Jenesii̱s 15:18 - Xo̱jo̱n eén Néná

¹⁸ Kui ni̱xtjin jàn Néná índajo̱ ngo ni Abra̱n, kó bi̱ katsoó: «Xota̱ tji̱e̱ tse̱ xí tsjàa̱ kui tꞌanangii̱, xi ꞌbítsi̱yani ndeskande ndejèꞌ xi tikón Ejipto̱ ngaskande ndejèꞌ je xi ꞌmí Éufratee̱,

Jenesii̱s 15:18 Iomraidhean Croise

Jenesii̱s 12:7

Kó Néná jatjokjaà Abra̱n ki̱a̱a̱, kó bi̱ katsoó: «Xota̱ tji̱e̱ tse̱ boá xi tsjàa̱ ngayeje kui tꞌanangii̱». Kó Abra̱n ki̱a̱ katsꞌéndaa̱ ngo ṉchandikón Néná, ngatꞌa̱ ki̱a̱ jatjokjaà.

Jenesii̱s 13:15

Ngatꞌa̱ ngayeje kui tꞌanangi nínga tsꞌén be ndyikin ji, kuí boá xi ngatsjéni̱xtjin tsjaa ji ko̱jo ngayeje xota̱ tji̱e̱ tse̱.

Jenesii̱s 2:14

Ndejèꞌ xi ma jaán kuí xí ꞌmí Tingri̱, kó kuí boá xi foaꞌa nangi Asiria̱. Ndejèꞌ xi ma nijoón kuí xí ꞌmí ndejèꞌ Éufratee̱.

Jenesii̱s 24:7

Kjiꞌanga Néná xí tsi̱ꞌe̱ ndiꞌakꞌajmii̱ tsíꞌána nga kjo̱tjo an ndiꞌaa̱ na̱ꞌmina, ko̱jo na̱xi̱ńdána, kuí boá xi índajo̱na nga xota̱ tji̱e̱na tsja̱á kui tꞌanangii̱. Kó kuí boá xi sa̱ngíyá ndítsjiee̱ tsi̱ꞌe̱ nga ko̱e̱je̱tjoón jí, kó nga sa̱ko̱ó jí ngo chjo̱on xí tsi̱ꞌe̱ ndína Isaa̱.

Jenesii̱s 28:4

Néná ngatsꞌénchíkonñeé ji ko̱jo xota̱ tji̱e̱ tse̱, xikótsꞌèn katsꞌénchikonñé Abraa̱n. Kó bo̱a̱ tsꞌén nga ji xi sa̱ko̱ó nga tse̱ ka̱ma kui tꞌanangi nínga tindyin ji ngotꞌe̱ xikoó tsi ngo xota̱ xi xín nangi, ngatꞌa̱ Néná boá xi katsjaá Abraa̱n kui ngi̱ndiee̱».

Jenesii̱s 35:12

Tꞌanangi xi katsjáa̱ Abraa̱n ko̱jo Isaa̱ kuí boá xi ti̱ tsjaa ji ngotꞌe̱, kó jaskan tsjàa̱ xota̱ tji̱e̱ tse̱».

Jenesii̱s 50:24

Jaskan ngije jaꞌa ni̱xtjin, Kosiee̱ bi̱ katsoó já ntsꞌi̱e̱: «Jè ta̱ chiboa tsí ni̱xtjin chajaa̱ nga ko̱yà an. Ta̱nga nga sꞌijinjnú nga Néná boá xi kji̱ndi̱bákasikójojnú, kó kuí boá xi ko̱e̱je̱jo nginíjnú nínga tikón kui tꞌanangi xi katsóyàtjón nga tsja̱á Abraa̱n, Isaa̱ ko̱jo Jakoo̱b. Kó jún chjiéngá ngiboanéná tꞌínjnú nga kjiꞌanga kjo̱chó ni̱xtjin kongínjo̱jnú ńdana kꞌi̱e̱e̱ ngije ko̱yà an».

Xo̱jo̱n Salmoo̱ 105:11

kó bi̱ katsoó: «Án boá xi tsjaa nangi Kanaa̱n. Kuí boá nangi xi katsoboaá jí».

Éksondo̱ 13:11

»Kó ngije Néná katsꞌénkꞌasꞌienjnú nangi Kanaa̱n, kui ngi̱ndie xi katsoó xota̱ xi xchájnú,

Éksondo̱ 2:24

Ta̱nga Néná kamábe kjo̱a̱ni̱ma̱ xi ndyi̱foaꞌatio, kó tsintꞌieé nga ndyi̱kjandayà nga on kjimaa̱ ni xi kjimataꞌin kui xotaa̱, kó kjiꞌá boá nga jaꞌátsjiee̱n Néná ni xi índajo̱ xota̱ xi xchaá xota̱ Israee̱l, kui xi Abraa̱n, Isaa̱ ko̱jo Jakoo̱b.

Éksondo̱ 23:23

Ndítsjiena boá xi kjo̱jojnú nangi Kanaa̱n, nínga ngotꞌe̱ achichí má xota̱ na̱xi̱ńdá xi síndo, kui xi sa̱ꞌinkjié ndo̱jò ndójo̱ an.

Éksondo̱ 32:13

Ngatjaꞌátsjiee̱n ni xi ja̱koxi̱ nga sa̱ꞌinkjatjosón an kasée̱ Abraa̱n, ko̱jo Isaa̱, ko̱jo Jakoo̱b. Jí boá xi bo̱a̱ kasée̱ nga ji xi si̱ꞌin ji nga xota̱ tji̱e̱e̱ ngo na̱xi̱ńdá xí je si̱ꞌin ji, kó nga kjín ka̱ma xikó maá ńño xi tjín nkꞌa jàn, kó nga ngatsjéni̱xtjin ko̱e̱ꞌée̱ tꞌanangi xi chji̱a̱ni nangi Kanaa̱n.

Éksondo̱ 34:11

»Tsi jún ko̱nda̱ꞌyáꞌénjnúꞌun ngayeje ni xi je atixomájnúꞌun ngotꞌe̱, an kꞌoxié an ngi̱ndie nínga síndo ngayeje xota̱ na̱xi̱ńdá xi ntꞌiéꞌénjínna, kó an tsjajnúꞌun tꞌanangi nínga síndo.

Éksondo̱ 34:24

Án boá xi kꞌoxié kjo̱a̱ꞌniú án xota̱ na̱xi̱ńdá xí ngasee̱, tsi̱ꞌe̱ nga jún tsie ngase ngi̱ndie kꞌuiéjnú. Bo̱a̱ tsꞌén nga ngojín xi ka̱ma kjo̱a̱ꞌáxínjnú ngi̱ndiejnú kjiꞌanga kji̱ndi̱bá niꞌándikónjnúꞌun.

Éksondo̱ 6:4

Án boá xi katsóyàtjóo̱n nga tsjàa̱ nangi Kanaa̱n, ki̱a̱ nínga kisꞌińdo xikoó xota̱ xi xín nangi chji̱a̱ni,

Lebitiko̱ 26:42

»Án boá xi sa̱ꞌinkjatjosón an ni xi kixiyatjóo̱n Abraa̱n, ko̱jo Isaa̱, ko̱jo Jakoo̱b, kó sa̱ꞌinchikonñé an tꞌanangi xi je kixian an nga tsjajnúꞌun,

Ni xi kamá 7:5

Kó Néná nde chií nangi katsjájiín, ngaskande nínga ko̱sién ngo se katsjájiín, ta̱nga katsóyàtjoón nga tsja̱á nga tsi̱ꞌe̱ ka̱ma kui nangii̱, ko̱jo nga jaskan tsi̱ꞌe̱ xota̱ tji̱e̱e̱ ka̱ma, ndatsi kui ni̱xtjin jàn Abraa̱n kji̱e̱ jmí ndíjiín.

Ndeuteronomio̱ 12:20

Ta̱nga ngije Néná katsꞌénkjatjosón ni xi katsóyàtjón nga sa̱ꞌín, kó ngije katsꞌéntsié tꞌanangi xi tsa̱jún, kó tsi mejénjnú xi̱ni̱e̱jnú yojo, ka̱má xi̱ni̱e̱jnú tsi bo̱a̱ tsꞌén mejénjnú.

Ndeuteronomio̱ 19:8

»Tsi jún si̱ꞌansenjnúu̱ ni xi tꞌíxián an, kó tsi tjójnú ko̱jo tsi ko̱nda̱ꞌyáꞌénjnúu̱ Néná, kuí boá xi tsja̱ajnú kui tꞌanangi xi katsóyàtjoón xota̱ xi xchájnú nga tsja̱á. Ngije kachjábéjnú kó ngije ki̱a̱ tindyiónjnú, chjiéngá kꞌuijñátꞌaxínjnú ngi ján na̱xi̱ńdáꞌniú, tsi̱ꞌe̱ nga ki̱a̱ ka̱ma ku̱i̱ndyionꞌmá. Kó bo̱a̱ tsꞌén nga ngojín jún xi sꞌi̱nieé ngo jé kjo̱a̱a̱ ngo xota̱ xi jmí jéjiín.

Ndeuteronomio̱ 34:4

Kui ngi̱ndiee̱ Néná bi̱ katsoó Moisee̱: «Kuí bí kui na̱xi̱ńdaá xi tsjàa̱ xota̱ Israee̱l. Bo̱a̱ kixiáa̱n nga katsóyàtjóo̱n Abraa̱n, ko̱jo Isaa̱, ko̱jo Jakoo̱b, xota̱ xi xcháa̱. Kamámejénna nga xchi̱e̱ ji, ngatꞌa̱ ku̱i̱tjásꞌi̱njín ji ki̱a̱a̱».

Ndeuteronomio̱ 7:1

Kó bi̱ katsó ngasee̱ Moisee̱ kui xota̱ na̱xi̱ńdaá: «Néná tsja̱ndièjnú nga ku̱i̱tjásꞌi̱e̱njnú ki̱a̱ kui tꞌanangi xi tsja̱ajnú. Kó kꞌo̱xié ki̱a̱ kui ngi̱ndiee̱ yito to̱ko̱ya xota̱ na̱xi̱ńdá xi kjín ngase ma, ko̱jo xi tjín ngasee̱ ngaꞌniú, ta̱bo̱a̱jiín jún, kó kuí boá xi xota̱ Ee̱t, ko̱jo xota̱ Jerjee̱, ko̱jo xota̱ Amoo̱r, ko̱jo xota̱ Kanaa̱n, ko̱jo xota̱ Feree̱, ko̱jo xota̱ Ee̱b, ko̱jo xota̱ Jebuu̱.

Xota̱ Ebreo̱ 13:20

Néná xí tsjáná kjo̱a̱xioó, kui xi katsꞌénkjaꞌáꞌyaá Ndi̱a̱ná Jesukristoo̱, kui nda̱ xi ta̱nisién nkꞌa xaá xi tikóntjoón cho̱tsa̱nga̱a̱, kui xi ta̱ngatꞌanii̱ jiín, nga Néná katsꞌénjo̱ná ngo kjo̱a̱ꞌbínda tja̱tsi̱e̱ xi tikón ngatsjéni̱xtjii̱n,

Ni xi akakoo̱ 9:14

kó bi̱ katsoó xi ma jun ndítsjie xi tikoón tjioo̱: –Chjándé ji nga nijón ndítsjie xi síndotaꞌniú tꞌa ndejèꞌ je xi ꞌmí Éufratee̱.