Jenesii̱s 13:16 - Xo̱jo̱n eén Néná

¹⁶ Kó án boá xi sa̱ꞌin an nga kjín ka̱ma xota̱ tji̱e̱ tse̱, xikó maá nga jmíjín xi ka̱maa̱ ku̱i̱ꞌíxki̱ xa̱a̱ tꞌanangii̱, bo̱a̱ má tsꞌén jmíjín xi ka̱maa̱ ku̱i̱ꞌíxki̱ xikó kjiꞌi ka̱ma xota̱ tji̱e̱ tse̱.

Jenesii̱s 13:16 Iomraidhean Croise

Jenesii̱s 15:5

Kó Néná kijíjo̱ Abra̱n ndi̱tsén jàn, kó bi̱ katsoó: —Tsitsíjin ji nkꞌa jàn kó tsitsíjìi̱n ngayeje ńño xi tjiín. A ka̱maxki̱i̱. Jmí bokia. ¡Ja̱ ti̱nde ka̱maxki̱jiín xikó kjiꞌi kjín ka̱ma xota̱ tji̱e̱e̱ nga!

Jenesii̱s 17:16

An sa̱ꞌinchikonñé an tsi̱ꞌe̱ nga kꞌuieé ngo ndí xí tse̱, kó xota̱ tji̱e̱e̱ kui, kjín xota̱ na̱xi̱ńdá ka̱ma, kó ki̱a̱ kjo̱tjojinni xi re ka̱ma nga».

Jenesii̱s 17:2

Ngo ni kꞌuínda ji ko̱jo an: Án boá xi sa̱ꞌin an nga ta̱nisién kjín ka̱ma xota̱ tji̱e̱ tse̱».

Jenesii̱s 17:20

Kó ti̱ jè tsintꞌie an ni xi kichjiéꞌéní kjo̱a̱a̱ Ismaee̱l nga, kó tsꞌénxiyaa nga sa̱ꞌinchikonñé án kuí nga tsjàa̱ kjín xota̱ tji̱e̱, kó ki̱a̱ kjo̱tjojinni tiejó re, kó nga xota̱ tji̱e̱e̱ xi ka̱ma ngo na̱xi̱ńdá xí ꞌniú je.

Jenesii̱s 18:18

ngatꞌa̱ xota̱ tji̱e̱ tsi̱ꞌe̱ boá xi ka̱ma ngo na̱xi̱ńdá xí ꞌniú je, ko̱jo nga ta̱ngatꞌanii̱ kui nga sa̱ꞌinchikonñé an ngayeje na̱xi̱ńdá xí tjín nga̱sondiee̱.

Jenesii̱s 21:13

Ta̱nga ndií na̱ mosoo̱ ti̱ ki̱a̱ kꞌoxiéni an kjín xota̱ na̱xi̱ńdá, ngatꞌa̱ ti̱ ndíi̱ boá kui nga».

Jenesii̱s 28:14

¡Xota̱ tji̱e̱e̱ kjín ka̱ma xikó maá xa̱a̱ tꞌanangii̱! Kó kꞌi̱e̱ kꞌuíndo ngayeje kui na̱xi̱ńdaá, kó ngatꞌaa̱ ji ko̱jo xota̱ tji̱e̱ tse̱ boá nga ngayeje xota̱ na̱xi̱ńdá xí tjín nga̱sondiee̱ ka̱machikonñé.

Jenesii̱s 28:3

Mejénna an nga kui Néná xí tjiín ngaꞌniuú ngatsꞌénchíkonñeé, kó ngatsjaá nga kꞌuieé kjín ndí. Kó ti̱ mejénna nga ngo na̱xi̱ńdá xí ꞌniú je ngatama xota̱ tji̱e̱ tse̱.

Jenesii̱s 32:13

Kó Jakoo̱b ki̱a̱ jaꞌaa̱ ni̱xtji̱e̱n kui ngi̱ndiee̱, kó jaꞌájin cho̱ xi tjiín xi ta̱ tsja̱arií Esau̱ ntsꞌi̱e̱,

Jenesii̱s 35:11

Kó ti̱ ki̱a̱ Néná bi̱ katsó ngasee̱: «Án boá kui Ne xi tjiín ngayeje ngaꞌniuú, kó mejénna nga kjín xota̱ tji̱e̱ kꞌuieé ji, ki̱a̱ kjo̱tjojinni kjín na̱xi̱ńdá, kó ti̱ ki̱a̱ kjo̱tjojinni kjín já re.

Jenesii̱s 46:3

Kósꞌe̱ Néná bi̱ katsoó: «Án boá xi Nee̱ na̱ꞌmíi̱, ngata̱ ndakinjín má ji nga kꞌuin jí nangi Ejipto̱, ngatꞌa̱ án xí kjuínjòo̱. Án boá xi sa̱ꞌin an nga xota̱ tji̱e̱ tse̱ ngo na̱xi̱ńdá xí ꞌniú je ka̱ma. Kó ti̱ án boá xi sa̱ꞌin an nga kꞌi̱e̱ kjoéꞌe̱ nginí ji nangi Kanaa̱n, kó nga ko̱yè jí, ki̱a̱ kꞌuijñátꞌaa̱ Kosiee̱».

Joo̱b 5:25

Achichí kjín ndí ko̱jo kjín ndínde kꞌuieé, ¡xtókjà xikó maá kꞌijñá xí tjín ngi̱jin kꞌijñaá!

Éksondo̱ 1:7

Ta̱nga nga achichí kamá ndí xí kisꞌiee̱ xota̱ Israee̱l, tsá kamákjín xota̱ tji̱e̱e̱, kó ngo na̱xi̱ńdá xi je ko̱jo xi ꞌniú kamá. ¡Kuíni nga ngayeje nangi Ejipto̱ nga kisꞌieni xota̱ Israee̱l!

Éksondo̱ 32:13

Ngatjaꞌátsjiee̱n ni xi ja̱koxi̱ nga sa̱ꞌinkjatjosón an kasée̱ Abraa̱n, ko̱jo Isaa̱, ko̱jo Jakoo̱b. Jí boá xi bo̱a̱ kasée̱ nga ji xi si̱ꞌin ji nga xota̱ tji̱e̱e̱ ngo na̱xi̱ńdá xí je si̱ꞌin ji, kó nga kjín ka̱ma xikó maá ńño xi tjín nkꞌa jàn, kó nga ngatsjéni̱xtjin ko̱e̱ꞌée̱ tꞌanangi xi chji̱a̱ni nangi Kanaa̱n.

Xki̱ 23:10

»¡Xota̱ nda boá xota̱ Israee̱l! Jmíjín xi ka̱maa̱ ku̱i̱ꞌíxki̱. ¡Xota̱ xi tjiín kjo̱a̱xió boá xota̱ Israee̱l! ¡Achichíra̱ ndatsi bo̱a̱ kon ka̱ma an xikoó kui xotaa̱!»

Xota̱ Ebreo̱ 11:12

Kó bo̱a̱ tsꞌén nga Abraa̱n, ndatsi je ngiti̱ jmí ngaꞌniújiín, kisꞌiee̱ kjín xota̱ tji̱e̱, xikó maá ńño xi tjín ndiꞌakꞌajmi jàn, ko̱jo xikó maá tsomí xí tjín tꞌa ndáchíkoón, kui xi nde májín ꞌbíxki̱i̱.

Ni xi akakoo̱ 7:9

Ngije kamá kui nii̱, askotsijen an kó kamábe an achichí ꞌniú kjín xota̱ xi ngaskande nde ta̱ꞌyajín xi kamaá íxki̱, xota̱ xi chji̱a̱ni ngayeje na̱xi̱ńdá, ko̱jo ngayeje xtín xota̱, ko̱jo ngayeje to̱ko̱ya én, ko̱jo ngayeje nangi, ndyi̱a̱kixi̱ kui xotaa̱ kje̱n nínga tikón xi botixómaá, ko̱jo kje̱n cho̱tsa̱nga̱a̱, nga ndyi̱yajá ńjño tiboa, kó xka̱jèn ndyi̱yaꞌa ngi̱ya tsja.