Éksondo̱ 13:2 - Xo̱jo̱n eén Néná

² «Ndí xíꞌín xi tjoón nga ngo xtín xota̱ ndiꞌa, án boá xi si̱ꞌankꞌasꞌienna. Ko̱jo ngayeje ndí tjoón cho̱ tjié xi tjiín xota̱ Israee̱l ti̱ an si̱ꞌankꞌasꞌienna nga».

Éksondo̱ 13:2 Iomraidhean Croise

Éksondo̱ 13:1

Néná tsíchji̱a̱jo Moisee̱, kó bi̱ katsoó:

Éksondo̱ 22:28

»Ngata̱ chꞌójín tsꞌén ndokjo̱a̱taꞌínjnú nendiꞌamasiee̱n, ti̱nde ngata̱ chꞌójín ꞌmíjnúu̱ xota̱ xi botixómaá nangijnú.

Éksondo̱ 23:19

»Ni xi ꞌniú nda ngase xi tjón kamáxchá jno̱jnú, kuí boá kjo̱a̱tjó xi ndibájo̱jnú na̱ngo̱xi̱na. »Ngata̱ ki̱a̱jín ngi̱jii̱n ntsjeén na̱aa̱n ndí tindso̱ chichií niꞌánchjánjinjnú».

Éksondo̱ 4:22

Kósꞌe̱ ji bi̱ sée̱ nda̱ ree̱, bi̱ tsó én xí katsangiya Néná: “Án boá xi Ne an, kó achichí tjóna xota̱ Israee̱l, kuí boá xi xikoó tsi ndí tjónna.

Lebitiko̱ 27:26

»Ngojín xi an sa̱ꞌínkꞌasꞌienna ndí tjoón cho̱yojoo̱ ko̱jo tsi cho̱tsa̱nga̱a̱, ngatꞌa̱ to̱kó tsa̱ꞌa̱n boá kui cho̱ xi tjoón.

Xki̱ 18:15

»Ti̱ tsa̱jún ka̱ma ndí tjoón ngayeje xota̱ Israee̱l, ko̱jo ndí tjoón cho̱ xi maxchaá, ta̱nga ka̱má ngo kjo̱a̱tjó ko̱sítꞌani ndií kui xotaa̱, ko̱jo ndí tjoón cho̱ xi maxchaá tsi tsjiejín ngindyikón án, xi májín chinie ko̱jo xi májín niꞌánkꞌién nga niꞌánkꞌasꞌienna.

Xki̱ 3:12

«Ni̱xtjin nga katsꞌenkꞌién an ndí tjoón ngayeje xtín xota̱ ndiꞌa xi chji̱a̱ni nangi Ejipto̱, katsjáa̱ko̱n an nga xota̱ Israee̱l an sa̱ꞌínkꞌasꞌienna ndí tjoón kui, ko̱jo ndí tjoón cho̱ xi tjiín. Kó ngajoo̱ ndií kui xotaa̱, mejénna nga xota̱ tji̱e̱e̱ Lebii̱ sa̱ꞌínkꞌasꞌienna tsi̱ꞌe̱ nga kui xi sa̱ꞌín xána, kó ndikóntsꞌèn skuiekon an nga tsa̱ꞌa̱n ka̱ma kui xotaa̱. Án boá xi nee̱ xota̱ Israee̱l».

Rkaa̱ 2:23

xikótsꞌèn kjitꞌa kjo̱a̱kitii̱ Néná, nínga bi̱ tsoó: “Ngayeje ndí xíꞌín xi tjón stse̱n, chjiéngá ndí xí tsjiee̱ Néná kꞌuiín.”

Ndeuteronomio̱ 15:19

»Kjiꞌanga kꞌuieé ndí cho̱yojojnú ko̱jo tsi cho̱tsa̱nga̱jnú, chjiéngá Néná kꞌuijñátꞌaxínjnúu̱ ngayeje cho̱ xi xi̱ꞌin xi tjón stse̱én. Ka̱májín si̱ꞌanxájo̱jnú ndí tjoón cho̱yojojnú, ti̱nde ka̱májín chja̱ꞌáxiín tsa̱nga̱a̱ ndí tjoón cho̱tsa̱nga̱jnú, ngatꞌa̱ kui cho̱o̱ tsi̱ꞌe̱ Néná boá.

Xota̱ Ebreo̱ 12:23

Ki̱a̱ jáchójnú nínga kamátikó xota̱ xi tjón kamá ndií Néná kui xi je kjitꞌa jaꞌeén ki̱a̱ ndiꞌakꞌajmii̱. Tsangínchon tiñajnú kui Ne xi tsáyà tsi nda ko̱jo tsi ndajín tsꞌén ngayeje xotaa̱, ki̱a̱ nínga síndo a̱si̱énni̱xtjii̱n xota̱ xi ndaa̱, kui xi Néná katsꞌén xi chjiéngá ka̱ma.