Jenesii̱s 13:9 - Xo̱jo̱n eén Néná

⁹ Tjín ngindie ngayeje tꞌanangii̱ nínga ka̱ma si̱ꞌankjién, kuíni nga ꞌniú míꞌaá nga ta̱sá xín tꞌen ji. Tsi xtji̱e̱e̱n ndsa̱ xí skoón kꞌuin jí, xtji̱e̱e̱n ndsa̱ xí kixi̱i̱ kjuín án, kó tsi xtji̱e̱e̱n ndsa̱ xí kixi̱i̱ kꞌuin jí, xtji̱e̱e̱n ndsa̱ xí skoón kjuín án. ¡Ta̱nga chjiéngá kja̱xín kja̱xín kongín!»

Jenesii̱s 13:9 Iomraidhean Croise

Jenesii̱s 13:10

Kó Loo̱t askotsijen nga ngo foaꞌatjiyajoo̱n, kó kamábe tꞌanangi són xi tikóntꞌa ndejèꞌ Jorndaa̱n nga tjín síkijí ndáfoa ki̱a̱a̱, ngatꞌa̱ ngindiee̱ nga sa̱ꞌínkjié Néná na̱xi̱ńdáꞌniú Sondoma̱ ko̱jo Ngomorra̱, ngayeje kui ngi̱ndie són xi ꞌmí Soaa̱r achichí tsjachon kamá, xikó maá Endee̱n, kui ngi̱ndie nínga tjitjíe̱ yá tjié xi tjón katsꞌénda Néná, kó achichí ni kamáxchá ki̱a̱a̱, xikó maá tꞌanangi nínga kisꞌijña na̱xi̱ńdá Ejipto̱.

Jenesii̱s 13:8

kósꞌe̱ Abra̱n, bi̱ katsoó Loo̱t: «Mejénjínna nga kjo̱a̱xti kꞌuiéná nga jó ñá ko̱jo nga kjo̱a̱xti kꞌuieé já xí koón cho̱tsa̱nga̱ná ngatꞌa̱ xingi̱ ñá má.

Jenesii̱s 20:15

Kó bi̱ katsó Abimelee̱k: —Jéꞌe̱n kꞌi̱e̱ tikón na̱xi̱ńdána kꞌi̱e̱e̱, ka̱machje̱ꞌéjin ji ta̱ nínga mejeénri kó ki̱a̱ ka̱ma ku̱i̱ndyin ji.

Jenesii̱s 34:10

Kó ti̱ ka̱ma kꞌi̱e̱ ku̱i̱ndyionjnú ngi̱jii̱n xota̱jne̱. Kꞌi̱e̱ tikón kui na̱xi̱ńdaá: ¡ka̱ma kꞌi̱e̱ ku̱i̱ndyionjnú, tangínjnú ta̱ nínga mejénjnú, kó ka̱ma si̱ꞌantsiéjnú tꞌanangi kꞌi̱e̱e̱ nga!

Xo̱jo̱n Salmoo̱ 120:7

Achichí xió fotsoꞌbá an, ¡ta̱nga ta̱soboá kjo̱a̱a̱ kjo̱a̱xchán boá ni xi chji̱a̱, tji̱e̱nga an ta̱soboá kjo̱a̱a̱ kjo̱a̱xió boá ni xi chjiá an!

Xota̱ Roma̱ 12:18

Tsi jún xi ka̱majnú, xió ti̱ndyionjo̱jnú ngayeje xotaa̱.

1 Xota̱ Korinto̱ 6:7

Ja̱ je ndajínkjiꞌi nga ti̱ juún tjínjnú kjo̱a̱xti, ta̱nga, ánní nga ta̱sájín niꞌánchíkjo̱a̱jnú nga tjín xi ndajínkjiꞌi ni xi sa̱ꞌínjo̱jnú. Ánní nga ta̱sájín boeꞌéndièjnú nga tjín xi sa̱ꞌínchejéjnú.

Xota̱ Ebreo̱ 12:14

Ti̱ndyi̱séjnú nga kꞌuiéjnú kjo̱a̱xió ngayejejnú, kó tsjietsꞌén ti̱ndyiónjnú ngindyi̱ko̱n Néná. Ngatꞌa̱ xi tsjiejín síndo ngindyi̱ko̱n Néná, sku̱i̱e̱jín Ndi̱a̱ná.