Éksondo̱ 7:3 - Xo̱jo̱n eén Néná

^3-5 Sa̱ꞌínsénjínjnú nda̱ ree̱, kó tsja̱ndièjín nga kjo̱tjojnú, ngatꞌa̱ ti̱ ánní bo̱a̱ xi sa̱ꞌintajá án ini̱ma̱a̱. Ta̱nga kjín chi̱bo̱a̱ ko̱jo kjo̱a̱ndikón sa̱ꞌin an ki̱a̱ nangi Ejipto̱, kó jaskan sa̱ꞌínkjatjójnú ngijee̱. Ngayeje ngaꞌniúna sa̱ꞌinkjièn án nga sa̱ꞌinjée̱ xota̱ Ejiptoo̱, ¡kó án xí sa̱ꞌin an nga kixi̱ ka̱masee̱n ko̱jo nga kꞌoxié an xota̱ Israee̱l, kui xi xota̱ na̱xi̱ńdána, kó xikoó tsi jájún ka̱ma nga kjo̱tjoni kui nangii̱! ¡Kó kui xota̱ Ejiptoo̱ sku̱i̱e̱ nga án boá xi Nee̱ xota̱ Israee̱l!

Éksondo̱ 7:3 Iomraidhean Croise

Xo̱jo̱n Salmoo̱ 78:12

Ngindyi̱ko̱n xi xchaá katsꞌén ni xi fíndikónná, ki̱a̱ nangi Ejiptoo̱ ko̱jo kꞌijñaá Soaa̱n.

Éksondo̱ 11:10

Kó Moisee̱ ko̱jo Aaroo̱n ngindyi̱ko̱n nda̱ ree̱ katsꞌén ngayeje kui chi̱bo̱a̱ ko̱jo kjo̱a̱ndikón xi katsoó Néná nga sa̱ꞌín, ta̱nga nda̱ ree̱ achichí tajá katsꞌénra ini̱ma̱a̱, kó katsjandièjiín xota̱ Israee̱l nga kjo̱tjoni nangi Ejipto̱.

Éksondo̱ 11:9

Kósꞌe̱ Néná bi̱ katsoó: «Sa̱ꞌínsénjínjnú nda̱ ree̱, kó kuí nii̱ xi tsja̱ndièna nga kjín chi̱bo̱a̱ ko̱jo kjo̱a̱ndikón xí sa̱ꞌin an ki̱a̱ nangi Ejipto̱».

Éksondo̱ 14:4

Kó án boá xi sa̱ꞌin tajá án ini̱ma̱a̱ nda̱ ree̱, tsi̱ꞌe̱ nga ko̱e̱je̱tji̱ngijnú, kó nga bo̱a̱ sa̱ꞌín, sa̱ꞌinkjié an xota̱ juu̱n, kó kokòo̱ ngaꞌniúna. Bo̱a̱ tsꞌén nga xota̱ Ejiptoo̱ sku̱i̱e̱ nga án xi Néná án». Kó xota̱ Israee̱l katsꞌén ni xi katsoó Néná nga sa̱ꞌín.

Éksondo̱ 3:20

Kó an sa̱ꞌinkjièn án ngaꞌniúna, kó kjín ni xi fíndikónná xí sa̱ꞌin an xi sa̱ꞌínkjié kui xota̱ Ejiptoo̱, kósꞌe̱ kjiꞌá boá nga tsja̱ndiè nga kjo̱tjojnú kui ngi̱ndiee̱.

Éksondo̱ 4:21

Néná ja̱bo̱a̱ jè bi̱ katsoó Moisee̱: «Ngije kjóchí ji nangi Ejipto̱, ti̱ꞌin ji ngindyi̱ko̱n nda̱ ree̱ ngayeje kjo̱a̱ndikón xí kixiaan nga si̱ꞌin ji nga si̱ꞌinkjìn jí yánísiée̱. Án boá xi sa̱ꞌintajá án ini̱ma̱a̱ nda̱ ree̱ tsi̱ꞌe̱ nga sa̱ꞌínkjatjójín xota̱ na̱xi̱ńdaá.

Éksondo̱ 4:29

Kósꞌe̱ nga joó kijí, kó ítikó ngayeje ngito̱ko̱o̱ xota̱ Israee̱l,

Éksondo̱ 7:13

Ndatsi kui nii̱ kamá, ti̱ kuí xí nda̱ ree̱ katsꞌéntajá ini̱ma̱a̱, kó katsꞌénsénjiín Aaroo̱n ko̱jo Moisee̱, bo̱a̱ kamá xikó má katsoó Néná nga ka̱ma.

Éksondo̱ 9:16

Tsi kji̱e̱ bo̱a̱jín tsꞌen an, kjo̱a̱a̱ nga mejénna kokòo̱ ngaꞌniúna, ko̱jo kjo̱a̱a̱ nga mejénna nga ngayeje xotaa̱ kui nangii̱ sku̱i̱e̱na.

Énkjínkón 21:1

Ngi̱ya tsja Néná, ini̱ma̱a̱ ree̱, xikónií ngo ndejèꞌ, xi fí ndi̱yà xí mejeén Néná nga ko̱e̱je̱.

Juaa̱ 4:48

Kósꞌe̱ Kjisoo̱, bi̱ katsó: –Nde sꞌi̱jinjínjnú jún tsi xcha̱jínjnú ngo chi̱bo̱a̱ ko̱jo tsi ngo kjo̱a̱ndikón.

Ni xi kamá 2:22

Jún bo̱a̱ já xí chji̱a̱ni Israee̱l, ndaꞌyájnú kui én xí xian an: Kjisoo̱ nda̱ xi chji̱a̱ni na̱xi̱ńdáꞌniú Nasaree̱t, ngo nda̱ xi Néná akójnú nga kisꞌiee̱ ngaꞌniú, ko̱jo nga tsie kjo̱a̱ndikón xí katsꞌén ngi̱ya tsja nga kisꞌijñajo̱jnú, xikótsꞌèn ti̱ juún je yàjnú,

Ni xi kamá 7:36

Kó kuí Moisee̱ xi tsꞌaxié kui xotaa̱ ki̱a̱ nangi Ejipto̱, ngije katsꞌén kjo̱a̱ndikón kuí nangi jàn, ki̱a̱ Ndáchíkón Inií, ko̱jo ki̱a̱ nangi kixií yichán nó.

Xota̱ Roma̱ 15:19

Kristoo̱ katsꞌénkjién ngaꞌniú, ko̱jo chi̱bo̱a̱, ko̱jo kjín kjo̱a̱ndikón, ko̱jo ngaꞌniuú A̱si̱énni̱xtjii̱n Néná, kó kuíni nga bo̱a̱ tsꞌén tsꞌénchji̱a̱ an éntjatsi̱e̱e̱ Néná xi ꞌboxiéꞌáná kui xi tsi̱ꞌe̱ Kristoo̱, xi yaꞌanii̱ ndeskande na̱xi̱ńdáꞌniú Jerusale̱n, ngaskande nangi Ilíriko̱.

Xota̱ Roma̱ 9:18

Kó kuíni nga Néná ka̱mani̱ma̱a̱ xota̱ xi mejeén kui nga ka̱mani̱ma̱a̱, kó tajá sa̱ꞌín ini̱ma̱a̱ xi mejeén kui nga tajá sa̱ꞌín ini̱ma̱a̱.

Ndeuteronomio̱ 7:19

Ngayejejnú nga chistiko̱ kamájnú kjo̱a̱a̱ kui ngaꞌniú je xi akó Néná. Kamáyàjnú kjín kjo̱a̱ndikón xi katsꞌén nga tsꞌaxiéjnú ki̱a̱ nangi Ejipto̱, kó ti̱ bo̱a̱ ti̱ sa̱ꞌínjo̱ kui xota̱ na̱xi̱ńdá xi ndyi̱ndakónnijnú jún.