Éksondo̱ 10:3 - Xo̱jo̱n eén Néná

³ Kósꞌe̱ Moisee̱ ko̱jo Aaroo̱n kijíkoón nda̱ ree̱, kó bi̱ katsoó: «Nejne̱ kui xi Nee̱ xota̱ Israee̱l, kuí boá xi katsangiyajne̱ tsi̱ꞌe̱ nga ko̱si̱yajne̱ ji nga ngaskande kjiꞌání nga to̱kó nkꞌa ko̱ꞌna̱xié ji yojòo̱, kó ngaskande kjiꞌání nga ko̱nda̱ꞌyéꞌíi̱n. Te̱ꞌéndièjne̱ nga kongín niꞌántsjájne̱ Nejne̱.

Éksondo̱ 10:3 Iomraidhean Croise

Joo̱b 42:6

Kuíni nga be an nga ki̱a̱jiín ni xi kixian an, tsꞌenkꞌoyà an yojona, kó ni̱ma̱kjo̱a̱ botíjña̱ an ngi̱jii̱n chojoo̱ ko̱jo ndisoo̱».

Éksondo̱ 10:4

Tsi bo̱a̱jín si̱ꞌin ji, Néná ndyiojón sa̱ngíyá ꞌniú kjín chjo̱bo̱a̱ ngayeje kui nangii̱,

Éksondo̱ 16:28

Kósꞌe̱ Néná, bi̱ katsoó Moisee̱: «Ngaskande kjiꞌání nga ko̱nda̱ꞌyáꞌénjnúꞌun.

Éksondo̱ 4:23

Kuíni nga bo̱a̱ tꞌíxiaán jí nga te̱ꞌéndièe̱ nga ko̱e̱je̱ kui xotaa̱ tsi̱ꞌe̱ nga an sa̱ꞌíndikónna. Ta̱nga kó nga tiboeꞌéndièjíi̱n nga kjo̱tjo, ngotꞌe̱ ꞌne̱ sa̱ꞌinkꞌién an ndí tjóo̱n”».

Éksondo̱ 5:1

Moisee̱ ko̱jo Aaroo̱n jaskan ngije tsíchji̱a̱jo xota̱ Israee̱l, kijíkoón nda̱ ree̱ nangi Ejipto̱, kó bi̱ katsoó: —Ne xi tsi̱ꞌe̱ xota̱ Israee̱l ngo én katsangiyaa ji nda̱ re, kó bi̱ tsó: “Te̱ꞌéndièe̱ nga kjo̱tjo xota̱ na̱xi̱ńdána tsi̱ꞌe̱ nga sa̱ꞌínna ngo sꞌué ki̱a̱ nangi kixií”.

Éksondo̱ 9:17

»Kó bo̱a̱ tꞌíi̱n nga tsi to̱kó tsja̱ndièjiín nga kjo̱tjo xota̱ na̱xi̱ńdána,

Énkjínkón 1:22

«Jún ndí jákjíndí xi kji̱e̱ jmí ni yàjínjnú kjo̱a̱a̱ kjo̱a̱mindyioo̱n, ko̱jo xi mojnóchàjnú, ngaskande kjiꞌání nga to̱kó si̱ꞌantjójnú ni xi jmí ni chjíjiín. Ngaskande kjiꞌání nga to̱kó ko̱jno̱chajnú, ngaskande kjiꞌání nga to̱kó si̱ꞌanchꞌójnú kjo̱a̱kjíntakoón.

Énkjínkón 1:24

Ta̱nga jún tsíchji̱a̱jnúꞌun, kó jmíjín xi tsintꞌiéna, yejenjnúꞌun ndsa̱ án, ta̱nga nde ngojín xi katsꞌénsénna.

Énkjínkón 18:12

Kjo̱a̱nkꞌakoo̱n tsꞌénchájáná, kó kjo̱a̱ni̱ma̱kjo̱a̱a̱ boá xi tsꞌén nga yandikónná.

Xki̱ 14:27

—Jè tsintꞌié an nga xota̱ Israee̱l chꞌo tsꞌén ndyi̱chji̱a̱taꞌinna. Ngaskande kjiꞌání nga sa̱ꞌinchíkjo̱a̱a̱ ni xi ndyi̱tsó kui xota̱ xi ndajiín.

Xota̱ Roma̱ 2:4

Axa̱ niꞌínchꞌí jí kjo̱a̱cho̱o̱n kjo̱a̱ndaa̱, kjo̱a̱chiyákjo̱a̱a̱ ko̱jo kjo̱a̱ndaxota̱a̱ Néná, kó niꞌínkiejín ji yojòo̱ kjo̱a̱a̱ kjo̱a̱nda xi tsꞌénbokoó ndi̱yà tsi̱ꞌe̱ nga si̱ꞌinkꞌoyé ji yojòo̱.

Xota̱ Ebreo̱ 12:25

Chónjnú yojojnú, kó ngata̱ niꞌánchꞌójínjnú kui Néná xi tsꞌénchji̱a̱a̱, ngatꞌa̱ ni̱xtjin xcháján xota̱ Israee̱l katsꞌénchꞌó Néná xí kꞌi̱e̱ tꞌanangii̱ ꞌniú atíxomaa̱ nga tsíchji̱a̱jo, kó kui xotaa̱ kamájiín jatjongii̱ yojoo̱, tsi̱ꞌe̱ nga sa̱kójiín kjo̱a̱botíjeé. Akja̱ꞌmíra̱ ñá ka̱máná ko̱ꞌna̱xiéngí yojoná tsi̱ꞌe̱ nga sa̱kójínná kjo̱a̱botíjeé tsi si̱ꞌanchꞌo kui Néná xi tsꞌénbotixómá nga tsꞌénchji̱a̱joná ndeskande ndiꞌakꞌajmii̱.

Xo̱jo̱o̱n Sandiyaá 4:10

Ni̱ma̱kjo̱a̱ ti̱ꞌánjnú yojojnú ngindyi̱ko̱n Ndi̱a̱ná, kó kuí boá xi skjinínkꞌájnú.

1 Xo̱jo̱o̱n Peé 5:6

Kuíni nga ni̱ma̱kjo̱a̱ ti̱ꞌánjnú yojojnú ngindie ngaꞌniú jee̱ Néná, tsi̱ꞌe̱ nga kui skjinínkꞌájnú kjiꞌá má nga kjo̱chó chi̱bo̱a̱.