Filemoo̱ 1:16 - Xo̱jo̱n eén Néná

¹⁶ Jmí tsí xikoó ngo moso̱ xi kastiñá, ta̱sá xikoó ngo xota̱ xi chjí ngasenii̱ ta̱bo̱a̱jiín ngo moso̱ xi kastiñá, xikoó ngo nda̱ ntsꞌié xi tjó, ngatꞌa̱ achichí tjóna kui nda̱a̱, ta̱nga chjiéngá ꞌniú ngase ka̱ma tjoó ji, jmí tsi ta̱ kjo̱a̱a̱ nga xota̱ tsi, ta̱sá kjo̱a̱a̱ nga ntsꞌié boá.

Filemoo̱ 1:16 Iomraidhean Croise

Matioo̱ 23:8

Ta̱nga jún ngata̱ chiyájínjnúu̱ nga mostro̱ ka̱tso̱jnú xotaa̱, ngatꞌa̱ ta̱ ngo tsí má Mostroo̱, kó ngayejejnú ta̱ ngo ntsꞌiejnú.

Ni xi kamá 9:17

Kósꞌe̱ kijí Ananiyaa̱, kó tsꞌasꞌien ki̱a̱ ndiꞌa nínga tikón Sauloo̱, kó íjñasoón tsja Sauloo̱, kósꞌe̱ bi̱ katsoó: –Nda̱ ntsꞌie Saulo̱, Ndi̱a̱ Kjisoo̱ kui xi akoó yojoo̱ ngi̱ya ndi̱yà nínga kjindibé ji, kuí xí katsangiyana tsi̱ꞌe̱ nga ka̱matsijen nginií, kó kꞌuijñájii̱n A̱si̱énni̱xtjii̱n Néná.

1 Xota̱ Korinto̱ 7:22

Ngatꞌa̱ kui nda̱ xi moso̱ xi kastiñá kamá nga Néná tsíchji̱a̱a̱, jè nda̱ xi tikónndé ngindyi̱ko̱n Néná ngotꞌe̱, kó ti̱ bo̱a̱ ti̱ tsꞌén kui nda̱ xi tsoꞌbá ndé nga kandokjo̱a̱a̱, ngotꞌe̱ ꞌne̱ jè moso̱ xi kastiñá xi tsi̱ꞌe̱ Kristoo̱ je kamá.

Xota̱ Kolosa̱ 3:22

Jún xi moso̱ xi kastiñájnú, ndaꞌyáꞌénjnúu̱ ngayeje ni xi ka̱tso̱jnú ndi̱a̱jnú kui nga̱sondie xi̱ꞌbi̱, jmí tsi ta̱ kjiꞌa tsí nga ndyi̱kotsijenjnú tsi̱ꞌe̱ nga tsja ka̱maa̱ kui, ngayeje ini̱ma̱jnú nga ti̱ꞌankjatjosónjnúu̱, bo̱a̱ ti̱ꞌánjnú ngatꞌa̱ yandikónjnú Ndi̱a̱ná.

1 Timoo̱ 6:2

Kó xi tjiín ngo ndi̱a̱ xi sꞌijii̱n Néná, jmí tsi kjo̱a̱a̱ nga ndse̱je̱n sꞌijii̱n Néná ngo joó sꞌe̱ sku̱i̱e̱ndikónjín, ta̱sá chjiéngá nda ngase sa̱ꞌínseén, ngatꞌa̱ tjoó ndi̱a̱a̱ ko̱jo ngatꞌa̱ sꞌijii̱n Néná kui ndi̱a̱a̱. Kuí nii̱ xi takoyèe̱, ko̱jo tatíxomée̱ xota̱ na̱ngo̱xi̱i̱.

Xota̱ Ebreo̱ 3:1

Kó kuíni ntsꞌie, jún xi xota̱ na̱xi̱ńdá tsjiee̱, jún xí je tsíchji̱a̱jnú Néná tsi̱ꞌe̱ nga kui ko̱ndókjo̱a̱nijnú, ti̱ꞌankjó cha̱n cha̱njnú kjo̱a̱a̱ Kristo̱ Kjisoo̱ kui xi apostroo̱ Néná ko̱jo xi chináꞌmi xi ꞌniú nkꞌa xaá, kjo̱a̱a̱ kjo̱a̱sꞌijin xi tikónná.

1 Xo̱jo̱o̱n Juaa̱ 5:1

Ngayeje xota̱ xi sꞌijii̱n nga Kjisoo̱ xi Kristoo̱, Néná je katsjaá nga ndií kui ka̱ma. Ngayeje xota̱ xi tjoó Néná xí Na̱ꞌmii̱, ti̱ tjoó ngayeje ndií kui Na̱ꞌmii̱ nga.