Filemoo̱ 1:23 - Xo̱jo̱n eén Néná

²³ Tinde xò bo̱a̱ tsó Epafraa̱, nda̱ xi nijan tikónjo̱ an ndo̱bo̱a̱yà, ta̱ngatꞌanii̱ nga sꞌijii̱n Kristo̱ Kjisoo̱ nga.

Filemoo̱ 1:23 Iomraidhean Croise

Xota̱ Roma̱ 16:7

Tinde bo̱a̱ tꞌínjnú Andronikoo̱ ko̱jo Juniaa̱, kui xi ti̱ xota̱ Israee̱l xikoó án ko̱jo xi nijan kixindyionjne̱ ndo̱bo̱a̱yà, kui xi já apostro̱ boá kó yandikón, kó kui xi tjón ngase kisꞌijii̱n Kristoo̱ ta̱bo̱a̱jiín an.

Xota̱ Kolosa̱ 1:7

Kuí eén xi kamájnú nga akóyájnú nda̱ ntsꞌié xi tjóná xi ꞌmí Epafraa̱, kui nda̱ xi kixi̱ fíjo̱ xaá, nga tjítsꞌén xaá Jesukristoo̱ nganda tsa̱jún.

Xota̱ Kolosa̱ 4:10

Nda̱ xi ꞌmí Aristarkoo̱, xi nijan tikónjo̱ an ndo̱bo̱a̱yà, tinde xò bo̱a̱ tsó, ko̱jo nda̱ xi ꞌmí Markoo̱, xi ntsꞌi̱e̱xtio ma Bernabee̱, jún je kandaꞌyájnú én kjo̱a̱a̱ kui nda̱a̱. Tsi ki̱a̱ kjo̱chókónjnú nda ti̱ꞌanjo̱jnú.

Xota̱ Kolosa̱ 4:12

Tinde xò bo̱a̱ tsó nda̱ xi ꞌmí Epafraa̱, xi nda̱ nangijnú ma, xi ti̱ mosoo̱ Kristoo̱ nga, kui nda̱a̱ ngatsjéni̱xtjin nga ngayeje ini̱ma̱a̱ nga tsꞌénmíꞌatjéjnú jún nga chji̱a̱a̱ Néná, tsi̱ꞌe̱ nga ꞌniú ku̱i̱ndyiajnú nga ka̱mando̱jo kjin kjinjnú nga si̱ꞌánjnú ngayeje ni xi mejeén Néná.

Filemoo̱ 1:1

Án boá xi ꞌmína Pablo̱, kó tikón ꞌniú án ta̱ngatꞌanii̱ nga tsꞌénꞌbini̱jmì án Kristo̱ Kjisoo̱, ko̱jo nda̱ ntsꞌié xi ꞌmí Timoo̱ niꞌántindejne̱ ji, nda̱ ntsꞌie Filemo̱, ji xi tjójne̱ ngatꞌa̱ ti̱ xaá Kristoo̱ tiniꞌín ji nga.

Filemoo̱ 1:9

ta̱nga ta̱sá mejénna nga ꞌniú kuíꞌaá ta̱ngatꞌanii̱ kjo̱a̱tjoó. An, Pabloo̱, nga je kamáxchá án, kó nga ta̱ngatꞌanii̱ nga tsꞌénꞌbini̱jmì án Jesukristoo̱ nga tikón ꞌniú an ngotꞌe̱,