Jenesii̱s 15:16 - Xo̱jo̱n eén Néná

¹⁶ Ta̱nga ngije kjo̱chó xi nijón úchán noó, xota̱ tji̱e̱ tse̱ ka̱ma kjo̱e̱ꞌe nginí kui ngi̱ndiee̱, ngatꞌa̱ kui ni̱xtjin jàn xota̱ Amoo̱r xi ta̱nisién ndajiín sa̱ꞌinkjataxie an kui ngi̱ndiee̱».

Jenesii̱s 15:16 Iomraidhean Croise

Jenesii̱s 10:16

Kuí bí xi̱ꞌbi̱ na̱xi̱ńdá xí xota̱ tji̱e̱e̱ nda̱ xi ꞌmí Kanaa̱n kjindibáni: Xota̱ Jebuu̱, xota̱ Amoo̱r, xota̱ Jerjee̱, xota̱ Ee̱b, xota̱ Araa̱, xota̱ Sinee̱, xota̱ Arbaa̱nd, xota̱ Semaa̱r, ko̱jo xota̱ Amaa̱t. Ngi̱chí sájín kja̱xín kja̱xín kijí xota̱ Kanaa̱n.

Jenesii̱s 15:13

Kósꞌe̱ Néná bi̱ katsoó: «Mejénna nga xchi̱e̱ ji nga xota̱ tji̱e̱ tse̱ ngo nangi xi xín ko̱e̱je̱kꞌíndo, kó moso̱ ka̱ma ki̱a̱a̱, kó nijón úchán nó nga ndajín ka̱mataꞌin kui ngi̱ndiee̱.

Jenesii̱s 48:21

Jaskan Jakoo̱b, bi̱ katsoó Kosiee̱: —Jè ta̱ chiboa tsí ni̱xtjin chajana nga ko̱yà án, ta̱nga Néná kꞌuijñájo̱jnú, kó kuí boá xi kjo̱jo nginií nangii̱ na̱ꞌmindyiboáa.

Jenesii̱s 50:24

Jaskan ngije jaꞌa ni̱xtjin, Kosiee̱ bi̱ katsoó já ntsꞌi̱e̱: «Jè ta̱ chiboa tsí ni̱xtjin chajaa̱ nga ko̱yà an. Ta̱nga nga sꞌijinjnú nga Néná boá xi kji̱ndi̱bákasikójojnú, kó kuí boá xi ko̱e̱je̱jo nginíjnú nínga tikón kui tꞌanangi xi katsóyàtjón nga tsja̱á Abraa̱n, Isaa̱ ko̱jo Jakoo̱b. Kó jún chjiéngá ngiboanéná tꞌínjnú nga kjiꞌanga kjo̱chó ni̱xtjin kongínjo̱jnú ńdana kꞌi̱e̱e̱ ngije ko̱yà an».

Xo̱jo̱n Salmoo̱ 105:43

Askjandáyá má, kó tsja kamá kjiꞌanga Néná tsꞌaxiéni nangi Ejipto̱ kui xota̱ na̱xi̱ńdá xí Néná je jaꞌájii̱n,

Éksondo̱ 12:40

Xota̱ na̱xi̱ńdaá Néná kjiꞌá má jatjoni nangi Ejipto̱, kjiꞌanga tsꞌasꞌien nijón úchán ko̱jo kantié nó nga kisꞌińdo kui ngi̱ndiee̱.

Éksondo̱ 13:3

Kósꞌe̱ Moisee̱, bi̱ katsoó xota̱ Israee̱l: «Ngata̱chiíjín niꞌánchíyájnú kui ni̱xtjii̱n, kjiꞌanga Néná katsꞌénkjién ngaꞌniuú nga tsꞌaxiéná nangi Ejipto̱, nínga xota̱ moso̱ kamá ñá. Kuíni nga, ngotꞌe̱ ku̱i̱ꞌítsꞌi̱yani nga kamájín xi̱ni̱e̱jnú pan xi tjiín nisan.

Éksondo̱ 13:4

Néná katsóyàtjoón xota̱ xi xchájnú nga kui xi sa̱ꞌínkꞌasꞌiee̱n nangi Kanaa̱n, nínga kje̱ꞌe xota̱ síndo ngotꞌe̱. ¡Ki̱a̱ boá ngo nangi nínga ngatsjéni̱xtjin tsie nichinie tjín! »Kuí bí xi̱ꞌbi̱ sá xí tjoón noó. Ngije Néná katsꞌénkꞌasꞌienjnú kui tꞌanangi xi katsóyàtjón nga tsja̱ajnú, kó ngije ki̱a̱ je tindyiónjnú, kuí má kui saá nga xki̱ nó xki̱ nó nga chjiéngá si̱ꞌánjnú sꞌueé pan xi jmí nisanjiín.

Lebitiko̱ 18:24

»Ngata̱ ngojín kui nii̱ niꞌánjnú, ngatꞌa̱ tsi bo̱a̱ si̱ꞌánjnú, ngiti̱ tsjiejín ka̱majnú. Kui xota̱ na̱xi̱ńdá xi kꞌoxié an kui nangi xi jún tsjajnúꞌun, jè katsꞌén ngayeje kui ni xi ndajiín, kó kui ko̱jo kui tꞌanangii̱ xi je kamándándí. Ta̱nga ti̱nde jún, ko̱jo xota̱ xi xín nangi xi síndo kui na̱xi̱ńdaá, chjiénjín nga ni xi ndajín xi si̱ꞌánjnú.

Ndeuteronomio̱ 9:4

»Ngije ikitjasꞌi̱e̱njnú kui tꞌanangii̱, kó ngije Néná tsangatji̱ngii̱ kui xotaa̱, ngata̱ niꞌánkjójínjnú nga Néná katsjájnú kui tꞌanangii̱ ngatꞌa̱ nga ta̱nisién ndajnú xota̱. Néná ko̱ngatji̱ngii̱ kui xotaa̱ ta̱ngatꞌanii̱ nga ndajín. Kó bo̱a̱ tsꞌén nga Néná sa̱ꞌínkjatjosón ni xi katsóyàtjoón Abraa̱n, ko̱jo Isaa̱, ko̱jo Jakoo̱b, kui xi xota̱ xi xchájnú.

1 Xota̱ Tesalónika̱ 2:16

Kó katsjandièjín nga kandokjo̱a̱jojne̱ xota̱ xi jundío̱jiín, tsi̱ꞌe̱ nga ti̱ bo̱a̱ ti̱ tsꞌén kjo̱tjoꞌa nga. Bo̱a̱ tsꞌén nga tsie ngase jé tsꞌén xikó kjiꞌi xi je katsꞌén. Ta̱nga ngotꞌe̱ ꞌne̱, jè jeꞌenié kui xotaa̱ kjo̱a̱xcha̱án Néná.