Jenesii̱s 1:28 - Xo̱jo̱n eén Néná

²⁸ Kó Néná bi̱ katsoó nga katsꞌénchikonñé: «Mejénna nga kꞌuiéjnú ndí, kó ngatamakjínjnú, mejénna nga jún xi kꞌuikítsienijnú nga̱sondiee̱, kó ni̱ꞌantꞌiéjnú ko̱jo tatíxomájnúu̱ cho̱ xi tjín ngi̱jin ndáchíkoón, ni̱sie xi tjín nkꞌa jàn, ko̱jo ngayeje cho̱ xi síndo, ko̱jo ngayeje cho̱ xi ꞌbifé yojoo̱ nga̱són tꞌanangii̱».

Jenesii̱s 1:28 Iomraidhean Croise

Jenesii̱s 1:22

bi̱ katsoó nga katsꞌénchikonñé: «Mejénna nga ngayeje cho̱ xi tjín ngi̱jin ndáchíkoón, ngatamatji̱e̱, kó ngatamakjín, ngasꞌikitsieni ngi̱jin ndáfoaa̱ ndáchíkoón, kó mejénna nga ni̱siee̱ ka̱makjín kui nga̱sondiee̱».

Jenesii̱s 17:16

An sa̱ꞌinchikonñé an tsi̱ꞌe̱ nga kꞌuieé ngo ndí xí tse̱, kó xota̱ tji̱e̱e̱ kui, kjín xota̱ na̱xi̱ńdá ka̱ma, kó ki̱a̱ kjo̱tjojinni xi re ka̱ma nga».

Jenesii̱s 17:20

Kó ti̱ jè tsintꞌie an ni xi kichjiéꞌéní kjo̱a̱a̱ Ismaee̱l nga, kó tsꞌénxiyaa nga sa̱ꞌinchikonñé án kuí nga tsjàa̱ kjín xota̱ tji̱e̱, kó ki̱a̱ kjo̱tjojinni tiejó re, kó nga xota̱ tji̱e̱e̱ xi ka̱ma ngo na̱xi̱ńdá xí ꞌniú je.

Jenesii̱s 24:60

Kósꞌe̱ xota̱ ndiꞌaa̱ na̱ Rebekaa̱ katsꞌénkixotꞌa nga bi̱ katsoó nga katsꞌénchikonñé: «Ji ndí ndichja, mejénjne̱ nga kꞌuieé kjín mi̱ xota̱ tji̱e̱, kó nga kui xi sa̱ꞌiín nga skjánjo̱ xota̱ na̱xi̱ńdá xí kondraa̱».

Jenesii̱s 26:24

Kó Néná jatjokjaà kui ni̱xtji̱e̱e̱n, kó bi̱ katsoó: «Án boá xi Nee̱ na̱ꞌmíi̱ Abraa̱n, kó ta̱ngatꞌanii̱ kui nga sa̱ꞌinchikonñeé jí ko̱jo nga sa̱ꞌinkjín an xota̱ tji̱e̱ tse̱, kuíni nga ngata̱ ndakinjín má ji, ngatꞌa̱ an boá xi kosiko̱joo ngayeje ni xi si̱ꞌin ji».

Jenesii̱s 33:5

Kó nga kamábe Esauu̱ ínchjiín ko̱jo jákjíndií, bi̱ katsoó Jakoo̱b: —ꞌYá xota̱ bo̱a̱ xi̱ꞌbi̱. Kó Jakoo̱b bi̱ katsó: —Achichí nda katsꞌénjo̱na Néná, kó kuí boá xi katsjána kui ndií.

Jenesii̱s 49:25

¡Ndokꞌóchji̱ì kui Néná xí tsi̱ꞌe̱ na̱ꞌmíi̱, kui xi tsꞌénbosikójoo ji! ¡Ndokꞌóchji̱ì kui Néná xi ngayeje nii̱ xi maa̱, ko̱jo kui xi ngatsjéni̱xtjin tjítsꞌénchíkonñeé ji! ¡Kó tsꞌéntsjaá kjo̱a̱niꞌánchikonñeé ndiꞌakꞌajmi xi tikón nkꞌa jàn! ¡Kó tsꞌéntsjaá kjo̱a̱niꞌánchikonñeé nínga ꞌniú na̱nga̱a̱ ndáchíkoón! ¡Kó tsꞌéntsjaá kjo̱a̱niꞌánchikonñeé na̱an xi tjiín ndí ko̱jo xi ndyi̱tsꞌènkí ndií!

Jenesii̱s 6:1

Kó ꞌniú kamákjín xota̱ xi kisꞌie kui nga̱sondiee̱, kó kisꞌiee̱ ndí xí ínchjín.

Jenesii̱s 8:17

Ti̱ꞌinkjataxie ji ngayeje cho̱o̱ nga, ko̱jo cho̱ xi tjiín tsja̱nga̱, ko̱jo cho̱ xi ꞌbifé yojoo̱ kui xi síndojoo̱, tsi̱ꞌe̱ nga ka̱makjín ko̱jo ngasꞌikitsieni tꞌanangii̱».

Jenesii̱s 9:1

Néná katsꞌénchikonñé Noee̱ ko̱jo ndií, kó bi̱ katsoó: «Mejénna nga kꞌuiéjnú kjín ndí, kó xota̱ tji̱e̱jnú xi ngasꞌikitsieni tꞌanangii̱.

Jenesii̱s 9:7

»Kó mejénna nga jún kjín ndí ngatꞌiéjnú, kó ngasꞌikitsieni xota̱ tji̱e̱jnú ngayeje tꞌanangii̱».

Joo̱b 39:11

A ka̱má ka̱maꞌniátakón ji ngaꞌniú xí tjiín, ko̱jo nga kui sa̱ꞌín ngayeje xá xí niꞌín ji.

Joo̱b 42:12

Kó Néná katsꞌénchikonñé ni xi jaskan kamaá Joo̱b, ta̱bo̱a̱jiín xikótsꞌèn kisꞌijña nga tjón tjón. Ngatꞌa̱ bi̱ kjiꞌi ni xi kisꞌiee̱: tienijón mi̱ cho̱tsa̱nga̱, ko̱jo jun mi̱ cho̱toꞌoyitsꞌe̱n, ko̱jo jó mi̱ cho̱yojo xi bokján tꞌanangi, ko̱jo ngo mi̱ bórró ínchjín,

Xo̱jo̱n Salmoo̱ 107:38

Néná katsꞌénchikonñé, kó achichí kamá ndií, kó cho̱ tji̱e̱é achichí kamákjín nga.

Xo̱jo̱n Salmoo̱ 115:16

Ngayeje nkꞌajmii̱, tsi̱ꞌe̱ Néná boá, kó ñá boá xi katsjáná tꞌanangii̱ nga kamáꞌniátakónná.

Xo̱jo̱n Salmoo̱ 69:34

¡Ti̱ꞌantsjàjnúu̱ jún nkꞌajmii̱ ko̱jo tꞌanangii̱! ¡Ti̱ꞌantsjàjnúu̱ jún ndáchíkoón, ko̱jo ngayeje ni xi tjín ngi̱jinjnú!

Xo̱jo̱n Salmoo̱ 8:6

kuí boá xi katseꞌée̱ nga kui ko̱tíxomaa̱ ni xi kiniꞌínde ji ngayeje nii̱ xi ikꞌínde ji ngi̱ndie se, xikoó:

Xo̱jo̱n Salmoo̱ 8:7

cho̱tsa̱nga̱a̱ ko̱jo cho̱yojoo̱, ko̱jo ngayeje cho̱ xi tjín ngi̱jin kꞌijñaá,

Lebitiko̱ 26:9

»Án boá xi sa̱ꞌinkjatjosón an ngayeje ni xi je kixiyatjónjnúꞌun nga sa̱ꞌin an. Achichí tjó sa̱ꞌinjo̱jnúꞌun nga ngaskande achichí ꞌniú ka̱ma xota̱ na̱xi̱ńdájnú.

1 Timoo̱ 4:3

Kui xotaa̱ tsja̱ndièjín nga ku̱i̱xan xotaa̱, kó tsja̱ndièjín nga ka̱ma xi̱ni̱e̱ kaꞌa, nichinie xi Néná katsꞌénda nga ka̱ma skji̱ni̱e̱ xota̱ xi sꞌijii̱n Néná, kui xi je be ja̱koxi̱i̱, kui xi tsjaá ndokꞌóchjì Néná kjo̱a̱a̱ ngayeje nii̱.