Jenesii̱s 15:9 - Xo̱jo̱n eén Néná

⁹ Sꞌe̱ Néná bi̱ katsoó: —Ndibéje̱ní ngo ndí cho̱yojo chjo̱on, ko̱jo ngo tindso̱ chjo̱on xi ján noó, ko̱jo ngo cho̱tsa̱nga̱ xi jaꞌatji ndi̱ja̱a̱ xi ján noó, ko̱jo ngo toṉñaa̱ ko̱jo ngo tójo.

Jenesii̱s 15:9 Iomraidhean Croise

Jenesii̱s 15:10

Kó Abra̱n kijíjoo̱ Néná ngayeje kui cho̱o̱, kó jó tjín katsꞌén nga ngo nga ngo, ta̱nga índo ndo̱jò toṉñaa̱ ko̱jo tójoo̱.

Jenesii̱s 15:8

Kó Abra̱n bi̱ katsoó Néná: —¡Ne ko̱jo re tsa̱ꞌa̱n! Kó kótsꞌèn skuie an nga ja̱koxi̱ nga an si̱ꞌinkꞌasꞌínní kuí tꞌanangii̱.

Jenesii̱s 22:13

Kósꞌe̱ Abraa̱n, ti̱ kjiꞌa kamábe nga xtji̱e̱e̱n nga̱xto̱n ngi̱jii̱n yásarsaa̱ tjítsakjájin ngo cho̱tsa̱nga̱ xi jaꞌatji ndi̱ja̱a̱, kó katsoboá kui cho̱o̱, sꞌe̱ katsꞌénkꞌasꞌiee̱n Néná ngo kjo̱a̱tjó ngajoo̱ ndií.

Xo̱jo̱n Salmoo̱ 50:5

Kó bi̱ tsó: «Tꞌítikójnúꞌun xota̱ tsjiena kui xota̱ xi ngo ni je índajo̱na, kó je katsꞌénkꞌasꞌienna kjo̱a̱tjó».

Én xí nda xi ꞌniú tsjatsó ngasee̱ 2:12

Jè tjín naxó ngi̱jin kꞌijñaá, jè jachó ni̱xtjin nga si̱ꞌantsjie ńꞌniuú tostsi̱je̱è. ¡Kó tójoo̱, jè tjìndaꞌyaá nga ndyi̱sie, kꞌi̱e̱ nangíná!

Lebitiko̱ 1:10

»Tsi tjín xí ngo ndií cho̱tsa̱nga̱ ko̱jo tsi ngo ndií tindso̱ sa̱ꞌínkꞌasꞌienna, ti̱ chjiéngá nga ngo cho̱ xi xi̱ꞌin ko̱jo xi nda ngatama nga.

Lebitiko̱ 1:14

»Kó tsi tjín xí sa̱ꞌínkꞌasꞌienna ngo kjo̱a̱tjó xi cho̱ xi tjiín tsja̱nga̱, chjiéngá tójo ko̱jo tsi ndií toṉña̱ xi sa̱ꞌínkjién.

Lebitiko̱ 1:3

»Tsi tjín xí ngo kjo̱a̱tjó xi ndií cho̱yojo sa̱ꞌínkꞌasꞌienna, chjiéngá kui cho̱o̱, ngo cho̱ xi xi̱ꞌin ko̱jo xi nda ngatama. Kó ki̱a̱ ngatjíjo̱ nínga bitjasꞌi̱e̱nnii̱ ndiꞌandikoón,

Lebitiko̱ 12:6

»Ngije jatjosón ni̱xtjin nga katsꞌéntsjie yojoo̱ kui na̱ xi yeꞌé kui ndií, tsi chjo̱on ko̱jo tsi xi̱ꞌin, chjiéngá ko̱e̱je̱ nínga bitjasꞌi̱e̱nni ndiꞌandikoón. Kó ki̱a̱ sa̱ꞌínkꞌasꞌiee̱n chináꞌmii̱ ngo cho̱tsa̱nga̱ xi sꞌe̱ tsí ngo noó, ko̱jo tsi jó tójo, ko̱jo tsi jó toṉña̱. Kósꞌe̱ kui chináꞌmii̱ ku̱i̱ꞌítí kui cho̱tsa̱nga̱a̱ nganda tsi̱ꞌe̱ Néná, kó sa̱ꞌínkꞌasꞌiee̱n Néná kui tójoo̱ ko̱jo tsi kui toṉñaa̱, tsi̱ꞌe̱ nga si̱ꞌanjetakón jeé, kó bo̱a̱ tsꞌén nga na̱aa̱n kui ndií je kamátsjie. »Kuí bí kui kjo̱a̱kitii̱ xi chjiéngá sa̱ꞌínkjatjosón ngo na̱ xi ku̱i̱ꞌé ngo ndí chjo̱on ko̱jo tsi ngo ndí xíꞌín.

Lebitiko̱ 12:8

Ta̱nga tsi kui naa̱ jmíjín to̱n xi kꞌo̱tsieni ngo cho̱tsa̱nga̱, ka̱má jó tójo ko̱jo tsi jó toṉña̱ sa̱ꞌínkꞌasꞌien. Kó chináꞌmii̱ ngo kui cho̱o̱ xi ku̱i̱ꞌítí nganda tsi̱ꞌe̱ Néná, kó xi ingoo̱, kjo̱a̱tjó tsi̱ꞌe̱ nga niꞌánjetakón jé sa̱ꞌín. Kó bo̱a̱ tsꞌén nga ka̱matsjie kui naa̱».

Lebitiko̱ 14:22

Kó ti̱ ka̱ma sa̱ꞌínkꞌasꞌien tsi ka̱maa̱ jó tójo ko̱jo tsi jó toṉña̱, ngo kui cho̱o̱ tsi̱ꞌe̱ nga si̱ꞌanjetakoón jeé, sꞌe̱ xi ingoo̱ tsi̱ꞌe̱ nga kꞌuití nganda tsa̱ꞌa̱n.

Lebitiko̱ 14:30

kó nga fetꞌani ngo kui cho̱ xi tjiín tsja̱nga̱a̱ nga tsꞌenkꞌásꞌién tsi̱ꞌe̱ nga kui xi ka̱ma ngo kjo̱a̱tjó, tsi̱ꞌe̱ nga sa̱ꞌinjetakóo̱n jeé, kó xi ingo kui cho̱o̱ nganda tsa̱ꞌa̱n kꞌuití ko̱jo kui kjo̱a̱tjó xi ndso̱ko̱a̱n ṉño̱paa̱n ko̱jo istii̱.

Lebitiko̱ 3:1

«Kjiꞌanga tjín xí mejeén ku̱i̱ꞌana nga nda kꞌuieé ko̱jo nga nda kꞌuijñá, chjiéngá ngo ndí chjo̱on ko̱jo tsi ndí xíꞌiín ngo cho̱yojo xi nda ngatsꞌénkꞌásꞌiénna.

Lebitiko̱ 3:6

»Tsi tjín xí sa̱ꞌínkꞌasꞌienna ngo kjo̱a̱tjó xi ngo cho̱tsa̱nga̱ ko̱jo tsi ngo tindso̱, chjiéngá nga ngo cho̱ xi nda ngatama.

Lebitiko̱ 9:2

Kósꞌe̱ bi̱ katsoó Aaroo̱n: «Ti̱ꞌinkꞌasꞌin ji ngo kjo̱a̱tjó xi ngo ndií cho̱yojo tsi̱ꞌe̱ nga si̱ꞌanjetakoón jée̱, kó tꞌítí ji ngo cho̱tsa̱nga̱ xi jaꞌatji ndi̱ja̱a̱ nganda tsi̱ꞌe̱ Néná.

Lebitiko̱ 9:4

»Ngotꞌe̱ má, Néná ko̱kójnú kókjiꞌi ngaꞌniú xí tjiín. Kuíni nga chjiéngá si̱ꞌankꞌasꞌienjnúu̱ ngo kjo̱a̱tjó, xi ngo cho̱yojo toro̱, ko̱jo ngo cho̱tsa̱nga̱ xi jaꞌatji ndi̱ja̱a̱, tsi̱ꞌe̱ nga chji̱a̱ꞌajnúu̱ nga nda ko̱jo nga tsjatsꞌèn ku̱i̱ndyionjnú, ko̱jo chjiéngá si̱ꞌankꞌasꞌienjnúu̱ ngo kjo̱a̱tjó xi ni xi maxchá jno̱ xi isti̱ ku̱i̱ndyiaa̱ nga si̱ꞌanda̱ꞌyo̱ni».

Rkaa̱ 2:24

Kó bo̱a̱ tsꞌén kijítsꞌenkꞌásꞌieén Néná xikótsꞌèn botixómá kjo̱a̱kitii̱ Néná, nínga bi̱ tsoó: Chjiéngá ngo ꞌniú toṉña̱ ko̱jo tsi jó tójo si̱ꞌankꞌasꞌiee̱n Néná.