Éksondo̱ 1:7 - Xo̱jo̱n eén Néná

⁷ Ta̱nga nga achichí kamá ndí xí kisꞌiee̱ xota̱ Israee̱l, tsá kamákjín xota̱ tji̱e̱e̱, kó ngo na̱xi̱ńdá xi je ko̱jo xi ꞌniú kamá. ¡Kuíni nga ngayeje nangi Ejipto̱ nga kisꞌieni xota̱ Israee̱l!

Éksondo̱ 1:7 Iomraidhean Croise

Jenesii̱s 1:20

Kósꞌe̱ bi̱ katsó Néná: «Mejénna nga ngi̱jin ndáchíkoón ngasꞌikitsie ngayeje to̱ko̱ya xi síndo. Mejénna nga kꞌuié cho̱ xi fítji̱e̱n nga̱són nga̱sondiee̱, kó ngatꞌítso̱ma xikó kjiꞌi nga tiyá nkꞌa jàn».

Jenesii̱s 1:28

Kó Néná bi̱ katsoó nga katsꞌénchikonñé: «Mejénna nga kꞌuiéjnú ndí, kó ngatamakjínjnú, mejénna nga jún xi kꞌuikítsienijnú nga̱sondiee̱, kó ni̱ꞌantꞌiéjnú ko̱jo tatíxomájnúu̱ cho̱ xi tjín ngi̱jin ndáchíkoón, ni̱sie xi tjín nkꞌa jàn, ko̱jo ngayeje cho̱ xi síndo, ko̱jo ngayeje cho̱ xi ꞌbifé yojoo̱ nga̱són tꞌanangii̱».

Jenesii̱s 12:2

Kó ngo na̱xi̱ńdá xí ta̱nisién je sa̱ꞌin an ngayeje xota̱ tji̱e̱e̱, kó sa̱ꞌinchikonñeé, kó nkꞌa kꞌuijñá an jaꞌée̱n, kó ta̱ngatꞌanii̱ ji nga kjín xota̱ xi ka̱machikonñé.

Jenesii̱s 13:16

Kó án boá xi sa̱ꞌin an nga kjín ka̱ma xota̱ tji̱e̱ tse̱, xikó maá nga jmíjín xi ka̱maa̱ ku̱i̱ꞌíxki̱ xa̱a̱ tꞌanangii̱, bo̱a̱ má tsꞌén jmíjín xi ka̱maa̱ ku̱i̱ꞌíxki̱ xikó kjiꞌi ka̱ma xota̱ tji̱e̱ tse̱.

Jenesii̱s 15:5

Kó Néná kijíjo̱ Abra̱n ndi̱tsén jàn, kó bi̱ katsoó: —Tsitsíjin ji nkꞌa jàn kó tsitsíjìi̱n ngayeje ńño xi tjiín. A ka̱maxki̱i̱. Jmí bokia. ¡Ja̱ ti̱nde ka̱maxki̱jiín xikó kjiꞌi kjín ka̱ma xota̱ tji̱e̱e̱ nga!

Jenesii̱s 17:16

An sa̱ꞌinchikonñé an tsi̱ꞌe̱ nga kꞌuieé ngo ndí xí tse̱, kó xota̱ tji̱e̱e̱ kui, kjín xota̱ na̱xi̱ńdá ka̱ma, kó ki̱a̱ kjo̱tjojinni xi re ka̱ma nga».

Jenesii̱s 26:22

Jaskan ngi̱chí kjin kijí, kó ki̱a̱ katsꞌénda nginí ingo ndáńchꞌi̱, kó ngiti̱ jmíjín xi askjan ki̱a̱a̱, kó «Kjo̱a̱ndé» ítꞌajaꞌén kui ndáńchꞌií, ngatꞌa̱ bi̱ katsó: «Ngotꞌe̱ ꞌné nga Néná jè katsjáná kjo̱a̱ndé tsi̱ꞌe̱ nga nda ko̱e̱je̱e̱ kui xotaa̱».

Jenesii̱s 28:14

¡Xota̱ tji̱e̱e̱ kjín ka̱ma xikó maá xa̱a̱ tꞌanangii̱! Kó kꞌi̱e̱ kꞌuíndo ngayeje kui na̱xi̱ńdaá, kó ngatꞌaa̱ ji ko̱jo xota̱ tji̱e̱ tse̱ boá nga ngayeje xota̱ na̱xi̱ńdá xí tjín nga̱sondiee̱ ka̱machikonñé.

Jenesii̱s 35:11

Kó ti̱ ki̱a̱ Néná bi̱ katsó ngasee̱: «Án boá kui Ne xi tjiín ngayeje ngaꞌniuú, kó mejénna nga kjín xota̱ tji̱e̱ kꞌuieé ji, ki̱a̱ kjo̱tjojinni kjín na̱xi̱ńdá, kó ti̱ ki̱a̱ kjo̱tjojinni kjín já re.

Jenesii̱s 46:3

Kósꞌe̱ Néná bi̱ katsoó: «Án boá xi Nee̱ na̱ꞌmíi̱, ngata̱ ndakinjín má ji nga kꞌuin jí nangi Ejipto̱, ngatꞌa̱ án xí kjuínjòo̱. Án boá xi sa̱ꞌin an nga xota̱ tji̱e̱ tse̱ ngo na̱xi̱ńdá xí ꞌniú je ka̱ma. Kó ti̱ án boá xi sa̱ꞌin an nga kꞌi̱e̱ kjoéꞌe̱ nginí ji nangi Kanaa̱n, kó nga ko̱yè jí, ki̱a̱ kꞌuijñátꞌaa̱ Kosiee̱».

Jenesii̱s 47:27

Kó bo̱a̱ tsꞌén nga xota̱ Israee̱l, ki̱a̱ kisꞌińdo Ejipto̱ ki̱a̱ nangi Ngosee̱n. Kó ki̱a̱ tsꞌatsie tꞌanangi, kó achichí kamá ndií.

Jenesii̱s 48:16

Kuí boá xi katsangiya ndítsjiee̱, tsi̱ꞌe̱ nga xín katsꞌénkjaꞌána ngayeje ni xi ndajiín. Kui tsꞌénmíꞌáa̱ nga sa̱ꞌínchikonñé kui já xo̱ngo̱ò, kó nga ta̱ngatꞌanii̱ kui nga ngatjaꞌátsjien jaꞌénna, ko̱jo jaꞌeén na̱ꞌmindyiboana Abraa̱n, ko̱jo na̱ꞌmina Isaa̱. ¡Kjín ngatama ndí xí nga sꞌiee̱!»

Jenesii̱s 48:4

kó bi̱ katsóna: “Án boá xi sa̱ꞌin an nga kjín ka̱ma ndíi̱ ko̱jo xota̱ tji̱e̱ tse̱, kó xota̱ tji̱e̱e̱ boá xi kjín na̱xi̱ńdá ka̱ma. Kó kuí boá xi tsjàa̱ kui tꞌanangii̱, kó kui tsi̱ꞌe̱ ka̱ma ngatsjéni̱xtjin”.

Jenesii̱s 9:1

Néná katsꞌénchikonñé Noee̱ ko̱jo ndií, kó bi̱ katsoó: «Mejénna nga kꞌuiéjnú kjín ndí, kó xota̱ tji̱e̱jnú xi ngasꞌikitsieni tꞌanangii̱.

Xo̱jo̱n Salmoo̱ 105:24

Néná katsjandiè nga kamákjín xota̱ na̱xi̱ńdájne̱, kó ꞌniú ngase katsꞌén ta̱bo̱a̱jiín xota̱ xi kondraa̱.

Xo̱jo̱n Salmoo̱ 107:38

Néná katsꞌénchikonñé, kó achichí kamá ndií, kó cho̱ tji̱e̱é achichí kamákjín nga.

Éksondo̱ 1:12

Ta̱nga tji̱e̱nga xota̱ Ejiptoo̱ ꞌniú ndajín ngase katsꞌénjo̱ xota̱ Israee̱l, ta̱sá má ꞌniú kamákjín ngase kui xotaa̱. Xota̱ Ejiptoo̱ achichí katsakjónnií xota̱ Israee̱l nga,

Éksondo̱ 12:37

Xota̱ Israee̱l jatjoni nangi Ramsee̱, kó kijíyise ngaskande nangi Sukoo̱t. Mara̱ jun úchán mi̱ ma nga ta̱soboá jáxíꞌín, kó kje̱ꞌení ínchjiín ko̱jo jákjíndií.

Ni xi kamá 13:17

Néná xí chji̱a̱ni Israee̱l kuí boá xi jaꞌájin xota̱ tji̱e̱ xcháná, tsi̱ꞌe̱ nga ngo na̱xi̱ńdáꞌniú ka̱ma kjiꞌanga ta̱kó kje̱ꞌe nangi síndo ki̱a̱ nangi Ejipto̱, kó jaskan ngaꞌniú xí tsi̱ꞌe̱ Néná tsꞌaxié kui xotaa̱ kui nangi jàn.

Ndeuteronomio̱ 10:22

Ngata̱ chíyájínjnú nga xota̱ xi xchájnú ta̱ ichítié ko̱jo kan tsí kamá nga jachó nangi Ejipto̱. Ngotꞌe̱ ꞌne̱ Néná boá xi katsꞌén nga ngo xtín xota̱ na̱xi̱ńdá xí achichí kjín je kamájnú, xi ngaskande nde jmíjín xi ka̱maxki̱i̱».

Ndeuteronomio̱ 26:5

Kósꞌe̱ kui xi sa̱ꞌínkꞌasꞌien kui ni̱se̱nya̱á, bi̱ ka̱tso̱: “Xota̱ xi xchána ki̱a̱ tsíchji̱a̱ni ngo xtín xota̱ arameo̱ xi kisꞌiejiín ngo ngi̱ndie nínga kisꞌińdo síkijí. Ki̱a̱ kijíkꞌíndo nangi Ejipto̱, kó ki̱a̱ kamá ngo xtín na̱xi̱ńdá xi kjín kamá ko̱jo xi ꞌniú kamá.