji̱n, ji xi boeꞌéjne̱ kjo̱a̱mindyion ngayejejne̱, ¡ngata̱ niꞌínkꞌínjín ji! A si̱ꞌinkꞌin jí ngayeje kui xotaa̱ ta̱ngatꞌanii̱ ngo nda̱.

Xki̱ 16:45

«Tji̱taxión boaꞌájnúu̱ kui xotaa̱, ngatꞌa̱ ngotꞌe̱ má sa̱ꞌinkjié an». Kó Moisee̱ ko̱jo Aaroo̱n kixindyiańña ngaskande nga kisitꞌaa̱ kje̱n tꞌanangii̱,

Matioo̱ 17:6

Kó nga tsintꞌié kuí nii̱ xota̱ tsi̱ꞌe̱ Kjisoo̱, achichí katsakjónní, kó ítꞌa maá kje̱n tꞌanangii̱.

Ni xi akakoo̱ 1:17

Nga kamábe an, tsꞌákatójó an ngindie se xikó maá tsi kꞌien an, ta̱nga kui íjñasónna tsja kixi̱, kó bi̱ katsóna: –Ngata̱ ndakinjín ma ji, án boá xi tjón an ko̱jo xi fetꞌa an,