Jenesii̱s 13:13 - Xo̱jo̱n eén Néná

¹³ Ta̱nga xota̱ xi chji̱a̱ni na̱xi̱ńdáꞌniú Sondoma̱ achichí nga ndajín kamá, kó achichí jé katsꞌén kondra̱a̱ Néná.

Jenesii̱s 13:13 Iomraidhean Croise

Jenesii̱s 15:16

Ta̱nga ngije kjo̱chó xi nijón úchán noó, xota̱ tji̱e̱ tse̱ ka̱ma kjo̱e̱ꞌe nginí kui ngi̱ndiee̱, ngatꞌa̱ kui ni̱xtjin jàn xota̱ Amoo̱r xi ta̱nisién ndajiín sa̱ꞌinkjataxie an kui ngi̱ndiee̱».

Jenesii̱s 18:20

Kósꞌe̱ Néná bi̱ katsoó Abraa̱n: —Achichí ni xi ndajínkjiꞌi xi je tjíꞌmí kjo̱a̱a̱ xota̱ na̱xi̱ńdáꞌniú Sondoma̱ ko̱jo Ngomorra̱, kó jeé jè ꞌniú kjima je ngase,

Jenesii̱s 19:13

ngatꞌa̱ si̱ꞌankjiejne̱ kui ngi̱ndiee̱. Achichí ni xi tjíꞌmí kondraa̱ kui xota̱ na̱xi̱ńdaá, kó kuíni nga Néná xí katsangiyajne̱ tsi̱ꞌe̱ nga si̱ꞌankjiejne̱.

Jenesii̱s 38:7

Ta̱nga Néná tsjajín kamaá ni xi katsꞌén Ee̱r, kó Néná ngiti̱ katsjandièjiín nga kisꞌijña ngase nga̱sondie.

Jenesii̱s 39:9

Ngojín ni xi íchjána, kꞌi̱e̱ kui ndiꞌaa̱ jmíjín ingo xi nkꞌa ngase xaá, ta̱nga ji chjo̱ón má ji, kó tsi an kjojñajoo̱, sa̱ꞌin jé an ngindyi̱ko̱n Néná.

Jenesii̱s 6:11

Kó Néná kamábe nga xota̱ nga̱sondiee̱ je kamákitikjo̱a̱ ko̱jo nga achichí nga ndajín kamá.

Xki̱ 32:23

»Kꞌi̱e̱ ti̱ꞌandajnú na̱xi̱ńdáꞌniú tsi̱ꞌe̱ ndíjnú ko̱jo nchꞌoá tsi̱ꞌe̱ cho̱jnú, ta̱nga ti̱ꞌankjatjosónjnú ni xi je kiꞌmíyatjónjnú nga si̱ꞌánjnú, ngatꞌa̱ tsi bo̱a̱jín si̱ꞌánjnú, ngo jé xí ta̱nisién ꞌniú xí si̱ꞌánjnú kondraa̱ Néná, kó kuí boá xi ko̱tíjéjnú.

Matioo̱ 9:10

Kó tji̱e̱nga Kjisoo̱ tikóntꞌa yámíxa̱ ki̱a̱ ndiꞌaa̱ Matioo̱, achichí má já xí foaꞌáꞌyá to̱n xi machjítjé ni, ko̱jo xota̱ jé jachó kui ngi̱ndiee̱, kó ki̱a̱ kisꞌińdotꞌa yámíxa̱, ko̱jo Kjisoo̱, ko̱jo xota̱ tsi̱ꞌe̱.

Matioo̱ 9:13

Ta̱nga tangínjnú, kó ngatamajnú ni xi mejeén tsó kui eén: «Kjo̱a̱ni̱ma̱takón xí mejénna, jmí tsi kjo̱a̱tjó xi si̱ꞌankꞌasꞌienna.» Kó án jmí xota̱ xi kixi̱ jéꞌe̱chjiajáa̱n, xota̱ jé xí jéꞌe̱chjiáa̱, tsi̱ꞌe̱ nga sa̱ꞌínkꞌoyà yojoo̱.

Juaa̱ 9:24

Sꞌe̱ kandokjo̱a̱ nginií nda̱ xi kamáti̱ka̱a̱ xi je kamándayaa̱, kó bi̱ kiꞌmií: –Te̱ꞌée̱ kjo̱a̱je Néná, ji̱n je yàjne̱ nga kui nda̱a̱ nda̱jé boá.

Juaa̱ 9:31

Kó ñá jè ya nga Néná ntꞌiéjiín xota̱ jé, ta̱nga tsi ngo xota̱ xi bendikón Néná, kó tsi tsꞌén ni xi mejeén Néná, kuí xi̱ꞌba̱ xi ntꞌieé.

Xota̱ Roma̱ 1:27

ti̱ bo̱a̱ ti̱ katsꞌén jáxíꞌiín nga, ngiti̱ ínchjínjín xi katsꞌéntsjajo̱ yojoo̱ xikó kjiꞌi ndi̱ya̱à Néná, kó ítsꞌi̱yanii̱ nga ja̱kꞌi̱e̱ ja̱ngaján katsꞌénmején xkjín, ngatꞌa̱ katsꞌén ni xi soboá mána ñá nga ya, kó ndajín tsꞌén íchjí kjo̱a̱a̱ ni xi ndajín xi katsꞌén.

Xota̱ Ebreo̱ 4:13

Kó jmíjín ngo ni xi Néná katsꞌénda xi ka̱maꞌmaa̱ yojoo̱ ngindyi̱ko̱n kui, ta̱sá ngayeje nii̱ xi síndo tsijen ko̱jo ya cha̱n cha̱n ngindyi̱ko̱n kui Néná, kui xi chjiéngá si̱ꞌankꞌasꞌiée̱n xki̱i̱.

2 Xo̱jo̱o̱n Peé 2:10

Ngase má ni xi ka̱maa̱ xota̱ xi ni xi mejeén yojoo̱ ndyi̱tsꞌèn, ko̱jo xi ni xi ndándí xi mejeén ini̱ma̱a̱ ndyi̱tsꞌèn, ko̱jo xi ndyi̱tsꞌènchꞌó xi tjiín xá ndiꞌakꞌajmi jàn. Ndasénjiín, kó ta̱ ni xi mejénrií xi ndyi̱tsꞌèn, kó tsakjónjín má nga chꞌo ndyi̱tsoó ngaꞌniú xí ꞌniú nkꞌaá.

Xo̱jo̱o̱n Jundaa̱ 1:7

Xikó katsꞌén kui ndítsjiee̱, ti̱ bo̱a̱ ti̱ katsꞌén xota̱ na̱xi̱ńdáꞌniú Sondoma̱ ko̱jo Ngomorra̱, ko̱jo kui xota̱ na̱xi̱ńdá xí síndotꞌaa̱ kui ngi̱ndiee̱, nga ta̱xkiya katsꞌéntsjajo̱ yojo ndikoón, nga kondra̱ kijínii̱ ni xi íjñá Néná, kuíni nga jaꞌatio kjo̱a̱ni̱ma̱ nga kamájénií ngi̱jii̱n ndiꞌí xi jmíni̱xtjin kꞌo̱o̱. Bo̱a̱ kamá, tsi̱ꞌe̱ nga kui nii̱ xi chi̱bo̱a̱ kamáná ñá.