Jenesii̱s 1:27 - Xo̱jo̱n eén Néná

²⁷ Kó bo̱a̱ tsꞌén katsꞌénda Néná xota̱ nga̱sondiee̱, xikó kjiꞌi a̱sie̱én ko̱jo xikó kjiꞌi kui, bo̱a̱ má tsꞌén katsꞌénda, xi xi̱ꞌin ko̱jo xi chjo̱on katsꞌénda.

Jenesii̱s 1:27 Iomraidhean Croise

Jenesii̱s 2:18

Sꞌe̱ jaskan bi̱ katsó Néná: «Ndajínkjiꞌi nga kꞌuijñá soboá nda̱ xi̱ꞌii̱n. Ta̱sá sa̱ꞌindàa̱ ngo xi ka̱maa̱ nga nda ko̱síko̱jo nga nijan ka̱ma».

Jenesii̱s 2:7

Kó Néná iskjíbé chií chojo, kó kui nii̱ xi katsꞌéndani ngo nda̱, kó askjonomójón ṉtjo̱n nga katsjaá kjo̱a̱mindyion, kó bo̱a̱ tsꞌén nga ngo xota̱ xi tikón kamá ngijee̱.

Xo̱jo̱n Salmoo̱ 139:14

Án boá ngo ni xi ta̱nisién tsjákjiꞌi xi ji kiniꞌínde ji, kó kuíni nga an tsjañaa ndokꞌóchji̱ì. Achichí tsjákjiꞌi ngayeje ni xi niꞌín ji, ¡jè be an nga bo̱a̱ kjiꞌi kui nii̱!

Eklesiastee̱ 7:29

Ta̱kuitoto kui nii̱ xi kasakona: nga Néná kixi̱tsꞌèn katsꞌénda xota̱ nga̱sondiee̱, ta̱nga xota̱ nga̱sondiee̱ boá xi tsꞌenníꞌiín kjo̱a̱mindyioo̱n.

Matioo̱ 19:4

Ta̱nga Kjisoo̱, bi̱ katsó: –A kji̱e̱ niꞌányàjínjnú ni xi tsó xo̱jo̱n eén Néná nga kuí xí katsꞌéndaná ndeskande nga ítsꞌi̱yanii̱ nga̱sondiee̱, «nga xi xi̱ꞌin ko̱jo xi chjo̱on katsꞌénda».

Markoo̱ 10:6

Ta̱nga ndeskande nga Néná ítsꞌi̱yanii̱ nga katsꞌénda nga̱sondiee̱ “xi xi̱ꞌin ko̱jo xi chjo̱on” katsꞌénda.

Xota̱ Éfeso̱ 2:10

Ngatꞌa̱ Néná boá xi katsꞌéndaná, ngatꞌaa̱ Kristo̱ Kjisoo̱, tsi̱ꞌe̱ nga ni xi nda si̱ꞌán, kui ni xi Néná índa tjón tjón tsi̱ꞌe̱ nga ki̱a̱ ku̱i̱ṉtsomajin ni xi ndaa̱.

Xota̱ Éfeso̱ 4:24

Ti̱ꞌantja̱tsi̱e̱yàjnú yojojnú xikótsꞌèn Néná tjítsꞌéntja̱tsi̱e̱yajnú, xikótsꞌèn tjíjinkon kui, nga ja̱koxi̱ nga kixi̱ ko̱jo tsjie.

Ndeuteronomio̱ 4:32

»Néná tsꞌaxiéni nangi Ejipto̱ xota̱ xi xchájnú, kó bo̱a̱ tsꞌén akoó nga ꞌniú tjoó ko̱jo akó ngaꞌniú je xi tjiín. Ta̱ngatꞌanii̱ nganda tsa̱jún nga askjantjéjnú nga achichí kjo̱a̱ndikón katsꞌén, kó indyiándikoón xota̱ xi síndo na̱xi̱ńdá xí ngasee̱. »Tsi Néná tsꞌaxiéꞌájnú, kjo̱a̱a̱ nga bo̱a̱ tsꞌén kamámejeén, nga jún xi ka̱majnú na̱xi̱ńdá xí kuí tsi̱ꞌe̱. Jmíjín ingo xota̱ na̱xi̱ńdá xí je tsintꞌieé nda̱a̱ Néná, ti̱nde ngiti̱ síndojín tsi̱ꞌe̱ nga ka̱tso̱yà kui nii̱. Ta̱nga Néná ndeskande nkꞌajmii̱ tsíchji̱a̱jojnú, tsi̱ꞌe̱ nga ngo ndi̱yà xí kixi̱ íjñájnú. Kꞌi̱e̱ kui tꞌanangii̱ ngi̱jii̱n ndiꞌií tsíchji̱a̱jojnú, kó to̱kó kixindyionrajnú nga̱sondie. Kó kjiꞌanga tsangínjnú, Néná iskjíxꞌájnú ndi̱yà, kó katsangiboaꞌá xota̱ na̱xi̱ńdáꞌniú, xi ꞌniú ngase yiꞌi, ko̱jo xi ꞌniú ngase tjiín ngaꞌniú ta̱bo̱a̱jínnii̱ jún, tsi̱ꞌe̱ nga jún tsja̱ajnú kui tꞌanangi xi je mejeén sa̱kójnú. »Tsi jún xi stsitsíjenjnúu̱ kótsꞌèn kjindibáni xotaa̱, xcha̱jnú nga jmíni̱xtjin kamá ngo ni xi xikoó xi kjimajnú ngotꞌe̱. Ta̱nga ngayeje kui nii̱ kjimá, tsi̱ꞌe̱ nga xcha̱jnú nga ja̱koxi̱ boá Néná, kó nga ta̱ ngo tsí má kuí.

Xota̱ Kolosa̱ 1:15

Kjiꞌanga ndyi̱yà kókón Kristoo̱, ja̱ Néná xi májín yaa̱ xí ndyi̱yà kókón. Kristoo̱ boá xi ndií Néná xi tjón tikón ngindiee̱ nga kiniꞌánda ngayeje ni xi kiniꞌándaa̱.

Xota̱ Kolosa̱ 1:26

Tsꞌénꞌbini̱jmì án kui én xí kisꞌijña ꞌma ni̱xtjin xcháján, kui xi akakojiín xota̱ xi kisꞌie ngasꞌe̱, ta̱nga ngotꞌe̱ ꞌne̱, tjibókoo̱ xota̱ na̱xi̱ńdá tsjiee̱ Néná.

Xota̱ Kolosa̱ 3:10

Kó ngotꞌe̱ ꞌne̱ xikoó tsi je kichajájnú ngo ńjño xi tja̱tsi̱e̱, nga Néná tjítsꞌéntja̱tsi̱e̱yajnú xi kókón kui, ko̱jo nga nda ngase xcha̱jnú kókón Néná.