Jenesii̱s 16:6 - Xo̱jo̱n eén Néná

⁶ Kó Abra̱n, bi̱ katsoó na̱ Saraii̱: —Ngi̱ya ndse̱ jí tikón na̱ mosoo̱, jí xí ye ji mí ni xi si̱ꞌinje̱. Kósꞌe̱ na̱ Saraii̱ ndajín katsꞌénjo̱ na̱ Angaa̱r, kó ta̱sá tsanga na̱ Angaa̱r.

Jenesii̱s 16:6 Iomraidhean Croise

Jenesii̱s 16:9

Sꞌe̱ ndítsjie xi Néná bi̱ katsoó: —Ta̱sá tꞌenꞌoyé nginí ji, kó ndaꞌyéꞌíi̱n na̱ Saraii̱. Án boá xi sa̱ꞌin an nga ka̱makjín xota̱ tji̱e̱ tse̱, kó ngaskande nde ngojín xi ka̱maxki̱i̱ kókjiꞌi kjín ka̱ma. »Ngotꞌe̱ ꞌne̱ ngije kichꞌié ji ndí, nga stse̱n kuí ndií “Ismae̱l” tꞌítꞌe jaꞌén, ngatꞌa̱ jè tsintꞌie an kjo̱a̱ndasèe̱n.

Jenesii̱s 24:10

kósꞌe̱ iskjíbé tie cho̱toꞌoyitsꞌe̱n xi tsi̱ꞌe̱ ndi̱a̱a̱, sꞌe̱ jaꞌájin ngayeje to̱ko̱ya ni tsjakon xi síndoo̱ ndi̱a̱a̱, kó kijí xtji̱e̱e̱n nangi Mesopotamia̱, ki̱a̱ na̱xi̱ńdaá Najoo̱r.

Joo̱b 2:6

—Ndakjíꞌí tsobo̱a̱, ja̱ ta̱ ni xi mejeénri ti̱ꞌinje̱ ji, ta̱nga ngata̱ niꞌínkꞌínjín ji.

Éksondo̱ 2:15

Ja̱ bo̱a̱ jè be kui nii̱ nda̱ ree̱, kó kuíni nga katsangiyakjaꞌá Moisee̱ tsi̱ꞌe̱ nga sa̱ꞌínkꞌién, ta̱nga Moisee̱ tsanga, kó ki̱a̱ kijíkꞌíjñá ngo nangi xi ꞌmí Mandiaa̱n. Nga jachó kui ngi̱ndiee̱ ki̱a̱ katsꞌénkjaꞌyá tꞌa ngo ndáńchꞌi̱.

Énkjínkón 14:29

Xota̱ xi kjínkón boá kui xi achichí tsiekoo̱n, ta̱nga xota̱ kitikjo̱a̱ boá kui xi tsiejínkoón.

Énkjínkón 15:1

Én xí ndaa̱, tsꞌénkjáꞌajenda kjo̱a̱tamaá, ta̱nga én xí ndajiín, tsꞌéntamá ngasená.

Énkjínkón 27:8

Xota̱ xi kjin tjimánii̱ nangi nínga katsen, xikónií ni̱sie xi je índomasien ndo̱bo̱a̱a̱.

Énkjínkón 29:19

Mosoo̱ jmí tsi ta̱ én tsí xi niꞌánkjieén nga niꞌánchji̱ni̱e̱, ngatꞌa̱ makjínrií, ta̱nga tsꞌensénjín.

Eklesiastee̱ 10:4

Tsi nda̱ xi botixómaá sa̱ꞌínxchánjo̱o̱, ngata̱ ꞌbíjñímasínjín ji xáa̱. Kjo̱a̱chiyákjo̱a̱a̱ boá xi tsꞌénkjáꞌajenda ni xi ndajín xi niꞌaán.

1 Xo̱jo̱o̱n Peé 3:7

Kó jún xi xi̱ꞌinjnú, ti̱ bo̱a̱ ti̱ tsꞌén ngatꞌiéjnú kjo̱a̱kjíntakón nga nda tsꞌén ku̱i̱ndyionjo̱jnú chjo̱ónjnú, cha̱ndikónjnú, ngatꞌa̱ ínchjiín jmí tsi bo̱a̱ tsꞌén ꞌniú xikoó jún, ngatꞌa̱ ngo chjo̱on ngo xi̱ꞌin xi je síndojo̱ xkjín, nijan sa̱kórií kjo̱a̱ndaa̱ kjo̱a̱mindyion xi tsjá Néná, tsi̱ꞌe̱ nga jmí ni sa̱ꞌínniꞌínjiín nga ku̱i̱chji̱a̱a̱ Néná.