Éksondo̱ 4:5 - Xo̱jo̱n eén Néná

⁵ —Kui nii̱ ti̱ꞌin ji ngindyi̱ko̱n ngito̱ko̱o̱ xota̱ Israee̱l nga. Ngije sku̱i̱e̱ nga yánísieé ye̱ kamá, kjiꞌá boá nga sꞌi̱jii̱n nga je kamáyèní án, kó nga án boá xi Nee̱ xota̱ xi xchaá.

Éksondo̱ 4:5 Iomraidhean Croise

Jenesii̱s 12:7

Kó Néná jatjokjaà Abra̱n ki̱a̱a̱, kó bi̱ katsoó: «Xota̱ tji̱e̱ tse̱ boá xi tsjàa̱ ngayeje kui tꞌanangii̱». Kó Abra̱n ki̱a̱ katsꞌéndaa̱ ngo ṉchandikón Néná, ngatꞌa̱ ki̱a̱ jatjokjaà.

Jenesii̱s 17:1

Kjiꞌanga kamá ichítié ko̱jo yichán nijan noó Abra̱n, Néná jatjokjaà, kó bi̱ katsoó: «Án boá kui Ne xi tsi̱ꞌe̱ ngayeje ngaꞌniuú, ndaꞌyéꞌínní ngatsjéni̱xtjin kó kixi̱ ti̱ńtje̱ ji.

Jenesii̱s 18:1

Bi̱ kamá kjiꞌanga Néná jatjokjaà Abraa̱n ki̱a̱ nínga tjín yáꞌensino̱ xi tikóntꞌa kꞌijñá xi ꞌmí Mamree̱. Kui ni̱xtjin jàn achichí sibé kamá ndoboaá, kó Abraa̱n xió kisꞌijña ngi̱xtio nga̱ntjo̱a̱a̱ ndiꞌa xi tji̱xi̱ín cho̱ kamándanii̱.

Jenesii̱s 28:13

Kó kamábe nga nínga tikón ndyi̱ko̱n kui yákíjo̱o̱n, ki̱a̱ tikón Néná, kó Néná bi̱ katsó: «Án boá xí Nee̱ Abraa̱n, ko̱jo xi Nee̱ Isaa̱, kó tsꞌénxiyaa nga kui tꞌanangi nínga titsjajni ji, ji ko̱jo xota̱ tji̱e̱ tse̱ boá xí tsjàa̱.

Jenesii̱s 48:15

Kósꞌe̱ katsꞌénchikonñé Kosiee̱ nga bi̱ katsó: «Kui Néná xi Nee̱ na̱ꞌmindyiboana Abraa̱n, ko̱jo Nee̱ na̱ꞌmina Isaa̱, kui Néná xi tsꞌénbokóna ndi̱yà ngayeje ni̱xtjin nga tikòn an nga̱sondie.

Jenesii̱s 48:3

kó bi̱ katsoó Kosiee̱: —Kui Néná xi tjiín ngayeje ngaꞌniuú, ki̱a̱ jatjokjàna ki̱a̱ na̱xi̱ńdá Betee̱l ki̱a̱ nangi Kanaa̱n, kó ki̱a̱ katsꞌénchikonñéna,

Éksondo̱ 3:18

»Jè be an nga xota̱ ngito̱ko̱o̱ xota̱ Israee̱l sa̱ꞌínseén ji, kuíni nga ji ko̱jo kui xotaa̱ tangínchonjnúu̱ nda̱ ree̱ nangi Ejipto̱, kó bi̱ tꞌínjnúu̱: “Nda̱ re, Nejne̱ jè jèꞌekónjne̱ kó te̱ꞌéndièjne̱ nga kongínjne̱ nangi kixií, ngo ngi̱ndie nínga ján ni̱xtjin fí ndsa̱ko, ki̱a̱ ka̱maa̱ nga ki̱a̱ si̱ꞌantsjajne̱ Nejne̱ ko̱jo ki̱a̱ si̱ꞌankꞌasꞌienjne̱ kjo̱a̱tjó”.

Éksondo̱ 3:4

Nga kamábe Néná nga Moisee̱ kijíkatsijen boaꞌá ki̱a̱a̱, ꞌniú tsíchji̱a̱jo nga bi̱ katsoó: —¡Ta̱si̱n ji ki̱a̱a̱ Moise̱! Kó Moisee̱ bi̱ katsó: —¡Mí xí kjima Ndi̱a̱!

Éksondo̱ 3:6

Án boá xi Nee̱ xota̱ xi xcháa̱, Án boá xi Nee̱ Abraa̱n, Nee̱ Isaa̱ ko̱jo Nee̱ Jakoo̱b. Nga tsintꞌié kuí nii̱ Moisee̱, kamámejénjiín askotsijee̱n Néná ngatꞌa̱ katsakjónní, kó ta̱sá yíꞌmá kje̱n.

Éksondo̱ 4:1

Ta̱nga Moisee̱ bi̱ katsoó Néná: —Ngito̱ko̱o̱ xota̱ Israee̱l sꞌi̱jinjiín nga je kamábee̱ ji, kó ti̱nde ku̱i̱ntꞌiéꞌénjínna nga.

Éksondo̱ 4:31

Kó xota̱ Israee̱l katsꞌénsꞌijii̱n Moisee̱, kó nga tsintꞌié nga Néná ko̱síko̱jo kui xotaa̱, asiéntikoó ngaskande nga kisitꞌaa̱ xtjien tꞌanangii̱, kó katsꞌéntsjaà Néná.

Éksondo̱ 4:4

ta̱nga Néná bi̱ katsoó: —Ngotꞌe̱ ꞌne̱ tjintie ji ndse̱ kó ńtsꞌen ye̱e̱ chjábéní ji. Kó Moisee̱ bo̱a̱ katsꞌén, yejéntie tsja kó iskjíbéní ńtsꞌen kui ye̱e̱, kó yánísié kamá nginí kui ye̱e̱ ngi̱ya tsja Moisee̱. Kósꞌe̱ Néná bi̱ katsoó:

Juaa̱ 11:15

kó tsja mana kjo̱a̱a̱ jún, ngatꞌa̱ ki̱a̱jín kisꞌijña an tsi̱ꞌe̱ nga sꞌi̱jinjnú, ta̱nga tjián nínga tikón.

Juaa̱ 11:42

Jè be an nga ngatsjéni̱xtjin ndaꞌyéní, ta̱nga bo̱a̱ kixian an kjo̱a̱a̱ xota̱ xi síndotꞌana, tsi̱ꞌe̱ nga sꞌi̱jii̱n nga ji xi kanangiyení.

Juaa̱ 20:27

Sꞌe̱ Kjisoo̱, bi̱ katsoó Tomaa̱: –Tꞌíjñí ji ńjná ndse̱ kꞌi̱e̱e̱, kó tsitsíjìi̱n ndsa̱ án, kó ndibéje̱boeꞌé ndse̱, kó nangísꞌín ji ni̱se̱nna. Ndajín tiniꞌín nga sꞌijinjín kjimaa̱, ta̱sá sꞌijin ngatamaa̱.

Juaa̱ 20:31

ta̱nga kui ni xi kjitꞌa kꞌi̱e̱e̱, tsi̱ꞌe̱ nga sꞌi̱jinjnú nga Kjisoo̱ xí Kristoo̱, xi ndií Néná, kó si̱ꞌansꞌijinjnú tsi̱ꞌe̱ nga kꞌuiéjnú kjo̱a̱mindyion ngi̱yaa̱ jaꞌeén kui.

Juaa̱ 5:36

Ta̱nga an tikónná ngo én chistiko̱ xi je ngase, ta̱bo̱a̱jiín xi tsíchji̱a̱ Juaa̱ kjo̱a̱a̱ an, ngatꞌa̱ kuí xá xí katsjána Na̱ꞌmina xi katsangiyana, tsi̱ꞌe̱ nga kjo̱tjosón ni xi tsꞌen an ngotꞌe̱, kuí xí chji̱a̱ kjo̱a̱a̱ ni xi tsꞌen an.

Ni xi kamá 7:2

Kó Ixtibaa̱, bi̱ katsó: –Jún ntsꞌie, ko̱jo jún xi na̱ꞌmijnú, ndaꞌyájnúꞌun: Kui Néná xí tjiín kjo̱a̱jee̱, akoó yojoo̱ xota̱ tji̱e̱ xcháná xi ꞌmí Abraa̱n kjiꞌanga kisꞌijña nangi Mesopotamia̱ ngindiee̱ nga ko̱e̱je̱ nangi Ara̱n,

Xota̱ Ebreo̱ 11:16

Ta̱nga ngo na̱xi̱ńdá xí nda ngase xi kamámejeén, kó kuí boá xi tikón ndiꞌakꞌajmi jàn. Kuíni nga Néná, soboájín maá nga Nee̱ kui xota̱ tjíꞌmií, ngatꞌa̱ jè íjñandaa̱ ngo na̱xi̱ńdá.