Jenesii̱s 1:1 - Xo̱jo̱n eén Néná

¹ Ni̱xtjin nga Néná ítsꞌi̱yanii̱ nga katsꞌénda nkꞌa jàn ko̱jo nga̱sondiee̱,

Jenesii̱s 1:1 Iomraidhean Croise

Joo̱b 26:13

A̱si̱énni̱xtjii̱n katsꞌénkjién nga tsja katsꞌénkꞌié nkꞌa jàn, kó tsja má bo̱a̱ xi tsꞌénkjién nga tsꞌenkꞌién cho̱ chꞌokjiꞌii̱ ndáchíkoón.

Joo̱b 38:4

»Tsi kjeén nga ta̱nisién kjínkón ji, tꞌíyéní ñá tindyin ji kjiꞌanga katsꞌenda an nga̱sondiee̱.

Joo̱b 9:8

Kuí boá xi yejéntie soboá nkꞌajmii̱, kó ki̱a̱ fotsoꞌbásón nga̱soón ngaꞌniuú ndáchíkoón.

Xo̱jo̱n Salmoo̱ 102:25

Jí boá xi kiniꞌínde ji nga̱sondiee̱ ndeskande nga ítjatsꞌennii̱, kó nkꞌajmii̱, ni xi katsꞌenda ndse̱ boá.

Xo̱jo̱n Salmoo̱ 104:24

Ji Ne, achichí ni xi je kiniꞌínde ji, kó kjo̱a̱kjíntakóo̱n kiniꞌínkjín nga kiniꞌínde ji ngayejee̱. ¡Jè tjikítsieni nga̱sondiee̱ ngayeje ni xi ji kiniꞌínde!

Xo̱jo̱n Salmoo̱ 104:30

ta̱nga nangíyé ji A̱si̱énni̱xtjìi̱n, kó ngayeje nga̱sondiee̱ nga matja̱tsi̱e̱ya nginí.

Xo̱jo̱n Salmoo̱ 115:15

¡Néná ngatsꞌénchíkonñéjnú jún, kui Néná xí katsꞌénda nkꞌajmii̱ ko̱jo tꞌanangii̱!

Xo̱jo̱n Salmoo̱ 121:2

Néná boá xi kji̱ndi̱bákasikójona, kui xi katsꞌénda ndiꞌakꞌajmii̱ ko̱jo tꞌanangii̱.

Xo̱jo̱n Salmoo̱ 124:8

¡Kui xi katsꞌénda nkꞌa jàn ko̱jo nga̱sondiee̱ asíko̱jojne̱ nga jatjongijne̱ yojojne̱!

Xo̱jo̱n Salmoo̱ 134:3

¡Néná, kui xi katsꞌénda nkꞌa jàn ko̱jo nga̱sondiee̱, ngatsꞌénchíkonñeé ndeskande ki̱a̱ na̱ngo̱xi̱i̱!

Xo̱jo̱n Salmoo̱ 136:5

Néná boá xi katsꞌénda ngayeje nkꞌajmii̱ nga katsꞌénkjién kjo̱a̱kjíntakoón. ¡Ngatꞌa̱ Néná ngatsjéni̱xtjin nga tjoó ji̱n!

Xo̱jo̱n Salmoo̱ 146:6

Néná boá xi katsꞌénda nkꞌa jàn ko̱jo nga̱sondiee̱, ko̱jo ndáchíkoón, ko̱jo ngayeje ni xi tjiín. Néná ngatsjéni̱xtjin nga tsꞌénkjátjosón ni xi katsóyàtjón: kixi̱ tsꞌenseén xota̱ xi ndajín tjíniꞌánjo̱o̱, tsjaá nichinie xota̱ xi ndyi̱foaꞌatio kjindiaá, kó ꞌbíndondé xota̱ xi ndyi̱a̱ ndo̱bo̱a̱ya̱à.

Xo̱jo̱n Salmoo̱ 33:6

Ta̱ngatꞌanii̱ én xí tsíchji̱a̱ Néná nga kamánda nkꞌajmii̱, ta̱ngatꞌanii̱ nda̱ xi jatjoo̱ tsꞌoa nga kamánda ngayeje ńñoo.

Xo̱jo̱n Salmoo̱ 33:9

Ngatꞌa̱ kjiꞌanga kui xi tsíchji̱a̱, kamánda nii̱, kui katsjá ngo kjo̱a̱, kó jatjosón kui nii̱.

Xo̱jo̱n Salmoo̱ 8:3

Kjiꞌanga kotsijen ndá ndáa̱ nkꞌajmii̱, ko̱jo saá, ko̱jo ńñoo, kui ni xi ji kiniꞌínde ji,

Xo̱jo̱n Salmoo̱ 8:4

bi̱ xian an: «ꞌYání bo̱a̱ xota̱ nga̱sondiee̱, tsi̱ꞌe̱ nga kjo̱a̱ꞌátsjieen kui. ꞌYání bo̱a̱ xota̱ tji̱e̱e̱ Andaa̱n tsi̱ꞌe̱ nga xꞌi̱e̱xki̱ ji kui.»

Xo̱jo̱n Salmoo̱ 90:2

Ndeskande ngindiee̱ nga kiniꞌínde ji na̱xi̱i̱, ko̱jo ngindiee̱ nga katseꞌée̱ ndiꞌí tꞌanangii̱, ko̱jo nga̱sondiee̱, ndeskande koó ngasꞌe̱, ko̱jo ngatsjéni̱xtjin nga jí boá xi ji ji.

Xo̱jo̱n Salmoo̱ 96:5

Ngatꞌa̱ ngayeje ne xi tjiín xota̱ na̱xi̱ńdaá, ta̱ a̱si̱én tsí bo̱a̱, ta̱nga Néná, kuí boá xi katsꞌénda ndiꞌakꞌajmii̱.

Éksondo̱ 20:11

Ngatꞌa̱ jun ni̱xtjin katsꞌéndani an ndiꞌakꞌajmii̱, ko̱jo tꞌanangii̱, ko̱jo ndáchíkoón, ko̱jo ngayeje ni xi tjiín. Ta̱nga ni̱xtjin xi ma yitoo̱ katsꞌenkjaꞌyá án. Kuíni nga katsꞌenchikonñé an kui ni̱xtjii̱n, kó án xi bo̱a̱ kixian an nga ngo ni̱xtjin ndikón ka̱ma.

Éksondo̱ 31:18

Kó ki̱a̱ na̱xi̱ Sinaii̱, Néná katsꞌénkꞌasꞌiee̱n Moisee̱ kjo̱a̱botíxoma xi chjiéngá sa̱ꞌínkjatjosón xota̱ na̱xi̱ńdaá. Kó Néná má xi katsꞌénꞌindó kui kjo̱a̱botíxomaa̱, kó jó tie ndi̱jo̱ ítꞌa.

Énkjínkón 16:4

Tjín ngo kjo̱a̱ nga Néná katsꞌénda ngayeje nii̱, ¡kó ngaskande xota̱ xi ꞌniú ndajiín, kamánda tsi̱ꞌe̱ ni̱xtjin nga ka̱majeé!

Énkjínkón 3:19

Kjo̱a̱kjínkoón boá xi katsꞌénkjién Néná nga katsꞌénda tꞌanangii̱, kó kjo̱a̱kjíntakoón boá xi katsꞌénkjién nga ꞌniú íjñá nkꞌajmii̱.

Eklesiastee̱ 12:1

Ngatjaꞌátsjiee̱n kui Ne xi katsꞌéndaa, kjiꞌanga xo̱ngò ngase ji, ngindiee̱ nga kji̱ndi̱bá ni̱xtjin xi ndajiín, kósꞌe̱ bi̱ sé jí: «jè ngiti̱ tsjajín tjínna nga tikón an nga̱sondie».

Matioo̱ 11:25

Kui ni̱xtjin jàn Kjisoo̱, bi̱ katsó: –An tjítsꞌèntsjaà Na̱ꞌmi, Ndi̱a̱a̱ ndiꞌakꞌajmii̱ ko̱jo tꞌanangii̱, ngatꞌa̱ kui nii̱ ikꞌíjñiꞌmíi̱ xota̱ xi kjínkoón ko̱jo xi makjiín, kó akakèe̱ jákjíndií.

Markoo̱ 13:19

ngatꞌa̱ kui ni̱xtjin jàn achichí kjo̱a̱ni̱ma̱ kjo̱a̱ꞌatio ngayeje xotaa̱, kó ngo ni xi kji̱e̱ jmíni̱xtjin ma xi ka̱ma, ndeskande koó nga Néná ítjatsꞌennii̱ nga katsꞌénda nga̱sondiee̱ ngaskande ngotꞌe̱, ti̱nde ngiti̱ ka̱májín jaskan.

Ni xi kamá 14:15

–¡Jún já! Míkjo̱a̱a̱ nga bi̱ kjiꞌi ni xi ndyi̱niꞌánjnú. A yàjínjnú nga xota̱ ji̱n xikoó jún, ja̱ kuíni nga jéꞌe̱ ji̱n nga kꞌuiníjmi̱jne̱ éntjatsi̱e̱e̱ Néná, tsi̱ꞌe̱ nga kꞌuijñámasienjnú kui ni xi niꞌánjnú xi jmí ni chjíjiín, kó ta̱sá Néná ti̱ndyi̱sé nginíjnú, kui Néná xí tikón ja̱koxi̱i̱, xi katsꞌénda ndiꞌakꞌajmii̱, ko̱jo tꞌanangii̱, ko̱jo ndáchíkoón, ko̱jo ngayeje ni xi tjiín,

Ni xi kamá 17:24

Kui Ne xi katsꞌénda nga̱sondiee̱, ko̱jo ngayeje ni xi tjiín, kui xi Ndi̱a̱a̱ ndiꞌakꞌajmii̱ ko̱jo tꞌanangii̱, ki̱a̱jín tikón ngi̱ya ndiꞌa na̱ngo̱xi̱ xi katsꞌénda xotaa̱,

Ni xi kamá 4:24

Kó kui jaá ngije tsintꞌieé ni xi katsó, ngayejee̱ nga tsíchji̱a̱ xtiín Néná, nga bi̱ katsó: –Ji Ndi̱a̱, xi botíxome ji, ji xi kiniꞌínde ndiꞌakꞌajmii̱, ko̱jo tꞌanangii̱, ko̱jo ndáchíkoón, ko̱jo ngayeje ni xi tjiín kui nii̱,

Xota̱ Roma̱ 11:36

Ngatꞌa̱ Néná boá xi katsꞌénda ngayeje nii̱, kó ngayeje nii̱ síndo ta̱ngatꞌanii̱ kui, kó kuí tsi̱ꞌe̱. Néná xí Na̱ꞌmii̱ kui tsi̱ꞌe̱ ngatama kjo̱a̱jee̱ ngatsjéni̱xtjin. Bo̱a̱ kjiꞌi.

1 Xota̱ Korinto̱ 8:6

Ta̱nga ñá jè ya nga ta̱ ngo tsí má Néná xí tikón, xi Na̱ꞌmii̱, xi katsꞌénda ngayeje ni xi tjiín, kó kuí tsi̱ꞌe̱ ñá, kó ta̱ ngo tsí má Ndi̱a̱ná, kui xi Jesukristoo̱, kó ta̱ngatꞌanii̱ kui nga Néná katsꞌénda ngayeje nii̱, kó ta̱ngatꞌanii̱ Jesukristoo̱ nga tindyión ñá.

Xota̱ Éfeso̱ 3:9

Kó nga boko cha̱n cha̱a̱n ngayeje xotaa̱ kókjiꞌi ni xi índa, kui ni xi tjiꞌmaá ndeskande kui ni̱xtjin jàn kui Néná xí katsꞌénda ngayeje ni xi tjiín.

Xota̱ Ebreo̱ 1:10

Kó ti̱ bi̱ ti̱ tsó nga: Ji Ndi̱a̱, jí kiniꞌínde ji nga̱sondiee̱ ndeskande koó nga ítjatsꞌennii̱, kó ti̱ ndse̱ boá xi katsꞌénda ndiꞌakꞌajmii̱ nga.

Xota̱ Ebreo̱ 1:2

Kó ngotꞌe̱ ꞌne̱, kui ni̱xtjin xi kjifetꞌaa̱, Néná katsangiya ndií, kó kuí xí katsꞌénkjién nga tsíchji̱a̱joná, kó kuí boá xi katsꞌénkꞌasꞌiee̱n ngayeje nii̱, ko̱jo ta̱ngatꞌanii̱ kui nga Néná katsꞌénda ngayeje nga̱sondiee̱ ko̱jo ndiꞌakꞌajmii̱.

Xota̱ Ebreo̱ 11:3

Ta̱ngatꞌanii̱ kjo̱a̱sꞌijinná nga makjínná nga Néná katsꞌénda nga̱sondiee̱, nga katsꞌénkjién eén, kó kuíni nga ni xi ya ngotꞌe̱, ni xi yàjiín xí kamándani nga kisꞌijña.

Xota̱ Ebreo̱ 3:4

Ta̱jñà ndiꞌaní chjiéngá tjín xí sa̱ꞌínda, ta̱nga Néná boá xi katsꞌénda ngayeje nii̱.

2 Xo̱jo̱o̱n Peé 3:5

Kui xotaa̱ ngayeje kon nga mejénjiín sku̱i̱e̱ nga ndeskande koó ngasꞌe̱ nga ta̱ngatꞌanii̱ eén Néná nga kamánda ndiꞌakꞌajmii̱ ko̱jo tꞌanangii̱, kui tꞌanangi xi kisꞌijñaa̱, xi ngi̱jin ndáfoaa̱ kjindibánii̱.

1 Xo̱jo̱o̱n Juaa̱ 1:1

Ndyi̱ꞌbíni̱jmìjne̱ jún kjo̱a̱a̱ kui xi tikón ndeskande koó nga ítsꞌi̱yanii̱ nii̱, kui xi je kandaꞌyájne̱ nga tsíchji̱a̱jojne̱, ko̱jo kui xi ndyikón má ji̱n xi je kamábe, kui xi je kamáyà cha̱n cha̱n ji̱n, ko̱jo kui xi ndsa̱ má ji̱n xi je katsꞌénjo̱. Kuí boá xi Én xí tikoón, kui xi tsjaá kjo̱a̱mindyion xotaa̱.

Ni xi akakoo̱ 10:6

kó ngiboanéná katsó nga katsꞌénkjién jaꞌeén kui Néná xi tikón ngatsjéni̱xtjii̱n, kui xi katsꞌénda ndiꞌakꞌajmii̱, ko̱jo tꞌanangii̱, ko̱jo ndáchíkoón, ko̱jo ngayeje ni xi tjín ngi̱jii̱n, kó bi̱ katsó: –Jè ngiti̱ jmíjín ngase ni̱xtjin,

Ni xi akakoo̱ 14:7

kó bi̱ katsó nga ꞌniú tsíchji̱a̱: –Cha̱ndikónjnú Néná, kó te̱ꞌéjnúu̱ kjo̱a̱je, ngatꞌa̱ jè jachó oraa̱ nga kui xi ko̱tíjeé xota̱ nga̱sondiee̱, kó ti̱ꞌandikónjnú kui xi katsꞌénda ndiꞌakꞌajmii̱, ko̱jo tꞌanangii̱, ko̱jo ndáchíkoón, ko̱jo ndáńchꞌií.

Ni xi akakoo̱ 21:6

Kó bi̱ katsóna: –Jè kamá ngayeje nii̱. Án boá xi alfaa̱ ko̱jo xi omengaa̱, xi tjón ko̱jo xi fetꞌaa̱. Kó xi xíndaá, án xí ta̱ tsjañáa̱ nga kꞌuí ndáfoaa̱ kjo̱a̱mindyioo̱n.

Ni xi akakoo̱ 22:13

Án boá xi alfaa̱ ko̱jo xi omengaa̱, xi tjón ko̱jo xi fetꞌaa̱, xi ítjatsꞌennii̱ ko̱jo xi fetꞌaa̱.

Ni xi akakoo̱ 3:14

Kó ti̱ bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Laondiseaa̱: “Bi̱ tsó kui xi ꞌmí Bo̱a̱ kjiꞌii̱, kui xi chistiko̱ xi ꞌniátakón ko̱jo xi ja̱koxi̱i̱, kui xi ta̱ngatꞌanii̱ kui nga Néná ítsꞌi̱yanii̱ nga katsꞌénda ngayeje nii̱:

Ni xi akakoo̱ 4:11

Ndi̱a̱ xi tsa̱ji̱n, jí xí sa̱ko̱ó nga chjábé jí ngayeje kjo̱a̱je, kjo̱a̱yandikón ko̱jo ngaꞌniú, ngatꞌa̱ jí xi kiniꞌínde ji ngayeje nii̱, ngatꞌa̱ ta̱ngatꞌanií nga ji xi bo̱a̱ tsꞌén mejeén nga tjínní kui nii̱, ko̱jo nga kamánda.