Éksondo̱ 16:3 - Xo̱jo̱n eén Néná

³ Kó bi̱ katsoó: «Jún kꞌi̱e̱ kjindibájo̱jnú ji̱n kui ngi̱ndie kixií tsi̱ꞌe̱ nga kꞌi̱e̱ ko̱yà bojójne̱. Ta̱sara̱ ndatsi Néná ki̱a̱ katsꞌénkꞌiénjne̱ nangi Ejipto̱. Ngatꞌa̱ kui ngi̱ndie jàn kisꞌiejne̱ ti̱jìꞌásó yiꞌi xi tjikítsie má yojo xi kachján, kó kichiniejne̱ ngaskande nga nda kitsiejne̱».

Éksondo̱ 16:3 Iomraidhean Croise

Joo̱b 3:1

Ti̱chaa̱n jachó chi̱bo̱a̱ nga Joo̱b ngiti̱ kichikjo̱a̱jín ngasee̱, kó ítsꞌi̱yanii̱ nga chꞌo tsꞌén tsíchji̱a̱ kjo̱a̱a̱ ni̱xtjin nga katsen.

Joo̱b 3:10

Ngatꞌa̱ íchjájín ndo̱bo̱a̱ndií na̱anna, nínga tikónꞌya an, kó katsjandiè nga katsꞌen an, ti̱nde íꞌmájiín ndyikón án ngayeje kjo̱a̱ni̱ma̱ xi tjiín.

Joo̱b 3:20

»Míkjo̱a̱a̱ nga Néná tsjandiè nga tsen xota̱ xi kjo̱a̱ni̱ma̱ kjo̱a̱ꞌatio nga kꞌuíndo nga̱sondiee̱. Míkjo̱a̱a̱ nga to̱kó tsꞌénkꞌíndora nga̱sondie xota̱ xi síndo xtindaa̱,

Xo̱jo̱n Salmoo̱ 107:5

Kamá bojó kamá xíndaá, kó ngiti̱ katsꞌénkjójín ngase nga kꞌuíndo ngase nga̱sondie.

Xo̱jo̱n Salmoo̱ 78:19

Kó tsíchji̱a̱taꞌin Néná, nga bi̱ katsó: «A ka̱márií Néná ku̱i̱ꞌíjñá ngo yámíxa̱ kꞌi̱e̱ nangi kixií.

Xo̱jo̱n Salmoo̱ 78:25

Pan xi kjinie ndítsjiee̱ katsjaá xota̱ nga̱sondiee̱, kó tsie nichinie katsangiyaa̱, ngaskande nga nda stsi̱e̱é.

Éksondo̱ 14:11

Kó xota̱ Israee̱l katsꞌénxchán nga bi̱ katsoó Moisee̱: —Ánní nga kaꞌnaxiéjne̱ nangi Ejipto̱. Ánní nga kꞌi̱e̱ jéꞌe̱jejne̱ nangi kixií nga kꞌi̱e̱ kju̱i̱e̱sónjne̱. A jmí ngi̱ndiejín nangi Ejipto̱ nga ki̱a̱jín akjanijínjne̱.

Éksondo̱ 17:3

Achichí ꞌniú kamáxíndaá kui xota̱ na̱xi̱ńdaá, nga ngaskande ítsꞌi̱yanii̱ nga katsꞌénxchánjo̱ Moisee̱ nga bi̱ katsoó: —A kuí xá kaꞌnaxiénijne̱ nangi Ejipto̱ tsi̱ꞌe̱ nga ko̱yà xíndájne̱ ji̱n ko̱jo ndíjne̱ ko̱jo cho̱yojojne̱.

Éksondo̱ 2:23

Ngije jaꞌa kjín nó, kꞌien nda̱ re xi chji̱a̱ni nangi Ejipto̱, kó xota̱ Israee̱l achichí ni̱ma̱ katsó kjo̱a̱a̱ nga moso̱ kamá ki̱a̱a̱, ngatꞌa̱ tsie kjo̱a̱ni̱ma̱ jaꞌa.

Éksondo̱ 5:21

bi̱ katsoó: —¡Néná ngatsꞌénjéjnú kjo̱a̱a̱ ni ndajín xi kiniꞌánjo̱jnú jún ji̱n! Ngotꞌe̱ ꞌne̱ nda̱ ree̱ ko̱jo xotaa̱ achichí ꞌniú chꞌo ngasee̱ ji̱n ta̱bo̱a̱jiín ngasꞌe̱. ¡Ti̱ júnní bo̱a̱ xi ndyi̱boeꞌéjnú ngo kjo̱a̱ tsi̱ꞌe̱ nga sa̱ꞌínkꞌiénjne̱ nda̱ ree̱!

Kjo̱a̱chaꞌaá 4:9

Nda ngase kamaá xota̱ xi ki̱a̱ jesón ngi̱jii̱n kjo̱a̱xcha̱án, ta̱bo̱a̱jiín xota̱ xi jesón kjindiaá, ngatꞌa̱ inda inda jesón kuí, ta̱ngatꞌanii̱ nga ngiti̱ kasakojiín to xi tsjá tꞌanangii̱.

Xki̱ 11:15

Tsi to̱kó bo̱a̱ si̱ꞌinje̱ní, ta̱sá ti̱ꞌinkꞌinní. ¡Ngo kjo̱a̱nda xi si̱ꞌínní tsí bo̱a̱ si̱ꞌin ji! ¡Achichí jè tsie kjo̱a̱xti xi tjínna an ko̱jo kui xotaa̱!

Xki̱ 11:20

Ngaskande ngo sá tsjàa̱ nga skji̱ni̱e̱ yojo, ngaskande nga kꞌo̱joo̱n nga skji̱ni̱e̱, ¡ngaskande nga ka̱ma tsꞌe̱e̱, ko̱jo ngaskande nga ṉtjo̱n kjo̱tjoni kui yojoo̱! »Kuí boá kui nii̱ xi ka̱majénií kjo̱a̱a̱ nga katsꞌénchꞌóna, kó nga kamábendikónjínna ngindyikónjnú. Kuí boá kui nii̱ xi ka̱maa̱ ta̱ngatꞌanii̱ nga bi̱ katsó: “¡Ta̱sara̱ nda ngase tsi ki̱a̱ kixindyión nangi Ejipto̱!”

Xki̱ 14:2

Tsíchji̱a̱taꞌin Moisee̱ ko̱jo Aaroo̱n nga bi̱ katsoó: «¡Ta̱sara̱ ndatsi ki̱a̱ akayà nangi Ejipto̱, ko̱jo tsi kꞌi̱e̱ nangi kixií!

Xki̱ 14:3

Míkjo̱a̱a̱ nga kꞌi̱e̱ jeꞌejo̱ná Néná kui ngi̱ndiee̱. A ta̱ tsi̱ꞌe̱ nga kꞌi̱e̱ tsí si̱ꞌankꞌien yejená, kósꞌe̱ kongínjo̱ ꞌniú yeje ínchjínná ko̱jo ndíná. ¡Ta̱sá ndatsi konginꞌóyá ngíñá nangi Ejipto̱!»

Xki̱ 16:13

Achichí ni xi ndajínkjiꞌi xi je kiniꞌínje̱jne̱ nga kaꞌnaxiéjne̱ na̱xi̱ńdá nínga achichí nichinie kisꞌiejne̱ xikó kamá ki̱a̱ Ejiptoo̱. Jí boá xi bo̱a̱ kasejne̱ nga ki̱a̱ kꞌuínje̱jne̱ ngo nangi nínga achichí ngi̱ndie tjín nínga maxchá tostsi̱jè, nínga ngatsjéni̱xtjin kꞌuié nichinie. ¡Ta̱nga ta̱ kꞌi̱e̱ jéꞌe̱je tsíjne̱ nangi kixií nínga jmíjín ni xi nda! Kó a to̱kó bo̱a̱ tsꞌén mejeén nga ko̱nda̱ꞌyáꞌénjne̱ ji ko̱jo nga ki̱a̱ kongintjingíjne̱. A xota̱ ti̱ka̱jne̱ kjimaa̱ ji. ¡Mejénjínjne̱ xcha̱jne̱ ji ko̱jo mejénjínjne̱ ko̱ndókjo̱a̱jojne̱ ji!»

Xki̱ 16:41

Nga kamángindyiojón, ngayeje xota̱ na̱xi̱ńdaá kamátikó kó ítsꞌi̱yanii̱ nga yíngítaꞌin Moisee̱ ko̱jo Aaroo̱n. Kamámejeén katsꞌénꞌoón, kó bi̱ katsó: «¡Ta̱ngatꞌanii̱ jún nga kjifesón xota̱ na̱xi̱ńdaá Néná!» Kósꞌe̱ jó kui jaá tsꞌasꞌien ki̱a̱ ndiꞌandikoón, kó kui ṉdi̱i̱ yíꞌmáni. Kó Néná ki̱a̱ jachó nga jachójo̱ kjo̱a̱jee̱,

Xki̱ 21:5

kó ítsꞌi̱yanii̱ nga katsꞌénxchán kondraa̱ Néná. Kó bi̱ katsoó Moisee̱: «Míkjo̱a̱a̱ nga kaꞌnaxiéjne̱ ki̱a̱ nangi Ejipto̱. A ta̱ tsi̱ꞌe̱ nga kꞌi̱e̱ tsí ko̱yàjne̱ nangi kixií. ¡Ti̱nde pan, ti̱nde ndáfoa jmíjínjne̱, kó jè tsꞌajónjne̱ kui nichinie xtoón!»

Ni xi kamá 26:29

Kó bi̱ katsó Pabloo̱ ngijee̱: –Tsi tsie ko̱jo tsi chiboa ni̱xtjin, achichíra̱ ndakjiꞌi tsi Néná xí bo̱a̱ ka̱tso̱ nga jmí tsi ta̱ jí tsí xi sꞌijii̱n nda̱ re, ko̱jo ngayeje xota̱ xi ndyi̱ntꞌièna ngotꞌe̱ xi nga sꞌijii̱n nga, tsi̱ꞌe̱ nga bo̱a̱ sa̱ꞌín xikó tjítsꞌen an, ta̱nga nga kuijín ńꞌniúki̱cha̱a̱ si̱tꞌa.

1 Xota̱ Korinto̱ 4:8

Jún xi xota̱ xi sꞌijii̱n nga je nda kitsiejnú, jè cho̱njnú. ¡Jún xikónií já re xi machjiénjiín ji̱n. Mejénna nga re ja̱koxi̱ ka̱majnú, tsi̱ꞌe̱ nga bo̱a̱ tsꞌén ko̱jo ji̱n sa̱kójne̱ xá nga nijan ko̱ti̱xomá!

2 Xota̱ Korinto̱ 11:1

¡Achichíra̱ ndakjiꞌi tsi si̱ꞌanchíkjo̱a̱ chiíjnúꞌun, tsi xikoó ngo nda̱ xi tsobeé nga kuichjiájojnúꞌun! Ta̱ xikótsꞌénnií, ta̱nga ti̱ꞌanchíkjo̱a̱ chiíjnúꞌun.

Ndeuteronomio̱ 8:3

Jè katsꞌénkjaꞌájnú kjindiá, ta̱nga katsjájnú nichinie xi kjindibájénni ndiꞌakꞌajmii̱, ngo nichinie xi ti̱nde jún, ti̱nde xota̱ xi xchájnú kamábejín. Kó kui nii̱ xi katsꞌén Néná nga akóyájnú, tsi̱ꞌe̱ nga ndatsi kꞌuiéjínjnú nichinie, ta̱nga ka̱ma ka̱maꞌniátakónjnú ni xi katsóyàtjón ko̱jo eén, tsi̱ꞌe̱ nga ku̱i̱ndyionjnú nga̱sondie.