Jenesii̱s 1:21 - Xo̱jo̱n eén Néná

²¹ Kó bo̱a̱ tsꞌén katsꞌénda Néná cho̱ xi yiꞌi ngi̱jin ndáchíkoón. Ko̱jo ngayeje to̱ko̱ya cho̱ xi síndo xi tsꞌéntíyà, kui xi kamáxchá ngi̱jin ndáfoaa̱, ko̱jo ngayeje cho̱ xi fítji̱e̱n nkꞌa jàn. Kó nga kamábe Néná nga tsjakon kamá kui nii̱,

Jenesii̱s 1:21 Iomraidhean Croise

Jenesii̱s 1:18

ko̱jo tsi̱ꞌe̱ nga ko̱tíxoma nga ni̱xtjii̱n ko̱jo nga ni̱xtji̱e̱e̱n, ko̱jo tsi̱ꞌe̱ nga kja̱xín kja̱xín kꞌuijñá nga tsijee̱n ko̱jo nga jñoó. Kó tji̱e̱nga Néná askotsijee̱n nga tsjakon kamá kui nii̱,

Jenesii̱s 1:20

Kósꞌe̱ bi̱ katsó Néná: «Mejénna nga ngi̱jin ndáchíkoón ngasꞌikitsie ngayeje to̱ko̱ya xi síndo. Mejénna nga kꞌuié cho̱ xi fítji̱e̱n nga̱són nga̱sondiee̱, kó ngatꞌítso̱ma xikó kjiꞌi nga tiyá nkꞌa jàn».

Jenesii̱s 1:22

bi̱ katsoó nga katsꞌénchikonñé: «Mejénna nga ngayeje cho̱ xi tjín ngi̱jin ndáchíkoón, ngatamatji̱e̱, kó ngatamakjín, ngasꞌikitsieni ngi̱jin ndáfoaa̱ ndáchíkoón, kó mejénna nga ni̱siee̱ ka̱makjín kui nga̱sondiee̱».

Jenesii̱s 1:25

Kó Néná katsꞌénda cho̱ kꞌijñá, cho̱ xi ma ꞌbítji̱e̱, cho̱ xi ꞌbifé yojoo̱ ko̱jo ndí cho̱ xi ꞌniú xi̱xi̱i̱.

Jenesii̱s 1:31

Kó tji̱e̱nga Néná askotsijee̱n nga tsjakon kamá ni xi katsꞌéndaa̱, kamájñó, sꞌe̱ jaskan kisisie̱èn. Kuí boá xi̱ꞌba̱ ni̱xtjin xi ma juu̱n.

Jenesii̱s 2:19

Néná katsꞌénda ngayeje cho̱ xi tjín ngi̱jin kꞌijñaá, ko̱jo ngayeje ni̱sie xi ꞌbímatji̱e̱n nkꞌa jàn, kó ki̱a̱ kijíjoo̱ kui nda̱a̱ tsi̱ꞌe̱ nga ku̱i̱ꞌítꞌajaꞌén, kó Andaa̱n ítꞌajaꞌén ngayeje kui cho̱o̱. Ta̱nga nde ngojín xi kasakoo̱ xi ka̱maa̱ nga nda ko̱síko̱jo nga nijan ka̱ma.

Jenesii̱s 7:14

Kó nínga tikón kui tjotso xi ta̱nisién ꞌniú jeé xki̱ jó jó jachó ngayeje to̱ko̱ya cho̱ xi ma ꞌbítji̱e̱, ko̱jo ngayeje to̱ko̱ya cho̱ kꞌijñá, ko̱jo ngayeje to̱ko̱ya cho̱ xi tjiín tsja̱nga̱ ko̱jo ngayeje to̱ko̱ya cho̱ xi ꞌbifé yojoo̱, ngo chjo̱on ngo xi̱ꞌin tsꞌasꞌien. Kó ngayejee̱ nga tsꞌasꞌien ngi̱ya kui tjotso xi ta̱nisién ꞌniú jee̱, kó ngije kamaá nga tsꞌasꞌien ngayejee̱, Néná íchjá nga̱ntjo̱a̱a̱.

Jenesii̱s 8:17

Ti̱ꞌinkjataxie ji ngayeje cho̱o̱ nga, ko̱jo cho̱ xi tjiín tsja̱nga̱, ko̱jo cho̱ xi ꞌbifé yojoo̱ kui xi síndojoo̱, tsi̱ꞌe̱ nga ka̱makjín ko̱jo ngasꞌikitsieni tꞌanangii̱».

Jenesii̱s 8:19

Jataxie ngayeje cho̱o̱ nga, ko̱jo cho̱ xi tjiín tsja̱nga̱, ko̱jo cho̱ xi ꞌbifé yojoo̱ nga.

Jenesii̱s 9:2

Ngi̱ya ndsa̱jnú tjítsꞌenkꞌasꞌien an tsi̱ꞌe̱ nga ko̱ti̱xomájnúu̱ ngayeje cho̱ xi tjín tꞌanangii̱, ko̱jo ngayeje ni̱sie xi tjín nkꞌa jàn, ko̱jo ngayeje cho̱ xi ꞌbifé yojoo̱, ko̱jo ngayeje cho̱ xi tjín ngi̱jin ndáchíkoón. Ngindyikónjnú kjo̱tsièndíkón má ngayeje kui cho̱o̱.

Jenesii̱s 9:7

»Kó mejénna nga jún kjín ndí ngatꞌiéjnú, kó ngasꞌikitsieni xota̱ tji̱e̱jnú ngayeje tꞌanangii̱».

Joo̱b 12:7

»Ta̱nga tasíyàjnúu̱ cho̱o̱, kó kuí ko̱kóyájnú, tasíyàjnúu̱ ni̱sie xi tjín nkꞌa jàn, kó kuí ka̱tso̱yàjnú,

Joo̱b 26:5

«Ngaskande nínga ꞌniú na̱nga̱a̱ ndáchíkoón, nga xota̱ xi je jesoón fotsié má nga tsakjón má.

Joo̱b 7:12

Ánjín bo̱a̱ xi cho̱ chꞌokjiꞌii̱ ndáchíkoón, tsi̱ꞌe̱ nga an xchindèní.

Xo̱jo̱n Salmoo̱ 148:7

Ti̱ꞌantsjàjnúu̱ Néná ndeskande ki̱a̱ tꞌanangii̱, ngatsꞌèntsjaà ngayeje cho̱ xi tjín ngi̱jin ndáchíkoón nga,

Éksondo̱ 1:7

Ta̱nga nga achichí kamá ndí xí kisꞌiee̱ xota̱ Israee̱l, tsá kamákjín xota̱ tji̱e̱e̱, kó ngo na̱xi̱ńdá xi je ko̱jo xi ꞌniú kamá. ¡Kuíni nga ngayeje nangi Ejipto̱ nga kisꞌieni xota̱ Israee̱l!

Éksondo̱ 8:3

Kó kꞌuié xkji̱e̱ ndejèꞌ Niloo̱, ko̱jo ndiꞌa nínga botixómá nda̱ ree̱, ko̱jo ndiꞌaa̱ já mosoo̱, ko̱jo ngayeje kui nangii̱. Kó kꞌo̱sꞌien ngi̱yaꞌmaa̱, ko̱jo kꞌuitsómasón nga̱són ṉchan nínga fojña nda̱ ree̱, ¡ngaskande nínga niꞌánda nda̱ꞌyo̱paa̱n kꞌuié kuí cho̱o̱!»

Jonaa̱ 1:17

Kósꞌe̱ Néná katsangiya ngo tji̱o̱ xi ta̱nisién ꞌniú je xi katjéjén ndo̱jò Jonaa̱. Kó Jonaa̱ ki̱a̱ kisꞌijña ngi̱ya nga̱tsꞌo̱a̱ kui tji̱o̱o̱ ján ni̱xtjin ko̱jo ján ni̱xtji̱e̱n.

Jonaa̱ 2:10

Kósꞌe̱ ti̱chaa̱n Néná, bi̱ katsoó tji̱o̱ xi ta̱nisién ꞌniú jee̱: «¡Tꞌenni̱ꞌinkjasé ji Jonaa̱ ki̱a̱ tꞌa chji̱ndi̱e̱e̱ ndáchíkoón!»

Matioo̱ 12:40

Ngatꞌa̱ xikótsꞌèn kisꞌijña Jonaa̱ ján ni̱xtjin ko̱jo ján ni̱xtji̱e̱n ngi̱ya nga̱tsꞌo̱a̱ ngo tji̱o̱ xi ꞌniú je, ti̱ bo̱a̱ ti̱ tsꞌén ndií nda̱ xi̱ꞌii̱n, ján ni̱xtjin ko̱jo ján ni̱xtji̱e̱n kꞌuijñá ngindie tꞌanangii̱.