Jenesii̱s 17:17 - Xo̱jo̱n eén Néná

¹⁷ Kósꞌe̱ Abraa̱n asiéntikoó ngaskande nga kisitꞌaa̱ xtjien tꞌanangii̱ ngindyi̱ko̱n Néná, kó tsajnó, sꞌe̱ bi̱ tsꞌén katsꞌénkjó: «Kótsꞌèn kꞌuié ngasena ndí nga je úchán nóna». Kó kótsꞌèn nga na̱ Saraa̱ kꞌuieé ngo ndí nga je ichítié ko̱jo yichán noó.

Jenesii̱s 17:17 Iomraidhean Croise

Jenesii̱s 17:18

Kó Abraa̱n bi̱ katsoó Néná: —¡Te̱ꞌée̱ Ismaee̱l kui kjo̱a̱niꞌánchikonñée̱ nga!

Jenesii̱s 17:3

Nga tsintꞌié Abra̱n kui nii̱, asiéntikoó ngaskande nga kisitꞌaa̱ xtjien tꞌanangii̱. Kósꞌe̱ Néná bi̱ katsoó: «Kuí bí kui nii̱ xi tsꞌénꞌbindajoo̱ ji ngotꞌe̱: Jí boá xi ka̱ma ji na̱ꞌmii̱ kjín xota̱ na̱xi̱ńdá. Kó kuíni nga jè ngiti̱ Abra̱njín kꞌuin jaꞌée̱n ngotꞌe̱, jè Abraa̱n kꞌuiín, ngatꞌa̱ jí boá xi ka̱ma ji na̱ꞌmii̱ kjín xota̱ na̱xi̱ńdá, kó kjín xota̱ tji̱e̱ kꞌuieé, kó ki̱a̱ kjo̱tjojin xi re ka̱ma nga. Kui ni xi tsꞌénꞌbindajoo̱ ji ngotꞌe̱, ko̱jo xota̱ tji̱e̱ tse̱ boá xi tsꞌénꞌbindajo̱ an nga, kó jmíni̱xtjin kju̱i̱e̱ kui nii̱. Án boá xi Ne tse̱ ka̱ma an, ko̱jo Nee̱ xota̱ tji̱e̱ tse̱. Kó nangi Kanaa̱n nínga tindyin ji ngotꞌe̱ xikoó ngo xota̱ xi xín nangi, jí boá xi tjítsꞌenkꞌasꞌieen ngotꞌe̱ ko̱jo xota̱ tji̱e̱ tse̱, kó ngatsjéni̱xtjin nga tsa̱jún ka̱ma. »Ta̱nga ji ko̱jo xota̱ tji̱e̱ tse̱ chjiéngá si̱ꞌankjatjosónjnú,

Jenesii̱s 18:11

Kó Abraa̱n ko̱jo na̱ Saraa̱ jè ꞌniú xchá kamá, kó na̱ Saraa̱ kui ni̱xtjin jàn ja̱bo̱a̱ jè je tjié.

Jenesii̱s 18:12

Kó na̱ Saraa̱ tsajnó, sꞌe̱ bi̱ katsó: «A ta̱ tsjara̱ kjiꞌi nga bo̱a̱ ka̱ma katsaki, ta̱nga an ko̱jo xingána jè ꞌniú xchájne̱ nga ndí kꞌuiéjne̱».

Jenesii̱s 21:5

Úchán má noó Abraa̱n nga katsen Isaa̱.

Jenesii̱s 21:6

Kósꞌe̱ na̱ Saraa̱ bi̱ katsó: «¡Néná katsꞌénkajnóna, kó ta̱ꞌyaní xi sku̱i̱e̱ nga ngo ndí tjínna ti̱ ko̱jno̱jona nga!

Jenesii̱s 21:7

Abraa̱n jmíni̱xtjin katsꞌénkjiín kon nga je xchá, kó nga an kꞌuiéná ngo ndí xí tsi̱ꞌe̱».

Joo̱b 1:20

Ngije tsintꞌié kuí nii̱ Joo̱b, kasasienkixi̱, kó iskjíndiyájón ńjño xi yajá nga akó nga on kamaá, sꞌe̱ íjón taka takaa̱ to̱ko̱, kósꞌe̱ asiéntikoó ngaskande nga kisitꞌaa̱ xtjien tꞌanangii̱ nga katsꞌéndikón Néná,

Lebitiko̱ 9:24

kó kamábe nga Néná katsangiya ndiꞌí xí ítí ngayeje ni xi síndosón nga̱són ṉchandikoón. Ngije kamá kui nii̱, ngayeje xota̱ na̱xi̱ńdaá askjandáyátsjá má, kó kixindyiańña ngaskande nga kisitꞌaa̱ xtjien tꞌanangii̱ nga katsꞌéndikón Néná.

Xki̱ 14:5

Kósꞌe̱ Moisee̱ ko̱jo Aaroo̱n kixindyiańña ngaskande nga kisitꞌaa̱ xtjien tꞌanangii̱ kje̱n nínga síndo xota̱ Israee̱l.

Xki̱ 16:22

Kó Moisee̱ ko̱jo Aaroo̱n kixindyiańña ngaskande nga kisitꞌaa̱ kje̱n tꞌanangii̱, kó bi̱ katsoó Néná: —Ne tsa̱ji̱n, ji xi boeꞌéjne̱ kjo̱a̱mindyion ngayejejne̱, ¡ngata̱ niꞌínkꞌínjín ji! A si̱ꞌinkꞌin jí ngayeje kui xotaa̱ ta̱ngatꞌanii̱ ngo nda̱.

Xki̱ 16:45

«Tji̱taxión boaꞌájnúu̱ kui xotaa̱, ngatꞌa̱ ngotꞌe̱ má sa̱ꞌinkjié an». Kó Moisee̱ ko̱jo Aaroo̱n kixindyiańña ngaskande nga kisitꞌaa̱ kje̱n tꞌanangii̱,

Matioo̱ 2:11

Kó nga tsꞌasꞌien ngi̱yaa̱, kamábe ndí ndií ko̱jo na̱ Riya̱ na̱aa̱n ndií, kó asiéntikoó kui jaá, kó katsꞌéndikón, kó iskjíxꞌá koxa̱a̱, kó tsꞌaxié ni xi ndyi̱yaꞌaa̱ ndií: Ngo xi yaꞌaa̱ to̱nsinié, ngo xi yaꞌaa̱ nisije̱n xi niꞌánkjién nga niꞌándikón Néná, ko̱jo ngo xi yaꞌaa̱ ndásíje̱n chjí xí ꞌmí mirra̱.

Rkaa̱ 1:18

Sꞌe̱ Sakariyaa̱, bi̱ katsoó ndítsjiee̱: —Kótsꞌèn skuiéni an nga ka̱ma kui nii̱. Ngatꞌa̱ an ko̱jo chjo̱onna jè ꞌniú xchájne̱.

Juaa̱ 8:56

Abraa̱n, xota̱ tji̱e̱ xchájnú achichí tsjá kamaá nga katsꞌénkjó nga sku̱i̱e̱ ni̱xtjin nga kjoéꞌe̱ an kui nga̱sondiee̱, kamábe, kó tsja kamaá.

Ndeuteronomio̱ 9:18

Jaskan iskjíbé án kui ne xi kiniꞌándajnú, kó ití an, kósꞌe̱ ki̱a̱ iskjitjón an ndisoo̱ ki̱a̱ xo̱ngàndántꞌié xi tsꞌéndibájènni na̱xi̱i̱. »Jé xí kiniꞌánjnú achichí on kamána, ko̱jo ndasen kisꞌijña an, ngatꞌa̱ kui nii̱ xi katsꞌénxtií Néná. Kuíni nga ngindyi̱ko̱n Néná asien an tikóna, kó yichán ni̱xtjin ko̱jo yichán ni̱xtji̱e̱n kisꞌijña kjindiá án, jmí ni iskjíni̱e̱jín an kó jmí ni katsꞌejín an. Achichí katsꞌénxchán Néná kjo̱a̱a̱ jún ko̱jo Aaroo̱n, kó je bo̱a̱ katsó katsaki nga sa̱ꞌínkjiéjnú. »Achichí katsakjon an nga tsíchji̱a̱a̱ Néná kó bi̱ kixiáa̱n: “Ji Ne, ngata̱ niꞌínkjiéjín ji kui xota̱ na̱xi̱ńdá xi kaꞌnaxié ji ki̱a̱ nangi Ejipto̱ nga kiniꞌínkjín jí ngaꞌniú jée̱. Xota̱ na̱xi̱ńdáa̱ boá. Ngatjaꞌátsjiee̱n nga Abraa̱n, ko̱jo Isaa̱, ko̱jo Jakoo̱b ngatsjéni̱xtjin nga kamáꞌniátakoón, kó ngayeje ni xi kasée̱ tsintꞌiéꞌeén. Ti̱ꞌinchíyé ji kjo̱a̱kitikjo̱a̱a̱ kui xota̱ na̱xi̱ńdaá, ti̱ꞌinchíyé ji jeé, ti̱ꞌinchíyé ji ni xi ndajín xi katsꞌén. Tsi si̱ꞌinkjie ji, xota̱ na̱xi̱ńdá xí ngasee̱ sa̱ꞌínkjó nga kamájiín kꞌinje̱ ji nínga tikón kui tꞌanangi xi kaseyetjée̱n nga ko̱e̱ꞌée̱. Ti̱ sa̱ꞌínkjó nga tjójiín, kó nga kaꞌnaxié ji nangi Ejipto̱, tsi̱ꞌe̱ nga si̱ꞌinkjie ndo̱jò ndójo̱ jí. Kui xota̱, xota̱ na̱xi̱ńdáa̱ boá, kuí boá kui xota̱ na̱xi̱ńdaá xí kaꞌnaxié ji nangi Ejipto̱ nga kiniꞌínkjín jí ngaꞌniú jée̱”. »Ingo ndi̱yà nginí, Néná tsintꞌié nga tsíchji̱a̱a̱, kó katsꞌénjetakónjnú. Ta̱nga jmí tsi ta̱ kjiꞌá tsí bo̱a̱ nga kiniꞌánxtíjnúu̱. Ti̱ kiniꞌánxtíjnúu̱ ki̱a̱ Taberaa̱, ko̱jo ki̱a̱ Masaa̱, ko̱jo ki̱a̱ Kibroo̱t-Ataabaa̱. Kó kjiꞌanga kixindyionjnú Kandee̱-Barnea̱, Néná atíxomájnú nga kongínkixkántjéjnú nga si̱ꞌánjnú kui tꞌanangi xi katsóyàtjón nga tsja̱ajnú, ta̱nga jún kisꞌijinjínjnú ni xi katsóyàtjón, ti̱nde kandaꞌyáꞌénjínjnúu̱. ¡Ndeskande koó nga kamábejnúꞌun jún, be an nga ngatsjéni̱xtjin nga xota̱ kitikjo̱a̱jnú ko̱jo nga ndaꞌyáꞌénjínjnú!»

Ni xi akakoo̱ 11:16

Nga kan nijón xota̱ xi xchaá xi síndo kje̱n nínga tikón Néná xí botixómaá, kasaxixtien tꞌanangii̱, kó katsꞌéndikón Néná,

Ni xi akakoo̱ 5:8

Kó ngije iskjíbé kui chꞌo̱ xo̱jo̱o̱n, nga nijón kui xi síndoo̱, ko̱jo nga kan nijón kui xota̱ xi xchaá, asiéntikoó kje̱n cho̱tsa̱nga̱a̱, kó ngayejee̱ nga ndyi̱yaꞌa ngo arpa̱, kó ndyi̱yaꞌa chi̱tsen xí to̱nsinié xi tjiín nisije̱n xi niꞌánkjién nga niꞌándikón Néná, kó kuí boá xi bokó nga xota̱ na̱xi̱ńdá tsjiee̱ Néná, ndyi̱chji̱a̱a̱ Néná.