Filemoo̱ 1:24 - Xo̱jo̱n eén Néná

²⁴ Ko̱jo tinde xò bo̱a̱ tsó Markoo̱, ko̱jo Aristarkoo̱, ko̱jo Ndemaa̱, ko̱jo Rkaa̱, kuí boá kui jaá xí ndyi̱bosikójona xá xí tjítsꞌen an.

Filemoo̱ 1:24 Iomraidhean Croise

Ni xi kamá 12:12

Kó ngije kamákjiín Peé ni xi kamaá, tji̱e̱nmá kijí ndiꞌaa̱ na̱ Riyaa̱, na̱aa̱n nda̱ xi ꞌmí Juaa̱, xi ti̱ Marko̱ kiꞌmií nga, nínga achichí kjín má xota̱ xi je síndotikó nga ndyi̱chji̱a̱a̱ Néná.

Ni xi kamá 12:25

Kó Bernabee̱ ko̱jo Sauloo̱ ngije kamá xaá ki̱a̱ na̱xi̱ńdáꞌniú Jerusale̱n, ti̱ kijíꞌoyá nginí nga nijan kijíjo̱ Juaa̱, kui nda̱ xi ti̱ Marko̱ kiꞌmií nga.

Ni xi kamá 13:13

Pabloo̱ ko̱jo xota̱ xi nijan tsoꞌbájo̱ ki̱a̱ Pafo̱ iskjíbé ngo tjotso je xi kijíyà nga kijí na̱xi̱ńdáꞌniú Perje̱, xi chji̱a̱ni nangi Panfilia̱, ta̱nga Juaa̱ ki̱a̱ íjñámasien kui jaá, kó kijíꞌoyá nginí na̱xi̱ńdáꞌniú Jerusale̱n.

Ni xi kamá 19:29

Kó ngayeje xota̱ na̱xi̱ńdaá nga nde ngiti̱ kamábejín mí xí sa̱ꞌín kui xotaa̱, kó bo̱a̱ tsꞌén kui xotaa̱ kjítsꞌuieé nda̱ xi ꞌmí Ngayoo̱ ko̱jo Aristarkoo̱, kui xi já xí chji̱a̱ni nangi Masendonia̱ xi nijan kijíjo̱ Pabloo̱, kó kachjafé kui jaá ngaskande ngi̱ndie nínga matikó xotaa̱.

Ni xi kamá 27:2

Kó tsanginyájne̱ ngo tjotso je xi chji̱a̱ni na̱xi̱ńdáꞌniú Andramitio̱ xi je makjí má ki̱a̱ nangi Asia̱, kó ki̱a̱ nijan tikónjo̱jne̱ nda̱ xi ꞌmí Aristarkoo̱, xi chji̱a̱ni Tesalónika̱, na̱xi̱ńdá xi chji̱a̱ni nangi Masendonia̱,

2 Xota̱ Korinto̱ 8:23

Kó kjo̱a̱a̱ Titoo̱ mejénna xiyàjnúꞌun nga nijan tjítsꞌénxájo̱na ta̱ngatꞌaa̱ kjo̱a̱nda tsa̱jún. Kó kjo̱a̱a̱ já ntsꞌie xí ngasee̱ xota̱ na̱ngo̱xi̱i̱ xí katsangiya, kó kui jaá ti̱ ndyi̱tsja̱á kjo̱a̱je Kristoo̱ kjo̱a̱a̱ xá xí ndyi̱tsꞌèn.

Xota̱ Filipo̱ 2:25

Ta̱nga tjítsꞌenkjó án nga chjiéngá sangiya nginíjnúꞌun nda̱ ntsꞌié Epafronditoo̱, nda̱ ntsꞌie án xi nijan tjítsꞌénxájo̱na, kó tsꞌénfoaꞌatiojo̱na kjo̱a̱ni̱ma̱ ngatꞌaa̱ Kristoo̱, kui xi ti̱ juún kanangiyajnúꞌun tsi̱ꞌe̱ nga ko̱síko̱jona nga sa̱ꞌín ni xi chjiénna.

Xota̱ Filipo̱ 4:3

Kó ji ꞌniú míꞌaá, ji xi ꞌniátakoón nga nijan ndyi̱niꞌánxá, tsi̱ꞌe̱ nga ko̱si̱ke̱je ji kui ínchjiín, kui xi nijan katsꞌénxájo̱na nga ini̱jmi án éntjatsi̱e̱e̱ Néná, ko̱jo Klementee̱ ko̱jo xota̱ xi ngase xi nijan katsꞌénxájo̱na. Kui xi je kjitꞌa jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjii̱n.

Xota̱ Kolosa̱ 4:10

Nda̱ xi ꞌmí Aristarkoo̱, xi nijan tikónjo̱ an ndo̱bo̱a̱yà, tinde xò bo̱a̱ tsó, ko̱jo nda̱ xi ꞌmí Markoo̱, xi ntsꞌi̱e̱xtio ma Bernabee̱, jún je kandaꞌyájnú én kjo̱a̱a̱ kui nda̱a̱. Tsi ki̱a̱ kjo̱chókónjnú nda ti̱ꞌanjo̱jnú.

Xota̱ Kolosa̱ 4:14

Tinde xò bo̱a̱ tsó Rkaa̱ kui nda̱ xi chji̱ni̱e̱ndiki tjoó, ko̱jo nda̱ xi ꞌmí Ndemaa̱.

1 Xo̱jo̱o̱n Peé 5:13

Tinde xò bo̱a̱ tsó xotaa̱ na̱ngo̱xi̱ xi tikón Babilonia̱ kui xi Néná jaꞌájin xikoó jún. Ko̱jo tinde xò bo̱a̱ tsó Markoo̱ kui xi ndína xiaan.

3 Xo̱jo̱o̱n Juaa̱ 1:8

Kuíni nga ñá chjiéngá ko̱e̱ꞌéndièe̱ ndiꞌaná kui ntsꞌié xí xikoó xi̱ꞌba̱. Kó bo̱a̱ tsꞌén nga ko̱si̱ko̱jó nga ku̱i̱ꞌíni̱jmì én xí ja̱koxi̱i̱ Néná.