Jenesii̱s 11:3 - Xo̱jo̱n eén Néná

^3-4 Kó ja̱kꞌi̱e̱ ja̱ngaján bi̱ katsoó xkjín: «Si̱ꞌanda ngo na̱xi̱ńdáꞌniú ko̱jo ngo tarié, kó ngaskande nkꞌajmii̱ ngatjachó, bo̱a̱ tsꞌén nga xcha̱ndikónná, tsi bo̱a̱jín si̱ꞌán yàjín ñá tsi ngayeje nga̱sondiee̱ si̱ꞌantsojoboáná». Kó kui xotaa̱ ítsꞌi̱yanii̱ kui xaá, sꞌe̱ ńdiekachján xi ti̱ kuii̱ katsꞌénda xi ndi̱jo̱ katsꞌén, kó tjingóxkjà ítꞌajo̱ni nga iskjininkꞌa xoó.

Jenesii̱s 11:3 Iomraidhean Croise

Jenesii̱s 11:7

Ta̱sá tjianjayá, kó si̱ꞌantsobéjíi̱n én xí ndyi̱chji̱a̱ tsi̱ꞌe̱ nga ngojín xi ka̱makjiín ni xi ndyi̱chji̱a̱jo xkjín».

Jenesii̱s 14:10

Kó ki̱a̱ nangi nínga soón Ndáchíkón Kꞌieèn, achichí kjín ndáńchꞌi̱ nínga tjo tjingóxkjà tjín, kó nga ndyi̱monga kui já re xi chji̱a̱ni Sondoma̱ ko̱jo Ngomorra̱, ki̱a̱ ixó ngi̱yaa̱ kui ndáńchꞌií, kó jájún xi ngasee̱ ngi̱jin kꞌijñá jàn tsanga.

Xo̱jo̱n Salmoo̱ 64:5

Kjiꞌanga ꞌbínda ni xi ndajiín, ja̱kꞌi̱e̱ ja̱ngaján tsjangaꞌniuú xkjín, ꞌbínda ꞌmá nga ꞌbíndo chja̱ya̱, kó bi̱ tsó: ꞌYá xí sku̱i̱e̱ kui nii̱.

Éksondo̱ 2:3

Kó nga ngiti̱ kamájiín íjñaꞌma ngase kui ndií, iskjíbé ngo ni̱se̱nyá xi indyiaá tjingóxkjà ko̱jo brea̱ nga̱xto̱n, kósꞌe̱ ki̱a̱ íyá kui ndií, sꞌe̱ ngi̱jii̱n nínga tjín yána̱xo̱o̱ ki̱a̱ tꞌa ndejèꞌ Niloo̱, ki̱a̱ katsꞌénkjíjin kui ni̱se̱nya̱á.

Énkjínkón 1:11

Tsi bi̱ ka̱tso̱o̱: «Ja̱bíꞌi̱n kꞌi̱e̱ ti̱ꞌinkamaje̱jne̱, ku̱i̱ndyionꞌmá kó xchiyá nga tjín xí kjo̱a̱ꞌa tsi̱ꞌe̱ nga si̱ꞌankꞌién, xchindà xotaa̱, ndatsi jmí kjo̱a̱jín nga bo̱a̱ si̱ꞌán.

Eklesiastee̱ 2:1

Kósꞌe̱ bi̱ tsꞌén katsꞌenkjó án: Ngotꞌe̱ ꞌne̱ nga skotꞌa an kjo̱a̱tsjaa̱, ko̱jo ni nda xi tjiín kjo̱a̱mindyioo̱n. ¡Ta̱nga ngaskande kui nii̱ xi ta̱kjo̱a̱ndaní bo̱a̱ nga!

Xota̱ Ebreo̱ 10:24

Kó ku̱i̱ndyi̱sé ndi̱yàa̱ kótsꞌèn ko̱si̱ko̱jó ja̱kꞌi̱e̱ ja̱ngaján xingi̱ nga kꞌuié ngasená kjo̱a̱tjó, ko̱jo nga ni xi nda xi si̱ꞌán.

Xota̱ Ebreo̱ 3:13

Ta̱sá ndyiojón ndyiojón te̱ꞌéngaꞌniújnúu̱ xingi̱jnú, tji̱e̱nga kꞌuijñá kui ni̱xtjii̱n ngotꞌe̱, xikó tsó xo̱jo̱n eén Néná, tsi̱ꞌe̱ nga ngojín xi sa̱ꞌíntajá ini̱ma̱a̱ ta̱ngatꞌanii̱ nga ꞌboṉcha̱joná jeé.

Xo̱jo̱o̱n Sandiyaá 4:13

Ndaꞌyájnú jún kui nii̱, jún xi bi̱ ꞌmíjnú: “Ngotꞌe̱ ko̱jo tsi ndyiojón kongín kui na̱xi̱ńdá jàn, kó ki̱a̱ ngo nó kamáná nga si̱ꞌanxá, ko̱jo nga si̱ꞌán to̱n.”

Xo̱jo̱o̱n Sandiyaá 5:1

¡Ndaꞌyájnú kui nii̱, jún xi xota̱ cho̱njnú! Chaꞌájnú kó ꞌniú chaꞌayàjnú kjo̱a̱a̱ ngayeje kjo̱a̱ni̱ma̱ xi sꞌe̱ ku̱i̱tjájinjnú.