Jenesii̱s 17:10 - Xo̱jo̱n eén Néná

¹⁰ kui kjo̱a̱ꞌbíndaa̱: Ngayeje jáxíꞌiín, chjiéngá si̱ꞌaa̱n sirkunsisioo̱n.

Jenesii̱s 17:10 Iomraidhean Croise

Jenesii̱s 17:11

Kui sirkunsisioo̱n kuí boá kui nii̱ xi chi̱bo̱a̱a̱ kui kjo̱a̱ꞌbíndaa̱ ka̱máná jún ko̱jo an.

Jenesii̱s 17:23

Kó ti̱ kuii̱ ni̱xtjin Abraa̱n iskjíbé Ismaee̱l kui xi ndií, kó katsꞌeén sirkunsisioo̱n ko̱jo ngayeje já xí katsen ndiꞌaa̱ ko̱jo moso̱ xi tsꞌatsie. Kó Abraa̱n ti̱ katsꞌeén yojoo̱ sirkunsisioo̱n nga, kó bo̱a̱ tsꞌén katsꞌénkjatjosón kui ni xi Néná tsíꞌaá nga sa̱ꞌín. Ichítié ko̱jo yichán nijan noó Abraa̱n, kó Ismaee̱l tie ján noó nga kiniꞌaán sirkunsisioo̱n.

Jenesii̱s 21:4

kó xi ma jin ni̱xtjin, Abraa̱n katsꞌeén sirkunsisio̱n kui ndií, kó bo̱a̱ tsꞌén katsꞌénkjatjosón ni xi katsoó Néná nga sa̱ꞌín.

Jenesii̱s 34:15

Ngototo tsi jún ko̱jo ngayeje jáxíꞌiín si̱ꞌánjnúu̱ sirkunsisioo̱n yojojnú, bo̱a̱ tsí tsꞌén nga ka̱ma ko̱e̱ꞌéndièjne̱ nga ka̱ma ku̱i̱xánjnú.

Jenesii̱s 34:22

Ta̱nga tsi̱ꞌe̱ nga kꞌi̱e̱ kꞌuíndojo̱na kꞌi̱e̱e̱, ngo ni ndyi̱míꞌá, nga chjién xò nga ngayeje jáxíꞌiín si̱ꞌáa̱n sirkunsisioo̱n yojoná.

Éksondo̱ 4:25

ta̱nga na̱ Séforaa̱ iskjíbé ngo kichiro̱ xi yojó, kó katsꞌeén sirkunsisioo̱n ndií ngatꞌa̱ tsatie tji̱xi̱ín yojo ndikoón, kó kui tji̱xi̱ín ítꞌaa̱ yojo ndikoón Moisee̱, kósꞌe̱ bi̱ katsoó: «Jiín ndína boá xi ko̱síko̱joo̱ nga jmí ni ka̱májiín ngotꞌe̱ ꞌne̱». Kó nga kamábe Néná ni xi katsꞌén na̱ Séforaa̱, katsꞌénkꞌiénjínni Moisee̱.

Juaa̱ 7:22

Moisee̱ katsjájnú tsi̱ꞌe̱ nga si̱ꞌánjnú sirkunsisioo̱n, kó kui nii̱, tsi̱ꞌe̱ xota̱ tji̱e̱ xchájnú boá, jmí tsi tsi̱ꞌe̱ Moisee̱, kó ndatsi nga ni̱xtjin ndikón, ti̱ kuí xí niꞌánjnú jún kui nii̱.

Ni xi kamá 7:8

Kó Néná índajo̱ Abraa̱n tsi̱ꞌe̱ nga sa̱ꞌín ni xi ꞌmí sirkunsisioo̱n, kó kuíni nga Abraa̱n, kisꞌiee̱ ngo ndí xi ꞌmí Isaa̱, kó xi ma jin ni̱xtjin nga katsen, katsꞌeén sirkunsisioo̱n, kó Isaa̱ ti̱ bo̱a̱ ti̱ katsꞌénjo̱ ndií, kui xi kiꞌmí Jako̱b nga, kó Jako̱b ti̱ bo̱a̱ ti̱ katsꞌénjo̱ nga tiejó ndií, kui xi xota̱ xi tji̱e̱ xcháná.

Xota̱ Roma̱ 2:28

Ngatꞌa̱ jmí tsi yojoo̱ xi bokó ꞌyání xi jundío̱, ti̱nde jmí tsi sirkunsisioo̱n xi niꞌán ja̱koxi̱i̱ yojoo̱ xi ja̱koxi̱ nga kui xi sirkunsisio̱n.

Xota̱ Roma̱ 3:25

Néná xí bo̱a̱ tsꞌén íjñá xikoó ngo chji̱e̱ nga kꞌien Jesukristoo̱, tsi̱ꞌe̱ nga ta̱ngatꞌanii̱ kui jín xí iskjitjón nga kꞌien nga si̱ꞌanjetakónnii̱ xota̱ xi sꞌijii̱n, kó bo̱a̱ tsꞌén Néná akó kjo̱a̱kixi̱i̱, ta̱ngatꞌanii̱ nga tsiekon kamá nga katsꞌénjín xki̱ jé xi kisꞌie ngasꞌe̱,

Xota̱ Roma̱ 3:28

Kuíni nga makjínná, nga Néná tsꞌénkixi̱ná ta̱nga ta̱ngatꞌanií nga sꞌijinná Kristoo̱, jmí tsi kjo̱a̱a̱ nga si̱ꞌankjatjosón ni xi tjítꞌa kjo̱a̱kitii̱.

Xota̱ Roma̱ 3:30

Ngatꞌa̱ ta̱ ngo tsí má Néná, kó kuí xí sa̱ꞌínkixi̱ xota̱ jundío̱ xi kiniꞌaán sirkunsisioo̱n ngatꞌa̱ sꞌijii̱n, kó ti̱ sa̱ꞌínkixi̱ xota̱ xi ngasee̱ xi jmíjiín sirkunsisioo̱n ngatꞌa̱ ti̱ sꞌijii̱n nga.

Xota̱ Ngalasia̱ 3:28

Jè ngiti̱ jmí ndasénjín tsi xota̱ jundío̱, ko̱jo tsi xota̱ ngriengo̱, tsi moso̱ xi kastiñá, ko̱jo tsi xota̱ xi síndondé, tsi xi xi̱ꞌin ko̱jo tsi xi ínchjín. Ngatꞌa̱ jè kiniꞌángojnú yojojnú Kristo̱ Kjisoo̱, kuíni nga je ta̱ ngo ndse̱je̱njnú ngindyi̱ko̱n Néná.

Xota̱ Ngalasia̱ 6:12

Ngayeje xota̱ xi ndyi̱tsꞌènjnú kjo̱a̱ꞌniú tsi̱ꞌe̱ nga si̱ꞌánjnúu̱ sirkunsisioo̱n yojojnú, kó bo̱a̱ ndyi̱tsꞌèn ngatꞌa̱ mejeén nga nda sku̱i̱e̱ xotaa̱, mejénjiín nga ku̱i̱yòtjíngií, kuíni nga ndyi̱ꞌbini̱jmìjín kjo̱a̱a̱ kroo̱ Kristoo̱.

Xota̱ Éfeso̱ 2:11

Kó kuíni nga jún xi xota̱ xi jundío̱jínjnú ndeskande koó nga katsenjnú, ngatjaꞌátsjienjnú nga kje̱ꞌe ni̱xtjin “xota̱ xi kiniꞌánjiín sirkunsisio̱n” katsójnú kui xota̱ jundío̱ xi je katsꞌeén sirkunsisio̱n yojoo̱.

Ndeuteronomio̱ 10:16

Ta̱nga ngata̱ kitikjo̱a̱jín niꞌánjnú yojojnú, ti̱nde ngata̱ niꞌánchíyájínjnú ni xi índajo̱jnú Néná.

Ndeuteronomio̱ 30:6

Néná boá xi sa̱ꞌín nga xchi̱yàjnú nga ni xi ndajín si̱ꞌánjnú. Kósꞌe̱ jún ko̱jo xota̱ tji̱e̱jnú si̱ꞌantjójnú Néná, kó ko̱nda̱ꞌyáꞌénjnúu̱ ngayeje kjo̱a̱kjínkónjnú, ko̱jo ngayeje kjo̱a̱mindyionjnú, kó jmí tsi kjo̱a̱ꞌniú nga bo̱a̱ si̱ꞌánjnú. Kó bo̱a̱ tsꞌén nga kjín nó ka̱majnú nga ku̱i̱ndyionjnú nga̱sondie.

Xota̱ Filipo̱ 3:3

Ngatꞌa̱ sirkunsisio̱n xi ndaa̱, kuí xí kichꞌiá ñá xi yandikón Néná xikótsꞌèn bokoyáná A̱si̱énni̱xtjii̱n, kó kjimaꞌniátakón ñá ni xi katsꞌén Kristo̱ Kjisoo̱, jmí tsi ni xi kiniꞌaán yojoná.