Jenesii̱s 12:3 - Xo̱jo̱n eén Néná

³ Xi nda sa̱ꞌínjoo̱, nda ka̱mataꞌin, kó xi ndajín sa̱ꞌínjoo̱, ndajín ka̱mataꞌin kui. ¡Ta̱ngatꞌanii̱ ji nga ka̱machikonñé ngayeje na̱xi̱ńdá xí tjín nga̱sondiee̱!»

Jenesii̱s 12:3 Iomraidhean Croise

Jenesii̱s 18:18

ngatꞌa̱ xota̱ tji̱e̱ tsi̱ꞌe̱ boá xi ka̱ma ngo na̱xi̱ńdá xí ꞌniú je, ko̱jo nga ta̱ngatꞌanii̱ kui nga sa̱ꞌinchikonñé an ngayeje na̱xi̱ńdá xí tjín nga̱sondiee̱.

Jenesii̱s 18:19

Kuí xá jaꞌajin an kui nga ko̱tíxomaa̱ ndií ko̱jo xota̱ xi síndo ndiꞌaa̱ nga ku̱i̱ntꞌiéꞌénna ko̱jo nga ni xi nda ko̱jo ni xi kixi̱ sa̱ꞌín. Tsi bo̱a̱ sa̱ꞌín Abraa̱n, sa̱ꞌinkjatjosón an ngayeje ni xi je kixiyatjóo̱n nga sa̱ꞌin an».

Jenesii̱s 24:35

Néná achichí tjítsꞌénchíkonñé ndi̱a̱na ngatꞌa̱ achichí cho̱n, Néná katsjaá cho̱tsa̱nga̱, ko̱jo cho̱yojo, ko̱jo to̱nsinié, ko̱jo to̱ntiboa, ko̱jo já moso̱, ko̱jo ínchjín moso̱, ko̱jo cho̱toꞌoyitsꞌe̱n ko̱jo bórró.

Jenesii̱s 25:11

Kó ngije kꞌien Abraa̱n, Néná katsꞌénchikonñé Isaa̱, kó kui nda̱a̱ ki̱a̱ kisꞌijñatꞌa nínga tikón kui ndáńchꞌi̱ xi ꞌmí «Ndáńchꞌií Néná xi tikoón ko̱jo be ngayeje nii̱».

Jenesii̱s 26:29

Ji̱n jmíni̱xtjin kiniꞌánxtíjne̱ ji, ta̱sá ngatsjéni̱xtjin nga nda kiniꞌánjo̱jne̱ ji, kó ngaskande nda tsꞌén kiniꞌánkixotꞌa xingi̱ xikoó tsi amingo̱ máná xingi̱, ngotꞌe̱ ꞌne̱ mejénjne̱ nga ji jmí ni xi ndajín si̱ꞌinje̱jínjne̱, ngatꞌa̱ Néná achichí tjítsꞌénchíkonñeé ji.

Jenesii̱s 27:29

¡Ngayeje xota̱ na̱xi̱ńdá xí ngatamabendikoón! ¡Ngayeje xota̱ xingi̱ ji ngatamabendikoón nga, kó ngatamabe nga ji xi ngito̱ko̱ ji! ¡Ngatꞌíko̱jonii̱ xota̱ xi chꞌo ka̱tso̱o̱! ¡Kó ngatamachikonñé xi sa̱ꞌínchikonñeé ji!»

Jenesii̱s 28:14

¡Xota̱ tji̱e̱e̱ kjín ka̱ma xikó maá xa̱a̱ tꞌanangii̱! Kó kꞌi̱e̱ kꞌuíndo ngayeje kui na̱xi̱ńdaá, kó ngatꞌaa̱ ji ko̱jo xota̱ tji̱e̱ tse̱ boá nga ngayeje xota̱ na̱xi̱ńdá xí tjín nga̱sondiee̱ ka̱machikonñé.

Jenesii̱s 30:27

Kó Labaa̱n bi̱ katsoó: —Ngo kjo̱a̱nda kuíꞌaá, ngata̱ ꞌmijín ji, ta̱sá ti̱ndyinra ji kꞌi̱e̱e̱, jè kamábe an nga ta̱ngatꞌanií ji nga Néná katsꞌéncho̱nna,

Jenesii̱s 30:30

Ngindiee̱ nga kjoéꞌe̱ an chiboa tsí kamá cho̱ xi kisꞌiee̱ ji, kó ngotꞌe̱ ꞌne̱ achichí jè cho̱n ji, ngatꞌa̱ ndeskande koó nga jéꞌe̱ an Néná tjítsꞌénchíkonñé ngayeje ni xi niꞌín ji, ta̱nga ti̱ chjiéngá sa̱ꞌinxá an nganda tsi̱ꞌe̱ ndína ko̱jo tsi̱ꞌe̱ ínchjínna nga.

Xo̱jo̱n Salmoo̱ 72:17

¡Ngatsjéni̱xtjin nganiꞌánkjaꞌátsjien jaꞌeén kui ree̱! ¡Ngatsjéni̱xtjin ngatamayandikón jaꞌeén tji̱e̱nga tikón tsꞌueé! ¡Kó kui jaꞌeén xi ngatsꞌénchíkonñéni xkjín xotaa̱! ¡Ngayeje na̱xi̱ńdaá xi achichíra̱tsjaa̱ nga tsó!

Éksondo̱ 23:22

Ta̱nga tsi ko̱nda̱ꞌyáꞌénjnúu̱ ngayeje ni xi ka̱tso̱jnú, ꞌniú skjánjo̱ an kondra̱jnú.

Xki̱ 24:9

»Xikó maá ngo xandi̱je̱ xi tsꞌénkjaꞌyá ngije katsꞌénꞌoón ngo cho̱. Bo̱a̱ má kónjnú jún xota̱ Israee̱l. ¡Ngojín xi ka̱maa̱ sa̱ꞌínxtíjnú! Kui xota̱ xi nda sa̱ꞌínjo̱jnú, nda ka̱mataꞌin kui. Ta̱nga xi ndajín sa̱ꞌínjo̱jnú, ti̱ ndajín ka̱mataꞌin nga».

Matioo̱ 25:40

Sꞌe̱ bi̱ ka̱tso̱o̱ kui nda̱ Ree̱ nga ku̱i̱chji̱a̱: «Ja̱koxi̱ ni xi xiánjnúꞌun nga ngayeje ni xi kiniꞌánjo̱jnú ngo nda̱ ntsꞌié án xi ꞌniú ni̱ma̱a̱, ja̱ án boá xi bo̱a̱ kiniꞌánjo̱jnúꞌun.»

Matioo̱ 25:45

Kósꞌe̱ bi̱ ka̱tso̱o̱ nda̱ ree̱: «Ja̱koxi̱ ni xi xiánjnúꞌun nga ngayeje ni xi kiniꞌánjínjnúu̱ ngo nda̱ ntsꞌié án xí ꞌniú ni̱ma̱a̱, ja̱ ti̱nde an kiniꞌánjínjnúꞌun kui nii̱.»

Rkaa̱ 24:27

Kó katsóyaà ni xi kjitꞌa xo̱jo̱n eén Néná nga ítsꞌi̱yanii̱ ndeskande kjo̱a̱kiti xi katsꞌénda Moisee̱, sꞌe̱ ngayeje ni xi katsꞌénꞌindó já chji̱ni̱e̱ꞌe̱én Néná xi tsáyà kjo̱a̱a̱ Kjisoo̱.

Xota̱ Roma̱ 4:11

Kó Abraa̱n kiniꞌaán sirkunsisioo̱n xikoó ngo chi̱bo̱a̱ nga je kiniꞌánkixi̱, kó kui nii̱ xi katseꞌeé ngindiee̱ nga si̱ꞌaa̱n sirkunsisioo̱n. Bo̱a̱ tsꞌén nga Abraa̱n xi kamá na̱ꞌmii̱ ngayeje xota̱ xi sꞌijii̱n Néná, ndatsi jmíjiín sirkunsisioo̱n, tsi̱ꞌe̱ nga kui xotaa̱ xꞌi̱a̱xki̱ kjo̱a̱sꞌijii̱n nga ka̱ma kixi̱.

1 Xota̱ Korinto̱ 1:30

Néná xí katsꞌéngojo̱jnú Kristo̱ Kjisoo̱, kó ñá xi je kiniꞌángojo̱ yojoná makjínná ni xi tsi̱ꞌe̱, kó Néná xí katsꞌénná nga xota̱ kjínkón boá ñá, nga kixi̱ tindyión ngindyi̱ko̱n kui, nga xota̱ tsjie, ko̱jo nga xota̱ xi je kamáchjítjé jéná ñá,

Xota̱ Ngalasia̱ 3:16

Ngotꞌe̱ ꞌne̱ ndakjíꞌí, Néná katsóyàtjoón Abraa̱n ni xi tsja̱á ko̱jo xota̱ tji̱e̱e̱. Ta̱nga xo̱jo̱o̱n chji̱a̱jín kjo̱a̱a̱ xota̱ tji̱e̱ xi kjín, chji̱a̱ nga ta̱ ngo tsi, nga bi̱ tsó: “Tji̱e̱ xi tse̱”, tjítsó. Kui tji̱e̱e̱ kuí xí Kristoo̱.

Xota̱ Ngalasia̱ 3:28

Jè ngiti̱ jmí ndasénjín tsi xota̱ jundío̱, ko̱jo tsi xota̱ ngriengo̱, tsi moso̱ xi kastiñá, ko̱jo tsi xota̱ xi síndondé, tsi xi xi̱ꞌin ko̱jo tsi xi ínchjín. Ngatꞌa̱ jè kiniꞌángojnú yojojnú Kristo̱ Kjisoo̱, kuíni nga je ta̱ ngo ndse̱je̱njnú ngindyi̱ko̱n Néná.

Xota̱ Ngalasia̱ 3:8

Kó xo̱jo̱n eén Néná kisitꞌa tjón tjón nga Néná sa̱ꞌínkixi̱ xota̱ nga̱sondiee̱ ta̱ngatꞌanii̱ nga Néná sꞌijii̱n, kó Néná katsóyàtjoón Abraa̱n nga bi̱ katsoó: “Ji sa̱ꞌinkjieén tsi̱ꞌe̱ nga ta̱ngatꞌanii̱ ji nga nda ka̱machikonñé ngayeje na̱xi̱ńdá xí tjín nga̱sondiee̱.”

Xota̱ Éfeso̱ 1:3

Nganiꞌántsjaá Néná, kui xi Na̱ꞌmii̱ Ndi̱a̱ná Jesukristoo̱. Kui xi katsꞌén nga ngi̱jii̱n Kristoo̱ kasakoná ngayeje to̱ko̱ya kjo̱a̱niꞌánchikonñé, xi ndibání ndiꞌakꞌajmi jàn xi tsjáná a̱si̱énni̱xtjii̱n.

Xota̱ Kolosa̱ 3:11

Ngi̱jii̱n kui xota̱ tja̱tsi̱e̱e̱ ngiti̱ jmíjín xota̱ xi ngriengo̱, ko̱jo tsi xota̱ jundío̱, tsi xi tjiín, ko̱jo tsi xi jmíjiín sirkunsisioo̱n, tsi kje̱ꞌe, ko̱jo tsi kje̱ꞌejín én chji̱a̱, tsi moso̱ xi kastiñá, ko̱jo tsi xota̱ xi ndé, ngatꞌa̱ Kristoo̱ boá xi ngayeje nii̱, kó kuí boá xi tikónjii̱n ngayeje ni xi tjiín.

Ni xi akakoo̱ 7:9

Ngije kamá kui nii̱, askotsijen an kó kamábe an achichí ꞌniú kjín xota̱ xi ngaskande nde ta̱ꞌyajín xi kamaá íxki̱, xota̱ xi chji̱a̱ni ngayeje na̱xi̱ńdá, ko̱jo ngayeje xtín xota̱, ko̱jo ngayeje to̱ko̱ya én, ko̱jo ngayeje nangi, ndyi̱a̱kixi̱ kui xotaa̱ kje̱n nínga tikón xi botixómaá, ko̱jo kje̱n cho̱tsa̱nga̱a̱, nga ndyi̱yajá ńjño tiboa, kó xka̱jèn ndyi̱yaꞌa ngi̱ya tsja.