Jenesii̱s 13:15 - Xo̱jo̱n eén Néná

¹⁵ Ngatꞌa̱ ngayeje kui tꞌanangi nínga tsꞌén be ndyikin ji, kuí boá xi ngatsjéni̱xtjin tsjaa ji ko̱jo ngayeje xota̱ tji̱e̱ tse̱.

Jenesii̱s 13:15 Iomraidhean Croise

Jenesii̱s 12:7

Kó Néná jatjokjaà Abra̱n ki̱a̱a̱, kó bi̱ katsoó: «Xota̱ tji̱e̱ tse̱ boá xi tsjàa̱ ngayeje kui tꞌanangii̱». Kó Abra̱n ki̱a̱ katsꞌéndaa̱ ngo ṉchandikón Néná, ngatꞌa̱ ki̱a̱ jatjokjaà.

Jenesii̱s 13:17

Ti̱sítji̱n ji, kó tꞌentsitsíjin ji nga tiyaá ko̱jo nga ndojoó tꞌanangii̱, ngatꞌa̱ jè ji tjítsꞌenkꞌasꞌieen».

Jenesii̱s 15:18

Kui ni̱xtjin jàn Néná índajo̱ ngo ni Abra̱n, kó bi̱ katsoó: «Xota̱ tji̱e̱ tse̱ xí tsjàa̱ kui tꞌanangii̱, xi ꞌbítsi̱yani ndeskande ndejèꞌ xi tikón Ejipto̱ ngaskande ndejèꞌ je xi ꞌmí Éufratee̱,

Jenesii̱s 18:18

ngatꞌa̱ xota̱ tji̱e̱ tsi̱ꞌe̱ boá xi ka̱ma ngo na̱xi̱ńdá xí ꞌniú je, ko̱jo nga ta̱ngatꞌanii̱ kui nga sa̱ꞌinchikonñé an ngayeje na̱xi̱ńdá xí tjín nga̱sondiee̱.

Jenesii̱s 24:7

Kjiꞌanga Néná xí tsi̱ꞌe̱ ndiꞌakꞌajmii̱ tsíꞌána nga kjo̱tjo an ndiꞌaa̱ na̱ꞌmina, ko̱jo na̱xi̱ńdána, kuí boá xi índajo̱na nga xota̱ tji̱e̱na tsja̱á kui tꞌanangii̱. Kó kuí boá xi sa̱ngíyá ndítsjiee̱ tsi̱ꞌe̱ nga ko̱e̱je̱tjoón jí, kó nga sa̱ko̱ó jí ngo chjo̱on xí tsi̱ꞌe̱ ndína Isaa̱.

Jenesii̱s 28:13

Kó kamábe nga nínga tikón ndyi̱ko̱n kui yákíjo̱o̱n, ki̱a̱ tikón Néná, kó Néná bi̱ katsó: «Án boá xí Nee̱ Abraa̱n, ko̱jo xi Nee̱ Isaa̱, kó tsꞌénxiyaa nga kui tꞌanangi nínga titsjajni ji, ji ko̱jo xota̱ tji̱e̱ tse̱ boá xí tsjàa̱.

Jenesii̱s 28:14

¡Xota̱ tji̱e̱e̱ kjín ka̱ma xikó maá xa̱a̱ tꞌanangii̱! Kó kꞌi̱e̱ kꞌuíndo ngayeje kui na̱xi̱ńdaá, kó ngatꞌaa̱ ji ko̱jo xota̱ tji̱e̱ tse̱ boá nga ngayeje xota̱ na̱xi̱ńdá xí tjín nga̱sondiee̱ ka̱machikonñé.

Jenesii̱s 28:4

Néná ngatsꞌénchíkonñeé ji ko̱jo xota̱ tji̱e̱ tse̱, xikótsꞌèn katsꞌénchikonñé Abraa̱n. Kó bo̱a̱ tsꞌén nga ji xi sa̱ko̱ó nga tse̱ ka̱ma kui tꞌanangi nínga tindyin ji ngotꞌe̱ xikoó tsi ngo xota̱ xi xín nangi, ngatꞌa̱ Néná boá xi katsjaá Abraa̱n kui ngi̱ndiee̱».

Jenesii̱s 35:12

Tꞌanangi xi katsjáa̱ Abraa̱n ko̱jo Isaa̱ kuí boá xi ti̱ tsjaa ji ngotꞌe̱, kó jaskan tsjàa̱ xota̱ tji̱e̱ tse̱».

Jenesii̱s 48:4

kó bi̱ katsóna: “Án boá xi sa̱ꞌin an nga kjín ka̱ma ndíi̱ ko̱jo xota̱ tji̱e̱ tse̱, kó xota̱ tji̱e̱e̱ boá xi kjín na̱xi̱ńdá ka̱ma. Kó kuí boá xi tsjàa̱ kui tꞌanangii̱, kó kui tsi̱ꞌe̱ ka̱ma ngatsjéni̱xtjin”.

Jenesii̱s 50:24

Jaskan ngije jaꞌa ni̱xtjin, Kosiee̱ bi̱ katsoó já ntsꞌi̱e̱: «Jè ta̱ chiboa tsí ni̱xtjin chajaa̱ nga ko̱yà an. Ta̱nga nga sꞌijinjnú nga Néná boá xi kji̱ndi̱bákasikójojnú, kó kuí boá xi ko̱e̱je̱jo nginíjnú nínga tikón kui tꞌanangi xi katsóyàtjón nga tsja̱á Abraa̱n, Isaa̱ ko̱jo Jakoo̱b. Kó jún chjiéngá ngiboanéná tꞌínjnú nga kjiꞌanga kjo̱chó ni̱xtjin kongínjo̱jnú ńdana kꞌi̱e̱e̱ ngije ko̱yà an».

Xo̱jo̱n Salmoo̱ 37:22

Ngatꞌa̱ xota̱ xi Néná jè katsꞌénchikonñé kuí boá xi sa̱ko̱ó tꞌanangii̱, ta̱nga xota̱ xi Néná jè bo̱a̱ katsó nga ndajín ka̱maa̱, si̱ꞌankjie.

Xo̱jo̱n Salmoo̱ 37:29

Xota̱ xi kixi̱i̱ boá xi sa̱ko̱ó tꞌanangii̱, kó ngatsjéni̱xtjin nga ki̱a̱ kꞌuíndo.

Éksondo̱ 32:13

Ngatjaꞌátsjiee̱n ni xi ja̱koxi̱ nga sa̱ꞌinkjatjosón an kasée̱ Abraa̱n, ko̱jo Isaa̱, ko̱jo Jakoo̱b. Jí boá xi bo̱a̱ kasée̱ nga ji xi si̱ꞌin ji nga xota̱ tji̱e̱e̱ ngo na̱xi̱ńdá xí je si̱ꞌin ji, kó nga kjín ka̱ma xikó maá ńño xi tjín nkꞌa jàn, kó nga ngatsjéni̱xtjin ko̱e̱ꞌée̱ tꞌanangi xi chji̱a̱ni nangi Kanaa̱n.

Éksondo̱ 33:1

Néná bi̱ katsoó Moisee̱: «Tja̱tje ji kui ngi̱ndiee̱, kó tꞌenje̱ ji xota̱ na̱xi̱ńdá xí kaꞌnaxié ji nangi Ejipto̱, ki̱a̱ tꞌanangi xi ji tsjaa kixiáa̱n Abraa̱n, ko̱jo Isaa̱, ko̱jo Jakoo̱b. Án boá xi ja̱koxi̱ boá nga tsjàa̱ xota̱ tji̱e̱ tse̱ kixiáa̱n. ¡Achichí nda kui tꞌanangii̱, nínga tjín tsie ni xi ma chinie! An sangiya an ndítsjiena tsi̱ꞌe̱ nga ko̱e̱je̱tjoón, kó kꞌoxié an kui ngi̱ndiee̱ ngayeje xota̱ na̱xi̱ńdá xi ntꞌiéꞌénjínna. »Bo̱a̱ tꞌíi̱n xota̱ Israee̱l nga kjuínjo̱jín an, ngatꞌa̱ jè achichí kitikjo̱a̱ kamá, kó tsi sa̱ꞌínjé nginí, tsi ndajín ni̱xtjin, sa̱ꞌinkjié an ngi̱ya ndi̱ya̱à. Tji̱e̱n ngatjaꞌáxínra ngayeje ni tsjakon xi tsꞌénkjién nga bónda yojoo̱. Ngi̱chí sájín, án xí be an kóra̱ sa̱ꞌìi̱n kui nii̱». Ngije bo̱a̱ katsoó Moisee̱, xota̱ Israee̱l achichí ndasen kisꞌińdo, ngatꞌa̱ Néná ꞌniú katsꞌénxchánjo̱. Kó ti̱ kjiꞌa ingojín xi katsꞌénkjién ngase ni xi tsꞌénkjién nga bónda yojoo̱.

Xki̱ 34:2

«Bo̱a̱ tꞌíi̱n xota̱ Israee̱l nga kuí bí kui ngi̱ndiee̱ xi tsindió ka̱manii̱ ki̱a̱ nangi xi an tsjàa̱: »Tsindió xí chji̱a̱ni xtji̱e̱e̱n na̱ngi, tꞌa nangi kixií nangi Sii̱n, ko̱jo nangi nínga síndo xota̱ tji̱e̱e̱ Endoo̱n kuí bí xi̱ꞌbi̱: ki̱a̱ ꞌbítsꞌi̱yani xtji̱e̱e̱n nínga fotjo tsꞌueé, nínga fe ndáchíkón kꞌiee̱n, kó ki̱a̱ fí ngase kui ngi̱ndiee̱ xtji̱e̱e̱n na̱ngi ngaskande Kandee̱-Barnea̱, bitja tji̱ngi̱ xi chji̱a̱ni Akrabii̱n ko̱jo xtji̱e̱e̱n Sii̱n. Ki̱a̱ Kandee̱-Barnea̱ fíngaseni xtji̱e̱e̱n Asaa̱r-Andaa̱r, ngaskande nga fóchó Asmoo̱n. Kósꞌe̱ ki̱a̱a̱ foaꞌatjiyani xtji̱e̱e̱n xo̱ngàndántꞌieé nangi Ejipto̱, kósꞌe̱ ki̱a̱ kju̱i̱e̱tꞌani nínga tikón ndáchíkón Menditerráneoo̱. »Tsindió xí chji̱a̱ni xtji̱e̱e̱n nínga ꞌbosꞌien tsꞌueé: kuí boá xi fí nga̱ndee̱ ndáchíkón Menditerráneoo̱. »Tsindió xí chji̱a̱ni xtji̱e̱e̱n ta̱ꞌin, kuí bí xi̱ꞌbi̱: ki̱a̱ ꞌbítsi̱yani ngo ndi̱yà xí kixi̱ nínga tikón ndáchíkón Menditerráneoo̱, ngaskande nínga tikón na̱xi̱ Oo̱r. Kó ki̱a̱ na̱xi̱ Oo̱r fí ndojó ngaskande nínga bitjasꞌi̱e̱nnii̱ nangi Amaa̱t, kósꞌe̱ ki̱a̱, ngaskande Sendaa̱nd. Sꞌe̱ kui tsindioó fí ndojó ngaskande nangi Sifroo̱n, kósꞌe̱ ki̱a̱ fetꞌani Asaa̱r-Enaa̱n. »Tsindió xí chji̱a̱ni xtji̱e̱e̱n nínga fotjo tsꞌueé, kuí bí xi̱ꞌbi̱: ki̱a̱ ꞌbítsꞌi̱yani ndeskande Asaa̱r-Enaa̱n, ngaskande Sefaa̱n. Kósꞌe̱ ki̱a̱a̱, ngaskande Riblaa̱ fochó, kui ngi̱ndie xi tikón xtji̱e̱e̱n nínga fotjo tsꞌueé Aii̱n. Sꞌe̱ jaskan kui tsindioó ko̱e̱je̱jaya tꞌa ngi̱ndiò Kineree̱t xtji̱e̱e̱n nínga fotjo tsꞌueé kui ngi̱ndiee̱, kó fí ngase xtji̱e̱e̱n nínga tikón ndejèꞌ Jorndaa̱n, ngaskande nga fochó nínga tikón Ndáchíkón Kꞌieèn».

Matioo̱ 5:5

Achichíra̱tsjaa̱ xota̱ xi ntꞌiéꞌén, ngatꞌa̱ kuí xí sa̱ko̱ó tꞌanangi xi katsó Néná nga tsja̱aná.

Ni xi kamá 7:5

Kó Néná nde chií nangi katsjájiín, ngaskande nínga ko̱sién ngo se katsjájiín, ta̱nga katsóyàtjoón nga tsja̱á nga tsi̱ꞌe̱ ka̱ma kui nangii̱, ko̱jo nga jaskan tsi̱ꞌe̱ xota̱ tji̱e̱e̱ ka̱ma, ndatsi kui ni̱xtjin jàn Abraa̱n kji̱e̱ jmí ndíjiín.

Ndeuteronomio̱ 34:4

Kui ngi̱ndiee̱ Néná bi̱ katsoó Moisee̱: «Kuí bí kui na̱xi̱ńdaá xi tsjàa̱ xota̱ Israee̱l. Bo̱a̱ kixiáa̱n nga katsóyàtjóo̱n Abraa̱n, ko̱jo Isaa̱, ko̱jo Jakoo̱b, xota̱ xi xcháa̱. Kamámejénna nga xchi̱e̱ ji, ngatꞌa̱ ku̱i̱tjásꞌi̱njín ji ki̱a̱a̱».