Jenesii̱s 17:23 - Xo̱jo̱n eén Néná

^23-27 Kó ti̱ kuii̱ ni̱xtjin Abraa̱n iskjíbé Ismaee̱l kui xi ndií, kó katsꞌeén sirkunsisioo̱n ko̱jo ngayeje já xí katsen ndiꞌaa̱ ko̱jo moso̱ xi tsꞌatsie. Kó Abraa̱n ti̱ katsꞌeén yojoo̱ sirkunsisioo̱n nga, kó bo̱a̱ tsꞌén katsꞌénkjatjosón kui ni xi Néná tsíꞌaá nga sa̱ꞌín. Ichítié ko̱jo yichán nijan noó Abraa̱n, kó Ismaee̱l tie ján noó nga kiniꞌaán sirkunsisioo̱n.

Jenesii̱s 17:23 Iomraidhean Croise

Jenesii̱s 14:14

ndií ntsꞌi̱e̱ tsangínjo̱ ꞌniú, kó Abra̱n ítikó ngayeje mosoo̱ xi maa̱ kján, ján úchán ko̱jo tjiꞌún ján kamá, kó kui jaá ko̱jo Abra̱n tsangatji̱ngii̱ nga nijón já ree̱ ngaskande nangi Ndaa̱n.

Jenesii̱s 18:19

Kuí xá jaꞌajin an kui nga ko̱tíxomaa̱ ndií ko̱jo xota̱ xi síndo ndiꞌaa̱ nga ku̱i̱ntꞌiéꞌénna ko̱jo nga ni xi nda ko̱jo ni xi kixi̱ sa̱ꞌín. Tsi bo̱a̱ sa̱ꞌín Abraa̱n, sa̱ꞌinkjatjosón an ngayeje ni xi je kixiyatjóo̱n nga sa̱ꞌin an».

Jenesii̱s 34:24

Kó jáxaá katsꞌénjo̱ꞌo ni xi katsó Jamoo̱r ko̱jo Sikee̱n, kó ngayeje jáxíꞌiín katsꞌeén sirkunsisioo̱n yojoo̱.

Énkjínkón 27:1

Ngata̱ nkꞌakonjín má ji kjo̱a̱a̱ ni xi si̱ꞌin ji ndyiojón, ¡ngatꞌa̱ jmíjín xi be ni xi ka̱ma ndyiojón!

Eklesiastee̱ 9:10

Kó ngayeje ni xi ka̱ma si̱ꞌin ji, ndatsꞌèn ti̱ꞌin ji, ngatꞌa̱ ki̱a̱ nga̱tsjo̱ó, ki̱a̱ nínga kjóchí ji, ngiti̱ jmí xájín ki̱a̱a̱, ti̱nde ngiti̱ jmíjín ni xi ma niꞌán ngase, ti̱nde ngiti̱ jmíjín kjo̱a̱kjíntakón, ko̱jo kjo̱a̱kjínkón.

Ni xi kamá 16:3

Pabloo̱ kamámejeén kijíjo̱ Timoo̱, ta̱nga ngindiee̱ nga kjo̱jo, katsꞌeén sirkunsisioo̱n tsi̱ꞌe̱ nga chꞌójín ka̱maa̱ xota̱ jundío̱ xi síndo kui ngi̱ndiee̱, ngatꞌa̱ ngayeje kui jaá be nga na̱ꞌmii̱ Timoo̱ nda̱ ngriengo̱ boá.

Xota̱ Ngalasia̱ 5:6

Ngatꞌa̱ ndokꞌóchji̱nií Kristo̱ Kjisoo̱, nga ngiti̱ chjíjiín tsi kiniꞌán, ko̱jo tsi kiniꞌánjáa̱n sirkunsisioo̱n yojoná. Kjo̱a̱sꞌijii̱n Néná xí chjínií, ngatꞌaa̱ kjo̱a̱tjoó.

Xota̱ Ngalasia̱ 6:15

Jmí ni chjíjiín tsi kiniꞌánná ko̱jo tsi kiniꞌánjínná sirkunsisioo̱n, ni xi chjínií, kuí boá nga xota̱ tja̱tsi̱e̱ katsꞌénná Néná.