Jenesii̱s 14:14 - Xo̱jo̱n eén Néná

¹⁴ ndií ntsꞌi̱e̱ tsangínjo̱ ꞌniú, kó Abra̱n ítikó ngayeje mosoo̱ xi maa̱ kján, ján úchán ko̱jo tjiꞌún ján kamá, kó kui jaá ko̱jo Abra̱n tsangatji̱ngii̱ nga nijón já ree̱ ngaskande nangi Ndaa̱n.

Jenesii̱s 14:14 Iomraidhean Croise

Jenesii̱s 12:16

Kó kui ree̱ nda katsꞌénjo̱ Abra̱n, ta̱ngatꞌanii̱ na̱ Saraii̱, ngatꞌa̱ katsjaá cho̱tsa̱nga̱, cho̱yojo, bórró xíꞌín ko̱jo bórró ínchjín, ko̱jo moso̱, ko̱jo chji̱ni̱e̱ꞌbo, ko̱jo cho̱toꞌoyitsꞌe̱n.

Jenesii̱s 13:8

kósꞌe̱ Abra̱n, bi̱ katsoó Loo̱t: «Mejénjínna nga kjo̱a̱xti kꞌuiéná nga jó ñá ko̱jo nga kjo̱a̱xti kꞌuieé já xí koón cho̱tsa̱nga̱ná ngatꞌa̱ xingi̱ ñá má.

Jenesii̱s 14:12

Kó nga ki̱a̱ Sondoma̱ kisꞌijña Loo̱t, ndií ntsꞌi̱e̱ Abra̱n, kachjábé kuí ko̱jo ngayeje ni xi kisꞌiee̱, kó tsangínjo̱ nga.

Jenesii̱s 14:16

Kó bo̱a̱ tsꞌén Abra̱n íjñandé nginí Loo̱t, ndií ntsꞌi̱e̱, kó kasako nginií ni xi kachjeꞌéxiín, ko̱jo ínchjiín ko̱jo xota̱ xi ngasee̱.

Jenesii̱s 17:12

Kꞌi̱e̱ ku̱i̱ꞌítsꞌi̱yanii̱ ngotꞌe̱ ꞌne̱, nga ngayeje ndí xí stse̱n ngi̱jii̱n xota̱jnú, nga xi ma jin ni̱xtjin nga stse̱n, si̱ꞌaa̱n sirkunsisioo̱n. Kui kjo̱a̱ꞌbíndaa̱ chjiéngá sa̱ꞌínkjatjosón ndí xí stse̱n ndiꞌajnú, ko̱jo tsi ndií moso̱jnú, ko̱jo tsi ndií xota̱ xi xín nangi chji̱a̱ni, ndatsi xota̱ tji̱e̱ tse̱jín má. Chi̱bo̱a̱a̱ kui kjo̱a̱ꞌbínda xi tjítsꞌenjo̱jnúꞌun chjiéngá ngi̱jin yojojnú xꞌi̱a̱jnú, kui kjo̱a̱ꞌbíndaa̱ ngatsjéni̱xtjin nga kꞌuijñá.

Jenesii̱s 17:23

Kó ti̱ kuii̱ ni̱xtjin Abraa̱n iskjíbé Ismaee̱l kui xi ndií, kó katsꞌeén sirkunsisioo̱n ko̱jo ngayeje já xí katsen ndiꞌaa̱ ko̱jo moso̱ xi tsꞌatsie. Kó Abraa̱n ti̱ katsꞌeén yojoo̱ sirkunsisioo̱n nga, kó bo̱a̱ tsꞌén katsꞌénkjatjosón kui ni xi Néná tsíꞌaá nga sa̱ꞌín. Ichítié ko̱jo yichán nijan noó Abraa̱n, kó Ismaee̱l tie ján noó nga kiniꞌaán sirkunsisioo̱n.

Jenesii̱s 18:19

Kuí xá jaꞌajin an kui nga ko̱tíxomaa̱ ndií ko̱jo xota̱ xi síndo ndiꞌaa̱ nga ku̱i̱ntꞌiéꞌénna ko̱jo nga ni xi nda ko̱jo ni xi kixi̱ sa̱ꞌín. Tsi bo̱a̱ sa̱ꞌín Abraa̱n, sa̱ꞌinkjatjosón an ngayeje ni xi je kixiyatjóo̱n nga sa̱ꞌin an».

Jenesii̱s 23:6

—Ndaꞌyéchiíjne̱ xingá, ngayeje ji̱n yandikónjne̱ ji. Tjanijín ji chjóo̱n nga̱tsjo̱ó xí ꞌniú tsjákjiꞌi ngase xi tikónjne̱, ngojín xi ku̱i̱ꞌíxꞌi̱a̱a̱n nga kjónijín ji chjóo̱n.

Xo̱jo̱n Salmoo̱ 68:12

«¡Já ree̱ ko̱jo jájuún xi tsá xi boaꞌa ndyi̱monga!» Kó ínchjín xí kisꞌińdo ki̱a̱ ndiꞌaa̱, akjángá kjo̱a̱cho̱n xi jaꞌáxiín kondraa̱:

Énkjínkón 17:17

Ngatsjéni̱xtjin ti̱ꞌintjé ji amingoo̱, ngatꞌa̱ kuí boá xi xikoó tsi ngo ntsꞌie ka̱maa̱, kjiꞌanga kji̱ndi̱bá ni̱xtjin nga nda̱ ka̱maa̱.

Eklesiastee̱ 2:7

Tsꞌatsie an moso̱ xi chjo̱on ko̱jo xi xi̱ꞌin, kó ti̱ kisꞌiena moso̱ xi kꞌi̱e̱ katsen ndiꞌana, ko̱jo achichí kamá cho̱yojona, ko̱jo cho̱tsa̱nga̱na, kjín ngase kamá ta̱bo̱a̱jiín xi kisꞌiee̱ ngayeje re xi kisꞌie ki̱a̱ na̱xi̱ńdáꞌniú Jerusale̱n ngindiee̱ nga stse̱n án.

Ndeuteronomio̱ 34:1

Ndeskande nangi kixií nangi Moaa̱b kjindibáni Moisee̱ nga kijínijíngí na̱xi̱ Pisgaa̱, sꞌe̱ jachó nínga ꞌniú nkꞌaá na̱xi̱ Neboo̱, kui xi tikón kje̱n na̱xi̱ńdáꞌniú Jerikoo̱. Kó ki̱a̱ boá nínga Néná akoó ngayeje tꞌanangi xi chji̱a̱ni Ngalaa̱nd ko̱jo xi chji̱a̱ni Ndaa̱n.

1 Xo̱jo̱o̱n Juaa̱ 2:18

Jún ndí ndí tsa̱ꞌa̱n, kuí bí xi̱ꞌbi̱ ni̱xtjin xi je kjifetꞌaa̱, kó jún jè kandaꞌyájnú nga ndibá kondraa̱ Kristoo̱, kó ngotꞌe̱ ꞌne̱, achichí jè kjín má kondraa̱ Kristoo̱ xi je jatjokjaà, kuíni nga jè ya ñá nga kuí ni̱xtjii̱n xi je kjifetꞌaa̱.