Jenesii̱s 12:7 - Xo̱jo̱n eén Néná

⁷ Kó Néná jatjokjaà Abra̱n ki̱a̱a̱, kó bi̱ katsoó: «Xota̱ tji̱e̱ tse̱ boá xi tsjàa̱ ngayeje kui tꞌanangii̱». Kó Abra̱n ki̱a̱ katsꞌéndaa̱ ngo ṉchandikón Néná, ngatꞌa̱ ki̱a̱ jatjokjaà.

Jenesii̱s 12:7 Iomraidhean Croise

Jenesii̱s 12:8

Sꞌe̱ kijíra ngo na̱xi̱ xi tikón xtji̱e̱e̱n nínga fotjo tsꞌueé ki̱a̱ na̱xi̱ńdá Betee̱l, kó nga jachó ki̱a̱a̱, ki̱a̱ katsꞌénda ndiꞌaa̱, kui xi tji̱xi̱ín cho̱ kiniꞌándani. Na̱xi̱ńdá Aii̱ xtji̱e̱e̱n nínga fotjo tsꞌueé kisꞌijñanii̱ kui ngi̱ndiee̱, kó na̱xi̱ńdá Betee̱l xtji̱e̱e̱n nínga ꞌbosꞌien tsꞌueé kisꞌijñanii̱. Kó ti̱ ki̱a̱ katsꞌéndaa̱ ngo ṉchandikón Néná nga.

Jenesii̱s 13:15

Ngatꞌa̱ ngayeje kui tꞌanangi nínga tsꞌén be ndyikin ji, kuí boá xi ngatsjéni̱xtjin tsjaa ji ko̱jo ngayeje xota̱ tji̱e̱ tse̱.

Jenesii̱s 13:17

Ti̱sítji̱n ji, kó tꞌentsitsíjin ji nga tiyaá ko̱jo nga ndojoó tꞌanangii̱, ngatꞌa̱ jè ji tjítsꞌenkꞌasꞌieen».

Jenesii̱s 13:18

Kósꞌe̱ Abra̱n jaꞌáxín ndiꞌa xi tji̱xi̱ín cho̱ kiniꞌándanii̱, sꞌe̱ kijíkꞌíjñá nangi Ebroo̱n, tꞌa nínga tjín yámamree̱, kó ki̱a̱ katsꞌénda ngo ṉchandikón nínga katsꞌéntsjaà Néná.

Jenesii̱s 13:4

Kó ki̱a̱ Abra̱n katsꞌéndaa̱ Néná ngo ṉchandikón, nínga katsꞌéntsjaà Néná.

Jenesii̱s 15:18

Kui ni̱xtjin jàn Néná índajo̱ ngo ni Abra̱n, kó bi̱ katsoó: «Xota̱ tji̱e̱ tse̱ xí tsjàa̱ kui tꞌanangii̱, xi ꞌbítsi̱yani ndeskande ndejèꞌ xi tikón Ejipto̱ ngaskande ndejèꞌ je xi ꞌmí Éufratee̱,

Jenesii̱s 17:1

Kjiꞌanga kamá ichítié ko̱jo yichán nijan noó Abra̱n, Néná jatjokjaà, kó bi̱ katsoó: «Án boá kui Ne xi tsi̱ꞌe̱ ngayeje ngaꞌniuú, ndaꞌyéꞌínní ngatsjéni̱xtjin kó kixi̱ ti̱ńtje̱ ji.

Jenesii̱s 17:3

Nga tsintꞌié Abra̱n kui nii̱, asiéntikoó ngaskande nga kisitꞌaa̱ xtjien tꞌanangii̱. Kósꞌe̱ Néná bi̱ katsoó: «Kuí bí kui nii̱ xi tsꞌénꞌbindajoo̱ ji ngotꞌe̱: Jí boá xi ka̱ma ji na̱ꞌmii̱ kjín xota̱ na̱xi̱ńdá. Kó kuíni nga jè ngiti̱ Abra̱njín kꞌuin jaꞌée̱n ngotꞌe̱, jè Abraa̱n kꞌuiín, ngatꞌa̱ jí boá xi ka̱ma ji na̱ꞌmii̱ kjín xota̱ na̱xi̱ńdá, kó kjín xota̱ tji̱e̱ kꞌuieé, kó ki̱a̱ kjo̱tjojin xi re ka̱ma nga. Kui ni xi tsꞌénꞌbindajoo̱ ji ngotꞌe̱, ko̱jo xota̱ tji̱e̱ tse̱ boá xi tsꞌénꞌbindajo̱ an nga, kó jmíni̱xtjin kju̱i̱e̱ kui nii̱. Án boá xi Ne tse̱ ka̱ma an, ko̱jo Nee̱ xota̱ tji̱e̱ tse̱. Kó nangi Kanaa̱n nínga tindyin ji ngotꞌe̱ xikoó ngo xota̱ xi xín nangi, jí boá xi tjítsꞌenkꞌasꞌieen ngotꞌe̱ ko̱jo xota̱ tji̱e̱ tse̱, kó ngatsjéni̱xtjin nga tsa̱jún ka̱ma. »Ta̱nga ji ko̱jo xota̱ tji̱e̱ tse̱ chjiéngá si̱ꞌankjatjosónjnú,

Jenesii̱s 18:1

Bi̱ kamá kjiꞌanga Néná jatjokjaà Abraa̱n ki̱a̱ nínga tjín yáꞌensino̱ xi tikóntꞌa kꞌijñá xi ꞌmí Mamree̱. Kui ni̱xtjin jàn achichí sibé kamá ndoboaá, kó Abraa̱n xió kisꞌijña ngi̱xtio nga̱ntjo̱a̱a̱ ndiꞌa xi tji̱xi̱ín cho̱ kamándanii̱.

Jenesii̱s 22:9

Kó nga jachó ngi̱ndie xi katsoó Néná, Abraa̱n ki̱a̱ katsꞌénda ngo ṉchandikón, kó ki̱a̱ índonda chikiín tsi̱ꞌe̱ nga ku̱i̱ꞌítí, kó ítaꞌniú tsja Isaa̱, sꞌe̱ yíjñasón nga̱soón chikín xí síndo nga̱soón ṉchandikoón.

Jenesii̱s 24:7

Kjiꞌanga Néná xí tsi̱ꞌe̱ ndiꞌakꞌajmii̱ tsíꞌána nga kjo̱tjo an ndiꞌaa̱ na̱ꞌmina, ko̱jo na̱xi̱ńdána, kuí boá xi índajo̱na nga xota̱ tji̱e̱na tsja̱á kui tꞌanangii̱. Kó kuí boá xi sa̱ngíyá ndítsjiee̱ tsi̱ꞌe̱ nga ko̱e̱je̱tjoón jí, kó nga sa̱ko̱ó jí ngo chjo̱on xí tsi̱ꞌe̱ ndína Isaa̱.

Jenesii̱s 26:25

Kósꞌe̱ Isaa̱ ki̱a̱ katsꞌénda ngo ṉchandikón nínga katsꞌéntsjaà Néná, kó ki̱a̱ katsꞌénda ndiꞌa xi tji̱xi̱ín cho̱ kamáni, sꞌe̱ já mosoo̱ katsꞌénda ingo ndáńchꞌi̱.

Jenesii̱s 28:13

Kó kamábe nga nínga tikón ndyi̱ko̱n kui yákíjo̱o̱n, ki̱a̱ tikón Néná, kó Néná bi̱ katsó: «Án boá xí Nee̱ Abraa̱n, ko̱jo xi Nee̱ Isaa̱, kó tsꞌénxiyaa nga kui tꞌanangi nínga titsjajni ji, ji ko̱jo xota̱ tji̱e̱ tse̱ boá xí tsjàa̱.

Jenesii̱s 28:4

Néná ngatsꞌénchíkonñeé ji ko̱jo xota̱ tji̱e̱ tse̱, xikótsꞌèn katsꞌénchikonñé Abraa̱n. Kó bo̱a̱ tsꞌén nga ji xi sa̱ko̱ó nga tse̱ ka̱ma kui tꞌanangi nínga tindyin ji ngotꞌe̱ xikoó tsi ngo xota̱ xi xín nangi, ngatꞌa̱ Néná boá xi katsjaá Abraa̱n kui ngi̱ndiee̱».

Jenesii̱s 32:30

kó kuíni nga Jakoo̱b, Penuee̱l, ítꞌajaꞌén kuí ngi̱ndiee̱, ngatꞌa̱ bi̱ katsó: «¡Kamábe tíkje̱n tíkje̱n an Néná, kó ta̱kó tikòn an!»

Jenesii̱s 35:12

Tꞌanangi xi katsjáa̱ Abraa̱n ko̱jo Isaa̱ kuí boá xi ti̱ tsjaa ji ngotꞌe̱, kó jaskan tsjàa̱ xota̱ tji̱e̱ tse̱».

Jenesii̱s 35:7

Ki̱a̱ boá nínga Jakoo̱b jatjokjaà Néná kjiꞌanga tsangandikoón Esau̱ ntsꞌi̱e̱. Kuíni nga Jakoo̱b ngo ṉchandikón katsꞌénda ki̱a̱a̱, kó kui ngi̱ndiee̱ «Néná xí tsi̱ꞌe̱ Betee̱l» ítꞌajaꞌén.

Jenesii̱s 50:24

Jaskan ngije jaꞌa ni̱xtjin, Kosiee̱ bi̱ katsoó já ntsꞌi̱e̱: «Jè ta̱ chiboa tsí ni̱xtjin chajaa̱ nga ko̱yà an. Ta̱nga nga sꞌijinjnú nga Néná boá xi kji̱ndi̱bákasikójojnú, kó kuí boá xi ko̱e̱je̱jo nginíjnú nínga tikón kui tꞌanangi xi katsóyàtjón nga tsja̱á Abraa̱n, Isaa̱ ko̱jo Jakoo̱b. Kó jún chjiéngá ngiboanéná tꞌínjnú nga kjiꞌanga kjo̱chó ni̱xtjin kongínjo̱jnú ńdana kꞌi̱e̱e̱ ngije ko̱yà an».

Jenesii̱s 8:20

Jaskan Noee̱ katsꞌénda ngo ṉchandikón nínga katsꞌéndikón Néná, kó iskjíbé jó cho̱ ko̱jo cho̱ xi tjiín tsja̱nga̱ xi tsꞌénjóꞌo Néná nga niꞌánkꞌasꞌiee̱n kjo̱a̱tjó, kó ítí kui cho̱o̱ nganda tsi̱ꞌe̱ Néná.

Éksondo̱ 17:15

Kó Moisee̱ ngo ṉchandikón katsꞌénda ki̱a̱a̱, kó, «Néná boá xi bandera̱na», ítꞌajaꞌén,

Éksondo̱ 24:4

Kó Moisee̱ ki̱a̱ katsꞌénꞌindó ngayeje ni xi katsó Néná. Kó nga kamángindyiojón achichí ta̱jñó jastjíe̱n sꞌe̱ ngo ṉchandikón katsꞌénda ki̱a̱ tꞌa se na̱xi̱i̱, kó tiejó ndi̱jo̱ índoxó, kui xi bokó nga tiejó xota̱ tji̱e̱e̱ xota̱ Israee̱l.

Éksondo̱ 32:13

Ngatjaꞌátsjiee̱n ni xi ja̱koxi̱ nga sa̱ꞌinkjatjosón an kasée̱ Abraa̱n, ko̱jo Isaa̱, ko̱jo Jakoo̱b. Jí boá xi bo̱a̱ kasée̱ nga ji xi si̱ꞌin ji nga xota̱ tji̱e̱e̱ ngo na̱xi̱ńdá xí je si̱ꞌin ji, kó nga kjín ka̱ma xikó maá ńño xi tjín nkꞌa jàn, kó nga ngatsjéni̱xtjin ko̱e̱ꞌée̱ tꞌanangi xi chji̱a̱ni nangi Kanaa̱n.

Éksondo̱ 33:1

Néná bi̱ katsoó Moisee̱: «Tja̱tje ji kui ngi̱ndiee̱, kó tꞌenje̱ ji xota̱ na̱xi̱ńdá xí kaꞌnaxié ji nangi Ejipto̱, ki̱a̱ tꞌanangi xi ji tsjaa kixiáa̱n Abraa̱n, ko̱jo Isaa̱, ko̱jo Jakoo̱b. Án boá xi ja̱koxi̱ boá nga tsjàa̱ xota̱ tji̱e̱ tse̱ kixiáa̱n. ¡Achichí nda kui tꞌanangii̱, nínga tjín tsie ni xi ma chinie! An sangiya an ndítsjiena tsi̱ꞌe̱ nga ko̱e̱je̱tjoón, kó kꞌoxié an kui ngi̱ndiee̱ ngayeje xota̱ na̱xi̱ńdá xi ntꞌiéꞌénjínna. »Bo̱a̱ tꞌíi̱n xota̱ Israee̱l nga kjuínjo̱jín an, ngatꞌa̱ jè achichí kitikjo̱a̱ kamá, kó tsi sa̱ꞌínjé nginí, tsi ndajín ni̱xtjin, sa̱ꞌinkjié an ngi̱ya ndi̱ya̱à. Tji̱e̱n ngatjaꞌáxínra ngayeje ni tsjakon xi tsꞌénkjién nga bónda yojoo̱. Ngi̱chí sájín, án xí be an kóra̱ sa̱ꞌìi̱n kui nii̱». Ngije bo̱a̱ katsoó Moisee̱, xota̱ Israee̱l achichí ndasen kisꞌińdo, ngatꞌa̱ Néná ꞌniú katsꞌénxchánjo̱. Kó ti̱ kjiꞌa ingojín xi katsꞌénkjién ngase ni xi tsꞌénkjién nga bónda yojoo̱.

Éksondo̱ 6:3

Xota̱ xi xcháa̱, Ne xi tjiín ngayeje ngaꞌniuú katsóna, ta̱nga kamábejín kó ꞌmí jaꞌén ja̱koxi̱na, kó kuí bí xi̱ꞌbi̱: AN XI AA̱N.

Éksondo̱ 6:4

Án boá xi katsóyàtjóo̱n nga tsjàa̱ nangi Kanaa̱n, ki̱a̱ nínga kisꞌińdo xikoó xota̱ xi xín nangi chji̱a̱ni,

Xki̱ 26:53

«Ngotꞌe̱ ꞌne̱ takjangàjnúu̱ tꞌanangii̱ ngayeje xota̱ xi je kamáxki̱i̱.

Xki̱ 32:11

“Ja̱ kó nga kamámejénjiín tsintꞌiéꞌénna, ja̱koxi̱ ni xi xian an, nga ngojín kui xota̱ xi jatjoni nangi Ejipto̱ xi je tsꞌatio kan noó, xi kꞌo̱sꞌien kui tꞌanangi xi tsjajnúꞌun kixiáa̱n xota̱ xi xchájnú, kui xi Abraa̱n, ko̱jo Isaa̱, ko̱jo Jakoo̱b.

Ni xi kamá 7:5

Kó Néná nde chií nangi katsjájiín, ngaskande nínga ko̱sién ngo se katsjájiín, ta̱nga katsóyàtjoón nga tsja̱á nga tsi̱ꞌe̱ ka̱ma kui nangii̱, ko̱jo nga jaskan tsi̱ꞌe̱ xota̱ tji̱e̱e̱ ka̱ma, ndatsi kui ni̱xtjin jàn Abraa̱n kji̱e̱ jmí ndíjiín.

Xota̱ Roma̱ 9:8

Kó kui nii̱ xi tsó: Nga jmí tsi ngayeje xi xota̱ tji̱e̱e̱ Abraa̱n, xikoó ñá, xi ndií, ngindyi̱ko̱n Néná, nga ja̱koxi̱ kuí xí ka̱ma ndií Néná, kui xi sa̱ko̱ó ni xi katsóyàtjón Néná nga tsja̱á, kui xi xota̱ tji̱e̱e̱ Abraa̱n.

Xota̱ Ngalasia̱ 3:16

Ngotꞌe̱ ꞌne̱ ndakjíꞌí, Néná katsóyàtjoón Abraa̱n ni xi tsja̱á ko̱jo xota̱ tji̱e̱e̱. Ta̱nga xo̱jo̱o̱n chji̱a̱jín kjo̱a̱a̱ xota̱ tji̱e̱ xi kjín, chji̱a̱ nga ta̱ ngo tsi, nga bi̱ tsó: “Tji̱e̱ xi tse̱”, tjítsó. Kui tji̱e̱e̱ kuí xí Kristoo̱.

Xota̱ Ngalasia̱ 4:28

Jún ntsꞌie, jún xí xikoó Isaa̱: Jún boá ndí xi katsóyàtjón Néná nga tsja̱á Abraa̱n.

Ndeuteronomio̱ 1:8

Tangínjnú kó ti̱ꞌantsa̱júnjnú kui ngi̱ndiee̱ nga ku̱i̱xkánjnú, ngatꞌa̱ án boá xi tsjajnúꞌun kixiáa̱n Abraa̱n, ko̱jo Isaa̱, ko̱jo Jakoo̱b. Kó ti̱ bo̱a̱ kixiáa̱n nga ko̱jo jún tsjajnúꞌun, ngatꞌa̱ jún boá xi xota̱ tji̱e̱e̱ kui xotaa̱”». Moisee̱ bi̱ katsó ngasee̱ kui xotaa̱:

Ndeuteronomio̱ 30:20

kó ti̱ꞌantjójnú Néná ko̱jo nga ngatsjéni̱xtjin nga ko̱nda̱ꞌyáꞌénjnúu̱. Ngi̱ya ndsa̱jnú tikón tsi mejénjnú nga kjín nó ka̱majnú nga ku̱i̱ndyionjnú ki̱a̱ tꞌanangi xi Néná katsóyàtjoón nga tsja̱á Abraa̱n, ko̱jo Isaa̱, ko̱jo Jakoo̱b, kui xi xota̱ xi xchájnú».

Ndeuteronomio̱ 34:4

Kui ngi̱ndiee̱ Néná bi̱ katsoó Moisee̱: «Kuí bí kui na̱xi̱ńdaá xi tsjàa̱ xota̱ Israee̱l. Bo̱a̱ kixiáa̱n nga katsóyàtjóo̱n Abraa̱n, ko̱jo Isaa̱, ko̱jo Jakoo̱b, xota̱ xi xcháa̱. Kamámejénna nga xchi̱e̱ ji, ngatꞌa̱ ku̱i̱tjásꞌi̱njín ji ki̱a̱a̱».

Ndeuteronomio̱ 6:10

»Néná katsóyàtjoón Abraa̱n, ko̱jo Isaa̱, ko̱jo Jakoo̱b, nga jún tsja̱ajnú kui tꞌanangii̱, ngatꞌa̱ jún boá xi xota̱ tji̱e̱e̱ kui xotaa̱. Kó kuíni nga jún boá xi ku̱i̱ndyionjnú na̱xi̱ńdáꞌniú xí yiꞌi, ko̱jo xi achichí tsjákón xi júnjín kiniꞌándajnú,

Xota̱ Ebreo̱ 11:13

Ngayeje kui xotaa̱ kisꞌińdo ta̱ngatꞌanii̱ kjo̱a̱sꞌijii̱n, kó jesón yeje nga kji̱e̱ sakójiín ni xi katsóyàtjón Néná nga tsja̱á. Ta̱nga kó nga kisꞌijii̱n Néná, bo̱a̱ katsó ngi̱jin ini̱ma̱a̱ nga sa̱ko̱ó kui nii̱, kó tsja kamaá, ngatꞌa̱ be nga ta̱ kisꞌiṉtso̱ma són kuí nga̱sondiee̱, ko̱jo nga xota̱ xi xín nangi kamá.

Xota̱ Ebreo̱ 11:8

Ta̱ngatꞌanii̱ kjo̱a̱sꞌijii̱n nga Abraa̱n kjiꞌanga Néná tsíchji̱a̱a̱, tsintꞌiéꞌeén nga jatjoni, kó kijí kui ngi̱ndie xi Néná tsja̱á, kó jatjo nga nde bejín ñání tsꞌénfí.