Jenesii̱s 15:13 - Xo̱jo̱n eén Néná

¹³ Kósꞌe̱ Néná bi̱ katsoó: «Mejénna nga xchi̱e̱ ji nga xota̱ tji̱e̱ tse̱ ngo nangi xi xín ko̱e̱je̱kꞌíndo, kó moso̱ ka̱ma ki̱a̱a̱, kó nijón úchán nó nga ndajín ka̱mataꞌin kui ngi̱ndiee̱.

Jenesii̱s 15:13 Iomraidhean Croise

Jenesii̱s 15:16

Ta̱nga ngije kjo̱chó xi nijón úchán noó, xota̱ tji̱e̱ tse̱ ka̱ma kjo̱e̱ꞌe nginí kui ngi̱ndiee̱, ngatꞌa̱ kui ni̱xtjin jàn xota̱ Amoo̱r xi ta̱nisién ndajiín sa̱ꞌinkjataxie an kui ngi̱ndiee̱».

Jenesii̱s 47:4

Kꞌi̱e̱ jéꞌe̱kindyion ngotjónjne̱ kui ngi̱ndiee̱, ngatꞌa̱ jè ngiti̱ jmí ni chiniejín nangi Kanaa̱n, kó ti̱ jè ngiti̱ jmí ndi̱xcho̱jiín cho̱ xi tjínjne̱ nga. ꞌNiú chjiáꞌájne̱ ji nga ko̱e̱ꞌéndièjne̱ nga ki̱a̱ ku̱i̱ndyionjne̱ nangi Ngosee̱n.

Xo̱jo̱n Salmoo̱ 105:42

Néná jmíni̱xtjin katsꞌénchíyà ni xi índajo̱ nga sa̱ꞌínkjatjosón, xi katsóyaà Abraa̱n, kui nda̱ xi mosoo̱.

Éksondo̱ 1:11

Kó kuíni nga xota̱ Ejiptoo̱ xota̱ ngito̱ko̱ índotjoón xota̱ Israee̱l, xi ínieé xá ꞌniú. Kó xota̱ Israee̱l kiniꞌaán kjo̱a̱ꞌniú nga katsꞌénda na̱xi̱ńdáꞌniú xi ꞌmí Pitoo̱n ko̱jo Ramsee̱, kó ki̱a̱ boá nínga indyiá nda̱ ree̱ nangi Ejipto̱ ngayeje nichinie xi jaꞌátjó.

Éksondo̱ 1:13

ngaskande ꞌniú ndajín ngase katsꞌénjo̱, kó xá xí ꞌniú ínieé nga katsꞌén. Ngaskande ndáse katsꞌénkꞌájin xi katsꞌén ńdiekachján, kó ti̱ katsꞌénxájin kꞌijñaá nga.

Éksondo̱ 2:24

Ta̱nga Néná kamábe kjo̱a̱ni̱ma̱ xi ndyi̱foaꞌatio, kó tsintꞌieé nga ndyi̱kjandayà nga on kjimaa̱ ni xi kjimataꞌin kui xotaa̱, kó kjiꞌá boá nga jaꞌátsjiee̱n Néná ni xi índajo̱ xota̱ xi xchaá xota̱ Israee̱l, kui xi Abraa̱n, Isaa̱ ko̱jo Jakoo̱b.

Éksondo̱ 22:21

»Ka̱májín ndajín si̱ꞌanjo̱jnú ko̱jo ka̱májín moso̱ xi stiñá si̱ꞌánjnú ngo nda̱ xi xín nangi chji̱a̱ni. Ngatjaꞌátsjienjnú nga jún ti̱ xota̱ xi xín nangi kamájnú ki̱a̱ nangi Ejipto̱.

Éksondo̱ 23:9

»Ngata̱ ndajín niꞌánjo̱jnú xota̱ xi xín nangi chji̱a̱ni, ngatꞌa̱ jún, xota̱ xi xín nangi kamájnú nangi Ejipto̱, kó jè yàjnú kótsꞌèn mindyión nga moso̱ xi stiñá má kje̱ꞌe nangi.

Éksondo̱ 3:10

Kuíni nga ti̱ndyinde ji, ngatꞌa̱ ki̱a̱ sangiyáa nínga tikón nda̱ ree̱ nangi Ejipto̱, tsi̱ꞌe̱ nga ji xi ko̱ꞌna̱xié ji xota̱ na̱xi̱ńdána ki̱a̱a̱.

Éksondo̱ 3:17

Kó bo̱a̱ tꞌíi̱n nga án boá xi sa̱ꞌindé án, nga kꞌoxiéꞌá an kjo̱a̱a̱ kjo̱a̱ni̱ma̱ xi ndyi̱foaꞌatio ki̱a̱ nangi Ejipto̱, kó nga ki̱a̱ kjuínjo̱ an nangi Kanaa̱n, nínga síndo xota̱ na̱xi̱ńdá xi nde kji̱e̱ bejínna. ¡Ngo ngi̱ndie nínga tsie nichinie tjín!

Lebitiko̱ 19:34

Bo̱a̱ ti̱ꞌanjo̱jnú xikoó tsi xota̱ Israee̱l, kó tjó ti̱ꞌanjo̱jnú xikoó tsi ti̱ juún bo̱a̱, ngatꞌa̱ jún, xota̱ xi xín nangi kamájnú ngasꞌe̱ ki̱a̱ nangi Ejipto̱. Án boá xi Nee̱ xota̱ Israee̱l.

Xki̱ 20:15

Jè kjín nónií nga xota̱ xingi̱jne̱ kijíkꞌíndo nangi Ejipto̱. Ta̱nga xota̱ Ejiptoo̱ achichí ndajín katsꞌénjo̱, ti̱ bo̱a̱ ti̱ katsꞌénjo̱jne̱ ji̱n nga.

Ni xi kamá 7:17

Kó xikótsꞌèn kjimatiña ni̱xtjin nga kjo̱tjosón ni xi katsoó Néná Abraa̱n, xota̱ xi chji̱a̱ni Israee̱l ta̱sasá kamákjín ki̱a̱ na̱xi̱ńdá Ejipto̱,

Xota̱ Ngalasia̱ 3:17

Ni xi mejénna xian an, kuí nii̱: Ni xi Néná índajo̱ nga atíxomaa̱ nga sa̱ꞌín Abraa̱n ka̱májiín sa̱ꞌínkjié ngo kjo̱a̱kiti xi jeꞌe nijón úchán ko̱jo kantié nó jaskan, sꞌe̱ ngiti̱ ka̱machjíjiín ni xi Néná jè katsóyàtjón nga tsja̱á Abraa̱n.

Ndeuteronomio̱ 10:19

Kuíni nga tjó ti̱ꞌánjnú xota̱ xi xín nangi chji̱a̱ni xi ki̱a̱ síndojinjnú, ngatꞌa̱ jún ti̱ xota̱ xi xín nangi kamájnú ki̱a̱ nangi Ejipto̱ nga.

Ndeuteronomio̱ 5:15

Chjiéngá kjo̱a̱ꞌátsjienjnú nga moso̱ kamájnú ki̱a̱ nangi Ejipto̱, kó nga án boá xi tsꞌaxiéjnúꞌun ki̱a̱a̱ nga katsꞌénkjién án ngaꞌniú jena. Kuíni nga tsꞌénbotixomájnúꞌun nga ni̱xtjin xi ma yitoo̱ si̱ꞌankjaꞌyájnú.