Jenesii̱s 17:16 - Xo̱jo̱n eén Néná

¹⁶ An sa̱ꞌinchikonñé an tsi̱ꞌe̱ nga kꞌuieé ngo ndí xí tse̱, kó xota̱ tji̱e̱e̱ kui, kjín xota̱ na̱xi̱ńdá ka̱ma, kó ki̱a̱ kjo̱tjojinni xi re ka̱ma nga».

Jenesii̱s 17:16 Iomraidhean Croise

Jenesii̱s 1:28

Kó Néná bi̱ katsoó nga katsꞌénchikonñé: «Mejénna nga kꞌuiéjnú ndí, kó ngatamakjínjnú, mejénna nga jún xi kꞌuikítsienijnú nga̱sondiee̱, kó ni̱ꞌantꞌiéjnú ko̱jo tatíxomájnúu̱ cho̱ xi tjín ngi̱jin ndáchíkoón, ni̱sie xi tjín nkꞌa jàn, ko̱jo ngayeje cho̱ xi síndo, ko̱jo ngayeje cho̱ xi ꞌbifé yojoo̱ nga̱són tꞌanangii̱».

Jenesii̱s 12:2

Kó ngo na̱xi̱ńdá xí ta̱nisién je sa̱ꞌin an ngayeje xota̱ tji̱e̱e̱, kó sa̱ꞌinchikonñeé, kó nkꞌa kꞌuijñá an jaꞌée̱n, kó ta̱ngatꞌanii̱ ji nga kjín xota̱ xi ka̱machikonñé.

Jenesii̱s 17:15

Kó Néná ti̱ bi̱ ti̱ katsó ngasee̱ Abraa̱n nga: «Ngotꞌe̱ ꞌne̱ chjóo̱n kui xi ꞌmí na̱ Saraii̱, jè ngiti̱ bo̱a̱jín kꞌuin, na̱ Sara̱ tsí kꞌuin jaꞌeén.

Jenesii̱s 17:19

Sꞌe̱ bi̱ katsó Néná: —Ndatsi sꞌijinjiín, ta̱nga ja̱koxi̱ boá nga na̱ Saraa̱ tsjaá jí ngo ndí, kó Isaa̱ kꞌuítꞌe jaꞌén jí. Ngatsjéni̱xtjin nga kꞌuijñá kui ni xi tsꞌénꞌbindajoo̱ ji ngi̱jin xota̱ tji̱e̱ tse̱.

Jenesii̱s 21:1

Kó Néná katsꞌénkjatjosón ni xi katsoó na̱ Saraa̱ nga sa̱ꞌín. Kó kui ni̱xtjin xi katsó, tsaꞌa na̱ Saraa̱ ngo ndí xí tsi̱ꞌe̱ Abraa̱n, ndatsi Abraa̱n jè ꞌniú xchá.

Jenesii̱s 24:60

Kósꞌe̱ xota̱ ndiꞌaa̱ na̱ Rebekaa̱ katsꞌénkixotꞌa nga bi̱ katsoó nga katsꞌénchikonñé: «Ji ndí ndichja, mejénjne̱ nga kꞌuieé kjín mi̱ xota̱ tji̱e̱, kó nga kui xi sa̱ꞌiín nga skjánjo̱ xota̱ na̱xi̱ńdá xí kondraa̱».

Jenesii̱s 25:23

Kó Néná bi̱ katsoó: «Nga jó ndíi̱, jó na̱xi̱ńdá ndyi̱bokó. Kuí boá xi jó na̱xi̱ńdá kamá ndeskande ngindiee̱ nga stse̱n. Ngo xi ꞌniú ka̱ma, kó ngo xi inda ka̱ma, ta̱nga kui xi xchá ngi̱chí ka̱maa̱, kuí boá xi sa̱ꞌínseén xi kjindí ngasee̱».

Jenesii̱s 35:11

Kó ti̱ ki̱a̱ Néná bi̱ katsó ngasee̱: «Án boá kui Ne xi tjiín ngayeje ngaꞌniuú, kó mejénna nga kjín xota̱ tji̱e̱ kꞌuieé ji, ki̱a̱ kjo̱tjojinni kjín na̱xi̱ńdá, kó ti̱ ki̱a̱ kjo̱tjojinni kjín já re.

Jenesii̱s 36:31

Ngindiee̱ nga kꞌuié já re xi ko̱tíxoma Israee̱l, xota̱ tji̱e̱e̱ Esauu̱ xi kisꞌińdo nangi Endoo̱n jatjojinni kjín já re. Nga ngo nga ngo kui já ree̱ atíxoma ngaskande nga jesón, kó ngaskande kjiꞌá boá nga kje̱ꞌe xí kisꞌińdo ngajoo̱. Kuí bí xi̱ꞌbi̱ já re xi atíxoma nangi Endoo̱n: Belaa̱, ndií Beoo̱r kui xi chji̱a̱ni na̱xi̱ńdá Ndinaba̱. Jobaa̱b, ndií Seraa̱ xi chji̱a̱ni nangi Bosra̱. Usaa̱n xi chji̱a̱ni nangi Temaa̱n. Andaa̱nd, ndií Bendaa̱nd xi chji̱a̱ni na̱xi̱ńdá Abii̱t. Samlaa̱ xi chji̱a̱ni nangi Masreka̱. Sauu̱l xi chji̱a̱ni nangi Reoboo̱t ki̱a̱ tꞌa ndejèꞌ Éufratee̱. Baa̱l-Anaa̱n, ndií Akboo̱r. Andaa̱nd xi chji̱a̱ni na̱xi̱ńdá Pau̱. Chjo̱ón Andaa̱nd xi chji̱a̱ni na̱xi̱ńdá Pau̱ na̱ Meetabee̱l kiꞌmí kó ndií Matree̱nd boá, ko̱jo ndíndee̱ Mesaa̱b kamá.

Xota̱ Roma̱ 9:9

Ngatꞌa̱ eén kjo̱a̱a̱ ni xi katsóyàtjón Néná nga tsja̱á kuí bí xi̱ꞌbi̱: “Kuí ni̱xtjin xi̱ꞌbi̱ nga kji̱ndi̱bá an, kó na̱ Saraa̱ ngo ndí xíꞌín kꞌuieé.”

Xota̱ Ngalasia̱ 4:23

Ta̱nga kui ndí xi tsi̱ꞌe̱ kui na̱ mosoo̱ xi kastiñaá katsen xikoó ñá, ngatꞌa̱ bo̱a̱ tsꞌén kamámejeén na̱ꞌmii̱ ko̱jo na̱aa̱n, ta̱nga ndií kui xota̱chjo̱on ndaa̱ katsen ngatꞌa̱ Néná xí kamámejeén, ngatꞌa̱ ja̱bo̱a̱ jè bo̱a̱ katsoó nga ngo ndí tsja̱á.

1 Xo̱jo̱o̱n Peé 3:6

xikoó na̱ Saraa̱ nga tsintꞌiéꞌeén Abraa̱n, kó “ndi̱a̱na” katsoó. Jún boá xi ndí ínchjiín na̱ Saraa̱, tsi ndakjiꞌi ni xi ndyi̱niꞌánjnú ko̱jo tsi ko̱nda̱kónjínjnú ni xi ka̱mataꞌinjnú.