Jenesii̱s 17:1 - Xo̱jo̱n eén Néná

¹ Kjiꞌanga kamá ichítié ko̱jo yichán nijan noó Abra̱n, Néná jatjokjaà, kó bi̱ katsoó: «Án boá kui Ne xi tsi̱ꞌe̱ ngayeje ngaꞌniuú, ndaꞌyéꞌínní ngatsjéni̱xtjin kó kixi̱ ti̱ńtje̱ ji.

Jenesii̱s 17:1 Iomraidhean Croise

Jenesii̱s 12:1

Néná bi̱ katsoó Abra̱n: «Tꞌíjñímasin ji nangìi̱ ko̱jo xota̱ xingi̱ ji, ko̱jo ndiꞌaa̱ xota̱ xi xcháa̱, kó tꞌen ji ngi̱ndie xi sꞌe̱ kokoo.

Jenesii̱s 12:7

Kó Néná jatjokjaà Abra̱n ki̱a̱a̱, kó bi̱ katsoó: «Xota̱ tji̱e̱ tse̱ boá xi tsjàa̱ ngayeje kui tꞌanangii̱». Kó Abra̱n ki̱a̱ katsꞌéndaa̱ ngo ṉchandikón Néná, ngatꞌa̱ ki̱a̱ jatjokjaà.

Jenesii̱s 18:1

Bi̱ kamá kjiꞌanga Néná jatjokjaà Abraa̱n ki̱a̱ nínga tjín yáꞌensino̱ xi tikóntꞌa kꞌijñá xi ꞌmí Mamree̱. Kui ni̱xtjin jàn achichí sibé kamá ndoboaá, kó Abraa̱n xió kisꞌijña ngi̱xtio nga̱ntjo̱a̱a̱ ndiꞌa xi tji̱xi̱ín cho̱ kamándanii̱.

Jenesii̱s 18:14

A tjín ngo ni xi niꞌin ka̱mana nga sa̱ꞌin an. Nó xí ndibaá kji̱ndi̱bákón ngiñaá ngije stse̱n ndií na̱ Saraa̱.

Jenesii̱s 24:40

Kósꞌe̱ bi̱ katsóna ndi̱a̱na: “Ngatsjéni̱xtjin tsꞌéntꞌièꞌée̱n Néná, kó kuíni nga kuí boá xi sa̱ngíyá ndítsjiee̱ nga kjo̱joo̱ ji, kó nga nda ko̱e̱je̱e̱ ndi̱yà xí tiꞌmi. Ta̱nga jí xí ku̱i̱ndyi̱sée̱ ngo chjo̱on ndína ki̱a̱ ngi̱jii̱n xota̱ xingi̱ án.

Jenesii̱s 28:3

Mejénna an nga kui Néná xí tjiín ngaꞌniuú ngatsꞌénchíkonñeé, kó ngatsjaá nga kꞌuieé kjín ndí. Kó ti̱ mejénna nga ngo na̱xi̱ńdá xí ꞌniú je ngatama xota̱ tji̱e̱ tse̱.

Jenesii̱s 35:11

Kó ti̱ ki̱a̱ Néná bi̱ katsó ngasee̱: «Án boá kui Ne xi tjiín ngayeje ngaꞌniuú, kó mejénna nga kjín xota̱ tji̱e̱ kꞌuieé ji, ki̱a̱ kjo̱tjojinni kjín na̱xi̱ńdá, kó ti̱ ki̱a̱ kjo̱tjojinni kjín já re.

Jenesii̱s 43:14

Tangínjnú tsobo̱a̱ kó kui Néná xí tjiín ngaꞌniuú ngatsjaá kjo̱a̱ni̱ma̱takón kui nda̱a̱, kó ngatꞌijñándé Benjaa̱ ntsꞌiejnú xi ingoo̱ tsi̱ꞌe̱ nga nijan kji̱ndi̱bájo̱ nginíjnú. Kó an, ja̱ tsi ngiti̱ jmí ndí kꞌuiéjínna, ja̱ nga bo̱a̱ ngatama.

Jenesii̱s 46:3

Kósꞌe̱ Néná bi̱ katsoó: «Án boá xi Nee̱ na̱ꞌmíi̱, ngata̱ ndakinjín má ji nga kꞌuin jí nangi Ejipto̱, ngatꞌa̱ án xí kjuínjòo̱. Án boá xi sa̱ꞌin an nga xota̱ tji̱e̱ tse̱ ngo na̱xi̱ńdá xí ꞌniú je ka̱ma. Kó ti̱ án boá xi sa̱ꞌin an nga kꞌi̱e̱ kjoéꞌe̱ nginí ji nangi Kanaa̱n, kó nga ko̱yè jí, ki̱a̱ kꞌuijñátꞌaa̱ Kosiee̱».

Jenesii̱s 48:15

Kósꞌe̱ katsꞌénchikonñé Kosiee̱ nga bi̱ katsó: «Kui Néná xi Nee̱ na̱ꞌmindyiboana Abraa̱n, ko̱jo Nee̱ na̱ꞌmina Isaa̱, kui Néná xi tsꞌénbokóna ndi̱yà ngayeje ni̱xtjin nga tikòn an nga̱sondie.

Jenesii̱s 48:3

kó bi̱ katsoó Kosiee̱: —Kui Néná xi tjiín ngayeje ngaꞌniuú, ki̱a̱ jatjokjàna ki̱a̱ na̱xi̱ńdá Betee̱l ki̱a̱ nangi Kanaa̱n, kó ki̱a̱ katsꞌénchikonñéna,

Jenesii̱s 5:22

Kó ti̱ kisꞌie ngasee̱ ndí xí xi̱ꞌin ko̱jo ndí xí ínchjín. Jaskan ngije katsen Matusalee̱n, Enoo̱k ngi ján úchán nó kisꞌijña nga̱sondie. Kó nga Enoo̱k ꞌniú tsintꞌiéꞌeén Néná, kichajá ngi̱jinꞌa̱sièn ngatꞌa̱ Néná kijíjo̱ tikón. Kó Enoo̱k ján úchán ichítié ko̱jo tjiꞌún nó kisꞌijña kui nga̱sondiee̱.

Jenesii̱s 6:9

Noee̱ ngatsjéni̱xtjin nga tsintꞌiéꞌeén Néná. Ngi̱jii̱n ngayeje xota̱ xi kisꞌie kui ni̱xtjin jàn, kisꞌiejín ingo xota̱ xi bo̱a̱ tsꞌén nda ko̱jo xi kixi̱ kamá xikoó Noee̱.

Joo̱b 1:1

Ki̱a̱ nangi Uu̱ kisꞌijña ngo nda̱ xi kiꞌmí Joo̱b xi achichí ndaxota̱ ko̱jo kixi̱ kamá. Ngatsjéni̱xtjin nga kamábendikón Néná, kó chiíjín katsꞌén ni xi ndajín.

Joo̱b 11:7

»A beriítakín ji nga ka̱maa̱ xchi̱e̱ ji ni xi tjiꞌmaá Néná. A ka̱maári kixi̱ ka̱ma ji, xikoó kui Néná xi tjiín ngayeje ngaꞌniuú.

Xo̱jo̱n Salmoo̱ 115:3

¡Ta̱nga ji ki̱a̱ tindyin ji nkꞌajmii̱, kó niꞌín ji ngayeje ni xi mejeén si̱ꞌin ji!

Xo̱jo̱n Salmoo̱ 116:9

Tji̱e̱nga tikón an nga̱sondie, ngatsjéni̱xtjin kuintꞌieꞌeén. Jí boá xi kjimaꞌniátakoón, ji Ne, ndatsi tsꞌenkie an yojona nga achichí ndasen tikón an.

Xo̱jo̱n Salmoo̱ 25:14

Ni xi tjiꞌmaá Néná, kuí boá xota̱ xi bendikón kuí, kó kuí boá xi ko̱ko̱ó kjo̱a̱ꞌbíndaa̱.

Éksondo̱ 6:3

Xota̱ xi xcháa̱, Ne xi tjiín ngayeje ngaꞌniuú katsóna, ta̱nga kamábejín kó ꞌmí jaꞌén ja̱koxi̱na, kó kuí bí xi̱ꞌbi̱: AN XI AA̱N.

Énkjínkón 10:9

Xota̱ xi kixi̱i̱, achichí kjo̱a̱xió ꞌbeé, ta̱nga xota̱ xi tsoꞌbá ndi̱yà xí ndajiín, kjo̱chó ni̱xtjin nga sa̱ꞌínchaja yojoo̱.

Xki̱ 11:23

Ta̱nga Néná bi̱ katsoó Moisee̱: —A beriítakín nga ka̱májínna sa̱ꞌin an kui nii̱. Ja̱ ngotꞌe̱ má xchi̱e̱ ji tsi sa̱ꞌinkjatjosón an énna ko̱jo tsi jmí.

Xki̱ 24:16

jo̱o̱n, jè tsintꞌie an eén Néná. Kjo̱a̱kjíntakónna, Néná boá xi tsangiya, kó ni xi be an, Néná xi tjiín ngayeje ngaꞌniuú boá xi tsja̱ana.

Matioo̱ 19:26

Kjisoo̱ askoꞌá kui jaá, sꞌe̱ bi̱ katsoó: –Ka̱májiín sa̱ꞌín kui nii̱ ngo xota̱, ta̱nga Néná ngayeje nii̱ xi ka̱maa̱ sa̱ꞌín.

Matioo̱ 5:48

Chjiéngá kixi̱ ngatamajnú xikó má tsꞌén kixi̱ Na̱ꞌmijnú xi tikón ndiꞌakꞌajmi jàn.

Rkaa̱ 1:6

Nga joó nga kixi̱ kisꞌiṉtso̱ma ngindyi̱ko̱n Néná, kó jmíjín xi chꞌo tsꞌén tsíchji̱a̱taꞌin, ngatꞌa̱ katsꞌénkjatjosón kjo̱a̱botíxomaa̱ ko̱jo kjo̱a̱kitii̱ Néná.

Ni xi kamá 23:1

Kó Pabloo̱ askotsijen ndá ndaá ngayeje jáxaá, kósꞌe̱ bi̱ katsoó: –Jún já ntsꞌie, ngaskande ngotꞌe̱ nda tsꞌén tikón kjo̱a̱kjíntakónna, kó tsjatsꞌèn tikòn an ngindyi̱ko̱n Néná.

Ni xi kamá 24:16

Kó kuíni nga ta̱ ngatsjéni̱xtjin nga nda tikón kjo̱a̱kjíntakónna, nga chꞌójín tjítsꞌen an ngindyi̱ko̱n Néná ko̱jo ngindyi̱ko̱n xotaa̱.

Xota̱ Éfeso̱ 3:20

Nganiꞌántsjaá Néná kui xi achichí ngaꞌniú tjiín tsi̱ꞌe̱ nga tsꞌatio ngase ni xi sa̱ꞌín xi chji̱a̱ꞌáa̱ ko̱jo ni xi makjínná, xikó kjiꞌi kui ngaꞌniuú xí tsꞌénxájinná.

Ndeuteronomio̱ 10:17

Kuí boá xi ngo Néná xí botixómaá ngayeje ne xi ngasee̱, ngayeje já re, ko̱jo ngayeje na̱xi̱ńdá. Ngaꞌniú xí tjiín kuí boá xi tsꞌénkjátsiéní ngayeje nga̱sondiee̱. Kjiꞌanga ngo ni xi mejeén sa̱ꞌín, kixi̱ tsꞌén kuí nii̱, kó jmíjín xi ka̱maa̱ ngo ni tsja̱á tsi̱ꞌe̱ nga sa̱ꞌínkjatjosónjín ngo ni.

Ndeuteronomio̱ 30:20

kó ti̱ꞌantjójnú Néná ko̱jo nga ngatsjéni̱xtjin nga ko̱nda̱ꞌyáꞌénjnúu̱. Ngi̱ya ndsa̱jnú tikón tsi mejénjnú nga kjín nó ka̱majnú nga ku̱i̱ndyionjnú ki̱a̱ tꞌanangi xi Néná katsóyàtjoón nga tsja̱á Abraa̱n, ko̱jo Isaa̱, ko̱jo Jakoo̱b, kui xi xota̱ xi xchájnú».

Xota̱ Filipo̱ 4:13

Kristoo̱ xí tsjangaꞌniúna, tsi̱ꞌe̱ nga xchíkjo̱a̱na ta̱jmì niní.

Xota̱ Ebreo̱ 12:28

Kó kuíni nga, ngije Néná katsjáná ngo ngi̱ndie xi botíxoma xi májiín matíyaá, ko̱e̱ꞌée̱ ndokꞌóchjì kjo̱a̱a̱ kui nii̱, kó bo̱a̱ tsꞌén si̱ꞌansée̱n nga tsjangatamaa̱ kui nga ꞌniú ndikóntsꞌèn si̱ꞌantsjàa̱,

Xota̱ Ebreo̱ 7:25

Kó kuíni nga Kristoo̱ maa̱ ꞌboxiéꞌá ngatsjéni̱xtjin ngayeje xota̱ xi ngatꞌaa̱ kui nga tsꞌéntíñaa̱ yojoo̱ Néná, ngatꞌa̱ ngatsjéni̱xtjin tikón, tsi̱ꞌe̱ nga ku̱i̱ꞌatjé nga ku̱i̱chji̱a̱a̱ Néná kjo̱a̱a̱ kui xotaa̱.