Jenesii̱s 14:20 - Xo̱jo̱n eén Néná

²⁰ Kui Néná xi tikón nkꞌa jàn, kuí xí tsoboaá ngayeje kjo̱a̱niꞌántsjaà, ngatꞌa̱ kuí boá xi katsjaá nga kiniꞌín ji nga ikixkánje̱ ji kondraa̱». Ti̱ kjiꞌa Abra̱n katsjaá Melkisendee̱k tie nga úchaán ngayeje ni xi katsꞌén kui kjo̱a̱xcha̱án.

Jenesii̱s 14:20 Iomraidhean Croise

Jenesii̱s 14:21

Kó nda̱ re xi chji̱a̱ni Sondoma̱, bi̱ katsoó Abra̱n: —Chjábé jí ngayeje ni to̱nsinieé, ta̱nga te̱ꞌéꞌoyé nginí xotaa̱.

Jenesii̱s 24:27

nga bi̱ katsó: «¡Ngatamachikonñé ji Ne, ji xi Nee̱ ndi̱a̱na Abraa̱n, ngatꞌa̱ ngatsjéni̱xtjin nda tiniꞌínje̱ ji ko̱jo kjimaꞌnítakín ji ndi̱a̱na! ¡Jí boá xi tińtje̱tjénní ngaskande ndiꞌaa̱ xota̱ xkjín Abraa̱n!»

Jenesii̱s 28:22

Kó kui ndi̱jo̱ xi je iskjininkꞌa an kꞌi̱e̱e̱, kuí boá xi ka̱ma chi̱bo̱a̱a̱ ngi̱ndie nínga ngayeje xi kji̱ndi̱bá tsꞌéndíkón Néná, kó ngayeje ni xi tsja̱ana Néná, tie nga úchán tsja ngiñáa̱ kui».

Jenesii̱s 47:24

Kó kuíni nga ngije ka̱maxchá ni xi kꞌuítji̱e̱jnú, ngo nga ún tjiín kui nii̱ xi nda̱ ree̱ si̱ꞌankꞌasꞌienjnúu̱, kó xi ngi nijón nga ún tjiín, tsa̱jún ka̱ma. Ki̱a̱ chjábénijnú xojmá xí ka̱ma kꞌuítji̱e̱jnú, kó ko̱jo kui xi̱ꞌba̱ xi ka̱ma xi̱ni̱e̱jnú jún ko̱jo ndíjnú.

Jenesii̱s 47:26

Kó kuíni nga Kosiee̱ ngo kjo̱a̱kiti katsꞌénda nangi Ejipto̱, nga ngo nga ún bo̱a̱ kjiꞌi ni xi maxchaá xi si̱ꞌankꞌasꞌiee̱n nda̱ ree̱. Kó ndeskande ni̱xtjin nga kamánda kui kjo̱a̱kitii̱, kó ngaskande ngotꞌe̱ nga tjíniꞌánkjatjosón. Ta̱ kuí tsi tꞌanangi xi tsi̱ꞌe̱ chináꞌmii̱ xi tsi̱ꞌe̱ nda̱ ree̱jín kamá.

Jenesii̱s 9:26

Kó bi̱ katsó ngase: «¡Néná xi tsꞌénchíkonñéná, kui xi Ne tsa̱ꞌa̱n, ngatama Nee̱ See̱n nga! ¡Kó xota̱ Kanaa̱n kuí boá xi ngatama mosoo̱ See̱n!

Xo̱jo̱n Salmoo̱ 144:1

¡Ngatamachikonñé ji Ne, ji xi Néna, ko̱jo ji xi tichínní! ¡Jí boá xi bokoyéní kótsꞌèn bixkán ko̱jo kótsꞌèn kꞌoxiéꞌá an yojona!

Xo̱jo̱n Salmoo̱ 44:3

Jmí tsi ki̱cha̱ndojoó katsꞌénkjién nga kasakoo̱ tꞌanangi, ti̱nde jmí tsi tsja katsꞌénkjién nga katsꞌén. ¡Ngaꞌniuú ndse̱ boá xi katsꞌénni, ko̱jo ndiꞌí xí akóni kje̱n ji boá, ngatꞌa̱ kiniꞌíntjé ji kui xotaa̱!

Xo̱jo̱n Salmoo̱ 68:19

¡Ngatamachikonñé Néná! ¡Néná xí ꞌboxiéꞌáná ndyiojón ndyiojón boaꞌanijín chꞌiàná!

Éksondo̱ 18:10

kó bi̱ katsó Jetroo̱: «¡Nganiꞌántsjaá Néná kui xi Nee̱ xota̱ Israee̱l, kui xi tsꞌaxiéꞌájnú ngi̱ya tsja xota̱ Ejiptoo̱, ko̱jo ngi̱ya tsja nda̱ ree̱!

Xki̱ 28:26

»Ni̱xtjin nga tjón kjo̱a̱ꞌátikójnú cha̱a̱n ni xi ítji̱e̱, kjiꞌá boá nga ku̱i̱ꞌítsꞌi̱yanii̱ nga sa̱ꞌín sꞌueé cha̱a̱n. Kui ni̱xtjii̱n ngojín xi sa̱ꞌínxá, ta̱sá ngatamatikó tsi̱ꞌe̱ nga an si̱ꞌandikónna. »Kó ko̱jo kui kjo̱a̱tjó xi je sa̱ꞌínkꞌasꞌienna ndyiojón ndyiojón, ti̱ sa̱ꞌínkꞌién ko̱jo ku̱i̱ꞌítí nganda tsa̱ꞌa̱n jó cho̱yojo toro̱, ngo cho̱tsa̱nga̱ xi jaꞌatji ndi̱ja̱a̱, ko̱jo yito ndií cho̱tsa̱nga̱ xi ngo noó xi ndakón. »Nga ngo nga ngo kui cho̱yojo toroo̱ nijan sa̱ꞌínkꞌasꞌienna jun kilo̱ ndso̱ko̱a̱n ṉño̱pan xi nda ngasee̱ xi je kiniꞌánda̱ꞌyo̱ni istii̱ toꞌolibo̱, kó kui cho̱tsa̱nga̱ xi jaꞌatji ndi̱ja̱a̱ nijan sa̱ꞌínkꞌasꞌienna nijón kilo̱ ndso̱ko̱a̱n ṉño̱pan, kó nga ngo nga ngo kui ndií cho̱tsa̱nga̱a̱ nijan sa̱ꞌínkꞌasꞌienna jó kilo̱ ndso̱ko̱a̱n ṉño̱pan. »Kó ti̱ sa̱ꞌínkꞌasꞌienna ngo kjo̱a̱tjó xi ngo tindso̱ nga, tsi̱ꞌe̱ nga an, kui xi Nee̱ kui xotaa̱, sa̱ꞌinjetakóo̱n jeé.

Rkaa̱ 18:12

jó ndi̱yà tsꞌenkjaꞌa an kjindiá yojona nga ngo xomana̱, kó tsja an tie nga úchán to̱n xi tsꞌen an.”

Xota̱ Roma̱ 15:16

tsi̱ꞌe̱ nga mosoo̱ Jesukristoo̱ ka̱ma an, nganda tsi̱ꞌe̱ xota̱ xi jundío̱jín nga kokoyáa̱ eén Néná, kó kui xotaa̱ ngo kjo̱a̱tjó xi nda ka̱ma ngindyi̱ko̱n Néná, kjo̱a̱tjó xi tjítsꞌéntsjie A̱si̱énni̱xtjii̱n Néná.

Xota̱ Éfeso̱ 1:3

Nganiꞌántsjaá Néná, kui xi Na̱ꞌmii̱ Ndi̱a̱ná Jesukristoo̱. Kui xi katsꞌén nga ngi̱jii̱n Kristoo̱ kasakoná ngayeje to̱ko̱ya kjo̱a̱niꞌánchikonñé, xi ndibání ndiꞌakꞌajmi jàn xi tsjáná a̱si̱énni̱xtjii̱n.