Jenesii̱s 1:26 - Xo̱jo̱n eén Néná

²⁶ Kó nga kamábe Néná nga tsjakon kamá kui nii̱, bi̱ katsó: «Si̱ꞌanda xotaa̱ ꞌne̱, xikó má kjiꞌi a̱si̱énná, ko̱jo xikó má kón ñá, bo̱a̱ má tsꞌén si̱ꞌanda. Kó kuí ngatatixómaá cho̱ xi tjín ngi̱jin ndáchíkoón, ko̱jo ni̱sie xi tjín nkꞌa jàn, ko̱jo ngayeje cho̱ xi tjín tꞌanangii̱, ko̱jo ngayeje cho̱ xi ꞌbifé yojoo̱, ko̱jo ngayeje ndí cho̱ xi ꞌniú xi̱xi̱i̱».

Jenesii̱s 1:26 Iomraidhean Croise

Jenesii̱s 11:7

Ta̱sá tjianjayá, kó si̱ꞌantsobéjíi̱n én xí ndyi̱chji̱a̱ tsi̱ꞌe̱ nga ngojín xi ka̱makjiín ni xi ndyi̱chji̱a̱jo xkjín».

Jenesii̱s 2:19

Néná katsꞌénda ngayeje cho̱ xi tjín ngi̱jin kꞌijñaá, ko̱jo ngayeje ni̱sie xi ꞌbímatji̱e̱n nkꞌa jàn, kó ki̱a̱ kijíjoo̱ kui nda̱a̱ tsi̱ꞌe̱ nga ku̱i̱ꞌítꞌajaꞌén, kó Andaa̱n ítꞌajaꞌén ngayeje kui cho̱o̱. Ta̱nga nde ngojín xi kasakoo̱ xi ka̱maa̱ nga nda ko̱síko̱jo nga nijan ka̱ma.

Jenesii̱s 3:22

kó bi̱ katsó Néná: «Ngotꞌe̱ ꞌné nga nda̱a̱ ko̱jo naa̱ je kamá xikoó ñá, nga je makjiín ni xi ndaa̱ ko̱jo ni xi ndajiín. Tsi skji̱ni̱e̱ too̱ yá xí tsjá kjo̱a̱mindyioo̱n, ka̱márií kꞌuíndo ngatsjéni̱xtjin».

Jenesii̱s 5:1

Néná katsꞌénda xota̱ nga̱sondiee̱ xikó má kjiꞌi kui, bo̱a̱ má kjiꞌi katsꞌén. Xi xi̱ꞌin ko̱jo xi chjo̱on katsꞌénda, sꞌe̱ katsꞌénchikonñé, kó «xota̱ nga̱sondie» katsoó. Kꞌi̱e̱ kjitꞌa kꞌi̱e̱e̱ xota̱ tji̱e̱e̱ Andaa̱n.

Joo̱b 35:10

¡Ta̱nga nde ngojín xi mongase Néná, kui xi tsjangaꞌniúná nga jñoó! Nde ngojín xi bosíyá kjo̱a̱a̱ kui Néná xi katsꞌéndaná,

Joo̱b 39:11

A ka̱má ka̱maꞌniátakón ji ngaꞌniú xí tjiín, ko̱jo nga kui sa̱ꞌín ngayeje xá xí niꞌín ji.

Joo̱b 5:23

¡Ngatꞌa̱ ngaskande ndi̱jo̱ xi tjín ngi̱jin kꞌijñaá, ka̱ma kꞌuíndeje̱ ji ngo ni, kó cho̱ tamaá ko̱jo ji, kꞌuiéjnú kjo̱a̱xió!

Xo̱jo̱n Salmoo̱ 100:3

Cha̱ndikónjnú nga kuí boá xi Néná, kuí boá xi katsꞌéndaná, kó kuí ndokjo̱a̱ ñá. Ñá boá xi xota̱ na̱xi̱ńdaá kui má, ñá boá xi cho̱tsa̱nga̱ xi tsi̱ꞌe̱ xi tindyión kꞌijñaá kui!

Xo̱jo̱n Salmoo̱ 149:2

¡Tsja ngatamaa̱ xota̱ Israee̱l, kjo̱a̱a̱ Kui xi katsꞌénda kui xotaa̱! ¡Tsja ngatꞌieé xota̱ na̱xi̱ńdáꞌniú Sioo̱n, kjo̱a̱a̱ Ree̱!

Eklesiastee̱ 7:29

Ta̱kuitoto kui nii̱ xi kasakona: nga Néná kixi̱tsꞌèn katsꞌénda xota̱ nga̱sondiee̱, ta̱nga xota̱ nga̱sondiee̱ boá xi tsꞌenníꞌiín kjo̱a̱mindyioo̱n.

Én xí nda xi ꞌniú tsjatsó ngasee̱ 1:11

¡Si̱ꞌandajne̱ ji nangínijon xi to̱nsinié xi kꞌuíndoo̱ ni xi to̱ntiboa!

Juaa̱ 14:23

Sꞌe̱ Kjisoo̱, bi̱ katsó: –Xi tjoó an, sa̱ꞌínkjatjosón kjo̱a̱botíxomana, kó Na̱ꞌmina tjó sa̱ꞌín, kó kji̱ndibáchonjne̱, kó ngo ngi̱ndie nijan ku̱i̱ndyionjo̱jne̱.

Juaa̱ 5:17

Kó Kjisoo̱, bi̱ katsoó: –Na̱ꞌmina ngaskande ngotꞌe̱ tsꞌénxá, kó ko̱jo an tsꞌenxá án nga.

Ni xi kamá 17:20

Ngatꞌa̱ ni tja̱tsi̱e̱ ko̱jo ni xi makjínjínjne̱ xí tindokjo̱e̱jejne̱, kó mejénjne̱ xcha̱jne̱ mí ni xi tsó kui nii̱.

Ni xi kamá 17:26

Kó ta̱ ngo xota̱ xi ngo jín ngo yojo katsꞌénkjínni ngayeje xota̱ na̱xi̱ńdaá, tsi̱ꞌe̱ nga kꞌuíndo ngayeje són tꞌanangii̱, kó bo̱a̱ tsꞌén katsjaá chi̱bo̱a̱ mí ni̱xtjin, kó ñá ngi̱ndie nínga kꞌuíndo,

1 Xota̱ Korinto̱ 11:7

Xi xi̱ꞌii̱n ka̱májín ko̱óꞌmá to̱ko̱, ngatꞌa̱ xikótsꞌèn tjíjii̱n Néná bo̱a̱ tsꞌén katsꞌénda nda̱ xi tjoón, kó kuí nda̱a̱ xi akó kjo̱a̱jee̱ Néná, ta̱nga xi chjo̱ón kuí xí bokó kjo̱a̱jee̱ xi xi̱ꞌii̱n.

2 Xota̱ Korinto̱ 3:18

Kó kuíni nga ngayeje ñá, ngiti̱ jmíjínná kuí ńjño xi boꞌmá kje̱n. Xikoó kjiꞌanga ngo chi̱tsen bokó kje̱n, bo̱a̱ tsꞌén bokó ñá kjo̱a̱jee̱ Ndi̱a̱ná. Bo̱a̱ kon kjimá xikó maá a̱sie̱én Néná, ngatꞌa̱ ngatsjéni̱xtjin sa kjiꞌbé sa kjiꞌbéná tsie kjo̱a̱jee̱, ta̱ngatꞌanii̱ ni xi tjítsꞌén A̱si̱énni̱xtjii̱n Ndi̱a̱ná.

2 Xota̱ Korinto̱ 4:4

Ngatꞌa̱ nee̱ kui nga̱sondiee̱ katsꞌénjñoó kjo̱a̱kjíntakoón kui xota̱ xi sꞌijinjiín, tsi̱ꞌe̱ nga sku̱i̱e̱ cha̱n cha̱njín, kjo̱a̱tsijee̱n ndiꞌí ꞌna̱a̱ éntjatsi̱e̱ xi tsꞌéntsáyà kjo̱a̱jee̱ Kristoo̱, kó kuíni nga, nga ya ñá Kristoo̱, makjínná kókjiꞌi kjo̱a̱jee̱ Néná.

Xota̱ Éfeso̱ 4:24

Ti̱ꞌantja̱tsi̱e̱yàjnú yojojnú xikótsꞌèn Néná tjítsꞌéntja̱tsi̱e̱yajnú, xikótsꞌèn tjíjinkon kui, nga ja̱koxi̱ nga kixi̱ ko̱jo tsjie.

Xota̱ Kolosa̱ 1:15

Kjiꞌanga ndyi̱yà kókón Kristoo̱, ja̱ Néná xi májín yaa̱ xí ndyi̱yà kókón. Kristoo̱ boá xi ndií Néná xi tjón tikón ngindiee̱ nga kiniꞌánda ngayeje ni xi kiniꞌándaa̱.

Xota̱ Kolosa̱ 3:10

Kó ngotꞌe̱ ꞌne̱ xikoó tsi je kichajájnú ngo ńjño xi tja̱tsi̱e̱, nga Néná tjítsꞌéntja̱tsi̱e̱yajnú xi kókón kui, ko̱jo nga nda ngase xcha̱jnú kókón Néná.

Xo̱jo̱o̱n Sandiyaá 3:7

Xotaa̱ ka̱márií sa̱ꞌínńtꞌíé ngayeje to̱ko̱ya cho̱ tamá, ko̱jo ni̱sie, ko̱jo ye̱, ko̱jo cho̱o̱ ndáchíkoón, kó jè kamaá katsꞌénntꞌíé,

Xo̱jo̱o̱n Sandiyaá 3:9

Ti̱ kuii̱ najen xi niꞌánkjién, nga ndokjo̱a̱ nga niꞌántsjáa̱ Néná xí Na̱ꞌminá, ti̱kuíní xi niꞌánkjién, nga chꞌo ꞌmíi̱ xota̱ xi Néná katsꞌénda xikó kjiꞌi a̱sie̱én kuí.

1 Xo̱jo̱o̱n Juaa̱ 5:7

Ján má xi chistikoo̱,