Jenesii̱s 13:8 - Xo̱jo̱n eén Néná

⁸ kósꞌe̱ Abra̱n, bi̱ katsoó Loo̱t: «Mejénjínna nga kjo̱a̱xti kꞌuiéná nga jó ñá ko̱jo nga kjo̱a̱xti kꞌuieé já xí koón cho̱tsa̱nga̱ná ngatꞌa̱ xingi̱ ñá má.

Jenesii̱s 13:8 Iomraidhean Croise

Jenesii̱s 13:9

Tjín ngindie ngayeje tꞌanangii̱ nínga ka̱ma si̱ꞌankjién, kuíni nga ꞌniú míꞌaá nga ta̱sá xín tꞌen ji. Tsi xtji̱e̱e̱n ndsa̱ xí skoón kꞌuin jí, xtji̱e̱e̱n ndsa̱ xí kixi̱i̱ kjuín án, kó tsi xtji̱e̱e̱n ndsa̱ xí kixi̱i̱ kꞌuin jí, xtji̱e̱e̱n ndsa̱ xí skoón kjuín án. ¡Ta̱nga chjiéngá kja̱xín kja̱xín kongín!»

Jenesii̱s 14:14

ndií ntsꞌi̱e̱ tsangínjo̱ ꞌniú, kó Abra̱n ítikó ngayeje mosoo̱ xi maa̱ kján, ján úchán ko̱jo tjiꞌún ján kamá, kó kui jaá ko̱jo Abra̱n tsangatji̱ngii̱ nga nijón já ree̱ ngaskande nangi Ndaa̱n.

Jenesii̱s 45:24

Sꞌe̱ jaskan Kosiee̱ katsꞌénkixotꞌa já ntsꞌi̱e̱, kó ngindiee̱ nga ko̱e̱je̱, bo̱a̱ katsoó nga skjánjo̱jín xkjín ngi̱ya ndi̱ya̱à.

Jenesii̱s 46:34

bo̱a̱ tꞌínjnúu̱ nga ndeskande koó ngasꞌe̱ nga cho̱ niꞌánxchájnú xikó katsꞌén xota̱ xi xchájnú, tsi̱ꞌe̱ nga ki̱a̱ ku̱i̱ndyionjnú nangi Ngosee̱n. Kjo̱a̱a̱ nga xota̱ Ejiptoo̱ tsjajiín nga tiña ꞌbíndo nínga síndo xota̱ xi koo̱n cho̱tsa̱nga̱a̱.

Xo̱jo̱n Salmoo̱ 133:1

¡Jmíjín ngo ni xi ꞌniú tsjákjiꞌi ngase, xikoó nga yà nga tsjatsꞌèn matikó ngayeje ntsꞌié ko̱jo ndichjá!

Éksondo̱ 2:13

Nga kamángindyiojón ti̱ jatjo nginí Moisee̱, kó kamábe nga jó já Israee̱l ndyi̱kjàn, kó bi̱ katsoó kui nda̱ xi tsꞌénbeꞌeé nda̱ xi ingoo̱: —Ánní nga tiꞌbékòo̱n nda̱ xi ngo nangi manijnú xingi̱jnú.

Énkjínkón 15:1

Én xí ndaa̱, tsꞌénkjáꞌajenda kjo̱a̱tamaá, ta̱nga én xí ndajiín, tsꞌéntamá ngasená.

Énkjínkón 15:18

Xota̱ xi achichí xtindaa̱, kjo̱a̱xti ꞌboxié, ta̱nga xota̱ xi tsiekoo̱n, kuí boá xi tsꞌénkꞌíxió kjo̱a̱xtii̱.

Énkjínkón 20:3

Xota̱ xi chꞌoo̱ kjo̱a̱xtii̱, achichí yandikón, ta̱nga xota̱ xi kitikjo̱a̱a̱, kuí boá tsjaa kjo̱a̱xtii̱.

Matioo̱ 5:9

Achichíra̱tsjaa̱ xota̱ xi ndyi̱mongase kjo̱a̱xioó nga̱sondiee̱, ngatꞌa̱ kuí xí ndií Néná kꞌuiín.

Ni xi kamá 7:26

Kó nga kamángindyiojón Moisee̱ kamábe nga jó já ndyi̱kjàn, kó tji̱e̱nmá katsꞌénkꞌíxió nga bi̱ katsoó: “Jún bo̱a̱ já, xi ta̱ ngo ntsꞌiejnú, míkjo̱a̱a̱ nga ti̱ juún ndyi̱niꞌánꞌónjnúu̱ xingi̱jnú.”

Xota̱ Roma̱ 12:10

Ja̱kꞌi̱e̱ ja̱ngaján ti̱ꞌantjójnú xingi̱jnú xikoó tsi ngo ntsꞌiejnú, ngatꞌa̱ ntsꞌié májnú, kó cha̱ndikón ngasejnú xingi̱jnú.

Xota̱ Filipo̱ 2:14

Ti̱ꞌánjnú ngayeje nii̱, kó nga ndokjo̱a̱taꞌínjínjnú xingi̱jnú, ti̱nde ngata̱ ndokjo̱a̱tijínjnú.

1 Xota̱ Tesalónika̱ 4:9

Kó kjo̱a̱a̱ nga kꞌuiéjnú kjo̱a̱tjó xi ꞌbéná xikoó tsi ngo ntsꞌié, nde chjiénjín nga xo̱jo̱n kuitꞌajnúꞌun kui nii̱, ngatꞌa̱ ti̱kuíní Néná xi je akóyájnú nga chjiéngá ja̱kꞌi̱e̱ ja̱ngaján si̱ꞌantjójnú xingi̱jnú.

Xota̱ Ebreo̱ 12:14

Ti̱ndyi̱séjnú nga kꞌuiéjnú kjo̱a̱xió ngayejejnú, kó tsjietsꞌén ti̱ndyiónjnú ngindyi̱ko̱n Néná. Ngatꞌa̱ xi tsjiejín síndo ngindyi̱ko̱n Néná, sku̱i̱e̱jín Ndi̱a̱ná.

Xota̱ Ebreo̱ 13:1

Ngatsjéni̱xtjin tjó ti̱ꞌánjnú xingi̱jnú, xikoó tsi ngo ntsꞌiejnú.

1 Xo̱jo̱o̱n Peé 1:22

Ngotꞌe̱ ꞌne̱ nga je kiniꞌántsjiejnú yojojnú ta̱ngatꞌanii̱ nga kandaꞌyáꞌénjnúu̱ én xí ja̱koxi̱i̱, kó nga je tjó ja̱koxi̱jnú xingi̱jnú, xikoó tsi ngo ntsꞌiejnú. Ngayeje ini̱ma̱jnú ꞌniú ti̱ꞌantjójnú ja̱kꞌi̱e̱ ja̱ngaján xingi̱jnú.

1 Xo̱jo̱o̱n Peé 2:17

Cha̱ndikónjnú ngayeje xota̱. Ti̱ꞌantjójnú ngayeje ntsꞌié, ko̱jo ndichjá. Ngatamandikónjnú Néná. Cha̱ndikónjnú nda̱ Ree̱.

1 Xo̱jo̱o̱n Peé 3:8

Kó nga fetꞌa, ngayejejnú tsjatsꞌèn tindyionjinjnúu̱ xingi̱jnú, tasíko̱jojnú xingi̱jnú, tjó ti̱ꞌánjnú xingi̱jnú xikoó tsi ngo ntsꞌiejnú, ndaxota̱ ko̱jo ni̱ma̱kjo̱a̱ ngatamajnú.

1 Xo̱jo̱o̱n Peé 4:8

Tsie kjo̱a̱tjó ngatꞌiéjnú ngi̱jinjnú, ngatꞌa̱ kjo̱a̱tjoó achichí jé sa̱ꞌínkjié.

2 Xo̱jo̱o̱n Peé 1:7

Kó kui kjo̱a̱yandikoón Néná, tjasónjnúu̱ nga tjó si̱ꞌánjnú xingi̱jnú xikoó tsi ntsꞌiejnú, kó kui kjo̱a̱a̱ nga niꞌántjó xingi̱jnú xikoó tsi ntsꞌié, tjasónjnúu̱ ngase kjo̱a̱tjó.

1 Xo̱jo̱o̱n Juaa̱ 4:7

Jún ndí ntsꞌie xi tjóna, ja̱kꞌi̱e̱ ja̱ngaján si̱ꞌantjó xingi̱, ngatꞌa̱ kjo̱a̱tjoó tsi̱ꞌe̱ Néná boá. Ngayeje xota̱ xi tjiín kjo̱a̱tjoó, kuí boá xi Néná je katsjaá nga ndií kui ka̱ma, kó kuí boá xi be Néná.