Éksondo̱ 7:11 - Xo̱jo̱n eén Néná

¹¹ Kósꞌe̱ nda̱ ree̱ tsíchji̱a̱a̱ xota̱ chji̱ni̱e̱ ko̱jo tjiꞌe xi kisꞌiee̱, tsi̱ꞌe̱ nga ti̱ bo̱a̱ ti̱ sa̱ꞌín kui jaá nga.

Éksondo̱ 7:11 Iomraidhean Croise

Jenesii̱s 41:8

Kó nga kamángindyiojoón achichí nda̱ kamaá, kó katsangiyakjaꞌá ngayeje xota̱ xi kotꞌasón xi chji̱a̱ni nangi Ejipto̱, ko̱jo ngayeje xota̱ xi kjínkón, kó kui nda̱ ree̱ katsóyaà ni xi tseꞌéchi̱nii̱, ta̱nga nde ngojín kui xotaa̱ xi katsóyaà mí ni xi mejeén tsó kui chi̱ni xi katseꞌeé nda̱ ree̱.

Éksondo̱ 7:12

Nga ngo nga ngo kui jaá tsꞌajmi yánísieé, kó ti̱ ye̱ kamá nga, ta̱nga yánísié xi ye̱e̱ Aaroo̱n katjéjén kui xi tsi̱ꞌe̱ kui jaá.

Éksondo̱ 7:22

Kó bo̱a̱ kamá xikó má katsó Néná, achichí tajá kamá ini̱ma̱a̱ nda̱ ree̱. Kó nga já tjiꞌe xi tjín nangi Ejipto̱ ti̱ jín katsꞌén ndáfoaa̱ nga, kó tsintꞌiéꞌénjiín Aaroo̱n ko̱jo Moisee̱. Kó nda̱ ree̱ kijí nginí ndiꞌaa̱.

Éksondo̱ 8:18

Kó já tjiꞌe xi tjín nangi Ejipto̱ kamámejeén ti̱ bo̱a̱ ti̱ katsꞌén nga, ta̱nga kamájiín. Kó nga kui ndi̱ꞌi̱i̱ iskjinieraa̱ xotaa̱ ko̱jo cho̱o̱,

Éksondo̱ 8:3

Kó kꞌuié xkji̱e̱ ndejèꞌ Niloo̱, ko̱jo ndiꞌa nínga botixómá nda̱ ree̱, ko̱jo ndiꞌaa̱ já mosoo̱, ko̱jo ngayeje kui nangii̱. Kó kꞌo̱sꞌien ngi̱yaꞌmaa̱, ko̱jo kꞌuitsómasón nga̱són ṉchan nínga fojña nda̱ ree̱, ¡ngaskande nínga niꞌánda nda̱ꞌyo̱paa̱n kꞌuié kuí cho̱o̱!»

Éksondo̱ 8:7

Kó já tjiꞌee̱ ti̱ bo̱a̱ ti̱ katsꞌén nga nga katsꞌénkjién kjo̱a̱tjiꞌee̱ kó katsꞌénkjatjo xkji̱e̱ ngi̱jin ndáfoaa̱, xi íkitsieni ngayeje nangi Ejiptoo̱.

Matioo̱ 24:24

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ tsi kꞌo̱ṉcha̱jo xota̱ xi je jaꞌájin Néná.

Xota̱ Ngalasia̱ 3:1

Jún xota̱ Ngalasia̱, ¡mí xí ta̱ chi̱ninijnú! ꞌYá xí tsꞌenṉcha̱jojnú jún tsi̱ꞌe̱ nga ko̱nda̱ꞌyáꞌénjínjnúu̱ kui én xí ja̱koxi̱i̱. Ngatꞌa̱ jè akako cha̱n cha̱n xikoó tsi jún má xi kamáyàjnú kui Jesukristo̱ xi akjatꞌa kroo̱.

Xota̱ Éfeso̱ 4:14

Bo̱a̱ tsꞌén nga ngiti̱ xikójiín ngo ndí ka̱ma ñá xí ngotjón ngotjón bosíkjo ni xi tsꞌénkjó. Ka̱májín ta̱xkiya kongíntji̱ngí ngo kjo̱a̱bokoyá tja̱tsi̱e̱ xi skjiénná kó kꞌo̱ṉcha̱joná, kui xi bokoyá xota̱ maña̱ xi ndi̱yà xi ndajín tjimaá.

2 Xota̱ Tesalónika̱ 2:9

Kui xota̱ nga̱sondie xi tsi̱ꞌe̱ jeé, xindajín Satanaa̱ boá xi ko̱síko̱jo nga kji̱ndi̱bá, kó achichí ngaꞌniú kꞌuieé, kó sa̱ꞌín chi̱bo̱a̱ ko̱jo kjo̱a̱ndikón xí ndiso.

2 Timoo̱ 3:8

Kó xikó katsꞌén já tjiꞌe Janee̱ ko̱jo Jambree̱ nga kondra̱ kijií Moisee̱, ti̱ bo̱a̱ ti̱ tsꞌén kui xotaa̱ kondra̱ síndoo̱ ni xi ja̱koxi̱i̱. Xota̱ xi je jatson kjo̱a̱kjíntakoón boá, kó ya nga ngiti̱ sꞌijinjiín Néná.

2 Timoo̱ 3:9

Ta̱nga kjo̱tjosónjín ni xi ndyi̱tsꞌènkjó, ngatꞌa̱ ngayeje xotaa̱ makjiín nga xota̱ chi̱ni boá, xikó kamaá Janee̱ ko̱jo Jambree̱.

Ni xi akakoo̱ 19:20

Kó kui cho̱ chꞌokjiꞌii̱ kandobá, ko̱jo kui nda̱ chji̱ni̱e̱ꞌén ndísoó kui xi kjín kjo̱a̱ndikón katsꞌén ngindyi̱ko̱n, kui kjo̱a̱ndikón xí katsꞌénkjién, kui nda̱ chji̱ni̱e̱ꞌe̱én ndísoó nga índisojo̱ xota̱ xi katsjandiè nga ikꞌíjñaá chi̱bo̱a̱a̱ kui cho̱ chꞌokjiꞌii̱, ko̱jo nga katsꞌéndikón a̱sie̱én, kó kui cho̱ chꞌokjiꞌii̱, ko̱jo nda̱ chji̱ni̱e̱ꞌe̱én ndísoó, ikichijmijin tikón ngi̱jii̱n ndáchíkón ndiꞌí xí ta̱nisién ꞌniú je nínga tjítíngajo̱ ndso̱ko̱a̱n asufree̱.