Jenesii̱s 16:8 - Xo̱jo̱n eén Néná

⁸ kó bi̱ katsoó: —Na̱ Angaa̱r. Na̱ mosoo̱ na̱ Saraii̱, mí xí tiniꞌín ji kꞌi̱e̱e̱, kó ñá tìꞌmi ji. Kó na̱ Angaa̱r bi̱ katsó: —Na̱ Saraii̱, ndi̱a̱na tsꞌénmongáa̱.

Jenesii̱s 16:8 Iomraidhean Croise

Jenesii̱s 16:1

Abra̱n jera̱ tjiín tie nó nga síndo ki̱a̱ nangi Kanaa̱n, kó na̱ Saraii̱ kui xi chjo̱ón Abra̱n kji̱e̱ jmí ndí kisꞌiejiín, ta̱nga na̱ Saraii̱ kisꞌijñaa̱ ngo na̱ moso̱ xi chji̱a̱ni nangi Ejipto̱ xi ꞌmí na̱ Angaa̱r. Kó na̱ Saraii̱ bi̱ katsoó xi̱ꞌii̱n: «Abra̱n, Néná ndi̱ katsꞌénna, kuíni nga ta̱sá na̱ moso̱na tsjajnije̱ ji. Jè yé ji kjo̱a̱xcha̱áná, nga tsi kui na̱ moso̱na ngo ndí kꞌuieé, tsa̱ꞌa̱n ka̱ma, ngatꞌa̱ na̱ moso̱na boá». Kó Abra̱n kasasiennii̱ kui nii̱, kó na̱ Saraii̱ katsjaá Abra̱n na̱ mosoo̱.

Jenesii̱s 16:4

Kó Abra̱n kisꞌiejo̱ na̱ Angaa̱r sꞌe̱ tsaꞌa ndí. Kó ngije kamábe na̱ Angaa̱r nga ndí jè yaꞌa, katsꞌénchꞌó na̱ Saraii̱.

Jenesii̱s 16:9

Sꞌe̱ ndítsjie xi Néná bi̱ katsoó: —Ta̱sá tꞌenꞌoyé nginí ji, kó ndaꞌyéꞌíi̱n na̱ Saraii̱. Án boá xi sa̱ꞌin an nga ka̱makjín xota̱ tji̱e̱ tse̱, kó ngaskande nde ngojín xi ka̱maxki̱i̱ kókjiꞌi kjín ka̱ma. »Ngotꞌe̱ ꞌne̱ ngije kichꞌié ji ndí, nga stse̱n kuí ndií “Ismae̱l” tꞌítꞌe jaꞌén, ngatꞌa̱ jè tsintꞌie an kjo̱a̱ndasèe̱n.

Jenesii̱s 21:17

Kó Néná tsintꞌieé nga tsꞌénkjandayá nda̱chií, kósꞌe̱ ndítsjie xi Néná ndeskande ndiꞌakꞌajmii̱ tsíchji̱a̱a̱ na̱ Angaa̱r nga bi̱ katsoó: «Mí xí kjimaa na̱ Angaa̱r. Ngata̱ ndakinjín má ji, ngatꞌa̱ jè tsintꞌie an nda̱a̱ kui ndií.

Jenesii̱s 3:9

Ta̱nga Néná tsíchji̱a̱a̱ kui nda̱a̱, kó bi̱ katsoó nga asíyaá: —Ñá tindyin ji.

Jenesii̱s 4:10

Kó bi̱ katsó Néná: —Ánní nga ntsꞌie kiniꞌínkꞌín kon ji Kaii̱n. ¡Jiín ntsꞌie ji xi katjon tꞌanangii̱ tsꞌénchji̱a̱ tsi̱ꞌe̱ nga sa̱ꞌinjeé ji! ¡Chjiéngá kotijeé kjo̱a̱a̱ kui nii̱!

Eklesiastee̱ 10:4

Tsi nda̱ xi botixómaá sa̱ꞌínxchánjo̱o̱, ngata̱ ꞌbíjñímasínjín ji xáa̱. Kjo̱a̱chiyákjo̱a̱a̱ boá xi tsꞌénkjáꞌajenda ni xi ndajín xi niꞌaán.