Jenesii̱s 13:18 - Xo̱jo̱n eén Néná

¹⁸ Kósꞌe̱ Abra̱n jaꞌáxín ndiꞌa xi tji̱xi̱ín cho̱ kiniꞌándanii̱, sꞌe̱ kijíkꞌíjñá nangi Ebroo̱n, tꞌa nínga tjín yámamree̱, kó ki̱a̱ katsꞌénda ngo ṉchandikón nínga katsꞌéntsjaà Néná.

Jenesii̱s 13:18 Iomraidhean Croise

Jenesii̱s 13:4

Kó ki̱a̱ Abra̱n katsꞌéndaa̱ Néná ngo ṉchandikón, nínga katsꞌéntsjaà Néná.

Jenesii̱s 14:13

Kui ni̱xtjin jàn, kisꞌijña ngo nda̱ xi kiꞌmí Abra̱n nda̱ ebreoo̱ xi kisꞌijñatꞌa kꞌijñaá ngo nda̱ xi ꞌmí Mamre̱, kui nda̱a̱ xota̱ Amoo̱r chji̱a̱ni kó jó kamá ntsꞌi̱e̱, ngo xi kiꞌmí Eskoo̱l, sꞌe̱ ngo xi kiꞌmí Anee̱r, kó nga jaán nga amingo̱ kamaá Abra̱n. Ta̱niján má ngo kui jaá xi tsangaa̱ kjo̱a̱xcha̱án, xi jachókoón Abra̱n kó katsóyaà nga

Jenesii̱s 18:1

Bi̱ kamá kjiꞌanga Néná jatjokjaà Abraa̱n ki̱a̱ nínga tjín yáꞌensino̱ xi tikóntꞌa kꞌijñá xi ꞌmí Mamree̱. Kui ni̱xtjin jàn achichí sibé kamá ndoboaá, kó Abraa̱n xió kisꞌijña ngi̱xtio nga̱ntjo̱a̱a̱ ndiꞌa xi tji̱xi̱ín cho̱ kamándanii̱.

Jenesii̱s 22:9

Kó nga jachó ngi̱ndie xi katsoó Néná, Abraa̱n ki̱a̱ katsꞌénda ngo ṉchandikón, kó ki̱a̱ índonda chikiín tsi̱ꞌe̱ nga ku̱i̱ꞌítí, kó ítaꞌniú tsja Isaa̱, sꞌe̱ yíjñasón nga̱soón chikín xí síndo nga̱soón ṉchandikoón.

Jenesii̱s 23:2

kó ki̱a̱ kꞌien na̱xi̱ńdá Kiriaa̱t-Arba̱, kui xi Ebroo̱n ꞌmí ngotꞌe̱ xi tikón nangi Kanaa̱n. Jaskan ngije Abraa̱n askjandátjé na̱ Saraa̱ nga kisꞌijñaxa̱ꞌya̱,

Jenesii̱s 26:25

Kósꞌe̱ Isaa̱ ki̱a̱ katsꞌénda ngo ṉchandikón nínga katsꞌéntsjaà Néná, kó ki̱a̱ katsꞌénda ndiꞌa xi tji̱xi̱ín cho̱ kamáni, sꞌe̱ já mosoo̱ katsꞌénda ingo ndáńchꞌi̱.

Jenesii̱s 35:27

Jaskan Jakoo̱b kijí nginí ndiꞌaa̱ Isa̱ na̱ꞌmii̱, kui xi kisꞌijña ki̱a̱ nínga ꞌmí Ebroo̱n, nínga kisꞌijña Abraa̱n nga.

Jenesii̱s 8:20

Jaskan Noee̱ katsꞌénda ngo ṉchandikón nínga katsꞌéndikón Néná, kó iskjíbé jó cho̱ ko̱jo cho̱ xi tjiín tsja̱nga̱ xi tsꞌénjóꞌo Néná nga niꞌánkꞌasꞌiee̱n kjo̱a̱tjó, kó ítí kui cho̱o̱ nganda tsi̱ꞌe̱ Néná.

Xo̱jo̱n Salmoo̱ 16:8

Ngatsjéni̱xtjin nga Néná boá xi tjínjinkon an, ngatꞌa̱ ki̱a̱ tikóntꞌana tjia kixi̱na, kuíni nga jmíjín ni xi kꞌo̱jmina.

Xki̱ 13:22

Tsꞌasꞌien xtji̱e̱e̱n nangi kixií ngaskande nga jachó Ebroo̱n. Kui na̱xi̱ńdáꞌniuú kjiꞌá kamánda, yito nó ngindiee̱ nga ka̱manda nangi Soaa̱n xi tikón nangi Ejipto̱. Kui já xí kijíkatsijee̱n kamábe nga ki̱a̱ nangi Ebroo̱n síndo xota̱ Aimaa̱n, xota̱ Sesaii̱ ko̱jo xota̱ Talmaii̱, kui xi xota̱ tji̱e̱ kamánii̱ Anaa̱k, kui nda̱ xi ꞌniú nkꞌa ko̱jo xi ꞌniú je kamaá.

1 Timoo̱ 2:8

Mejénna nga já xíꞌiín, nga ta̱jñàní nga ku̱i̱chji̱a̱a̱ Néná nga skjinínkꞌá tsja nga tsjietsꞌén kꞌuijñá ini̱ma̱a̱, kó nga sa̱ꞌínxchánjín, ti̱nde nga ku̱i̱chji̱a̱tijín nga bo̱a̱ sa̱ꞌín.

Xota̱ Ebreo̱ 11:9

Ta̱ngatꞌanii̱ kjo̱a̱sꞌijii̱n nga kisꞌijña xikoó ngo xota̱ xi xín nangi ki̱a̱ nangi xi ja̱bo̱a̱ je katsóyaà Néná nga tsja̱á, ndiꞌańjño ndichjon kisꞌijña, ko̱jo Isaa̱, ko̱jo Jako̱b, kui já xí ti̱ bo̱a̱ ti̱ tsꞌén katseꞌeé kui ni xi katsóyàtjoón Néná nga tsja̱á.