Éksondo̱ 1:11 - Xo̱jo̱n eén Néná

¹¹ Kó kuíni nga xota̱ Ejiptoo̱ xota̱ ngito̱ko̱ índotjoón xota̱ Israee̱l, xi ínieé xá ꞌniú. Kó xota̱ Israee̱l kiniꞌaán kjo̱a̱ꞌniú nga katsꞌénda na̱xi̱ńdáꞌniú xi ꞌmí Pitoo̱n ko̱jo Ramsee̱, kó ki̱a̱ boá nínga indyiá nda̱ ree̱ nangi Ejipto̱ ngayeje nichinie xi jaꞌátjó.

Éksondo̱ 1:11 Iomraidhean Croise

Jenesii̱s 15:13

Kósꞌe̱ Néná bi̱ katsoó: «Mejénna nga xchi̱e̱ ji nga xota̱ tji̱e̱ tse̱ ngo nangi xi xín ko̱e̱je̱kꞌíndo, kó moso̱ ka̱ma ki̱a̱a̱, kó nijón úchán nó nga ndajín ka̱mataꞌin kui ngi̱ndiee̱.

Jenesii̱s 47:11

Kó Kosiee̱ katsꞌénkjatjosón ni xi katsó nda̱ ree̱, kó ki̱a̱ katsꞌénkꞌíndo na̱ꞌmii̱ ko̱jo já ntsꞌi̱e̱ tꞌanangi xi nda ngasee̱ nangi Ejipto̱. Ki̱a̱ kisꞌińdo kui xotaa̱ nangi Ngosee̱n, kui xi jaskan nangi Ramsee̱ kiꞌmí ngijee̱.

Xo̱jo̱n Salmoo̱ 105:13

¡Ngatsjéni̱xtjin nga xki̱ na̱xi̱ńdá, xki̱ na̱xi̱ńdá, xki̱ ngi̱ndie nínga botíxoma, xki̱ ngi̱ndie nínga botíxoma kisꞌińtjajne̱!

Xo̱jo̱n Salmoo̱ 129:1

Ko̱e̱ꞌéndièe̱ nga xota̱jne̱ ku̱i̱chji̱a̱jojne̱ kjo̱a̱a̱ kjo̱a̱ni̱ma̱ xi jaꞌatio ndeskande koó nga kamáxo̱ngò:

Xo̱jo̱n Salmoo̱ 129:2

«Achichí kjo̱a̱ni̱ma̱ je ikitjatiójne̱ ndeskande koó nga kjindíjne̱, ta̱nga kji̱e̱ niꞌánchajajínjne̱.

Xo̱jo̱n Salmoo̱ 68:13

Tji̱e̱nga jún ki̱a̱ katsjayojoféjnú ki̱a̱ ngi̱jin ndi̱jo̱ na̱xi̱i̱, nga̱a̱ tójoo̱ to̱ntiboa kisꞌijon, kó to̱nsinié xi ꞌna̱a̱ kisꞌijon tsja̱nga̱a̱.

Xo̱jo̱n Salmoo̱ 81:6

«Jè jaꞌáxín án nga̱són tjiàa̱ kui chꞌià é xí yaꞌanijín, jé kamándé tsjá kjo̱a̱a̱ kui ńdiekachján xi ta̱nisién eé.

Éksondo̱ 2:11

Ngije jaꞌa kjín nó, ngije xchá Moisee̱, ngo ndi̱yà kijí nínga ndyi̱tsꞌènxá xota̱ nangii̱, nínga achichí ꞌniú xá moso̱ xi katsꞌén, kó ta̱niján má kamábe nga ngo nda̱ Ejipto̱ tsꞌénbeꞌeé ngo nda̱ Israee̱l,

Éksondo̱ 3:7

Ta̱nga Néná, bi̱ katsó ngasee̱: —Jè kamábe an kjo̱a̱ni̱ma̱ xi ndyi̱foaꞌatio xota̱ na̱xi̱ńdána, ngatꞌa̱ xota̱ Ejiptoo̱, moso̱ je katsꞌén. Jè tsintꞌièe̱ nga ndyi̱kjandayà nga ndyi̱míꞌá nga kosiko̱jo an, kó ti̱ jè kamábe an nga já ngito̱ko̱o̱ ꞌniú ndajín ndyi̱tsꞌènjo̱, kuíni nga jè jéꞌe̱kòo̱n tsi̱ꞌe̱ nga kꞌoxiéꞌá an ngi̱ya tsja xota̱ Ejiptoo̱, kósꞌe̱ kjuínjo̱ an ngo ngi̱ndie xi nda ko̱jo xi tiyá, ¡ngo ngi̱ndie nínga ꞌniú tjín nichinie! Kó nangi Kanaa̱n boá kui ngi̱ndiee̱, nínga síndo xota̱ na̱xi̱ńdá xi nde kji̱e̱ bejínna.

Éksondo̱ 5:10

Kó kui já Ejipto̱ xi síndotjoón ko̱jo ngito̱ko̱o̱ xota̱ Israee̱l tsíchji̱a̱jo xota̱ Israee̱l, kó bi̱ katsoó: «Nda̱ ree̱ jè katsjákjo̱a̱ nga ngiti̱ jmí ndi̱ji̱ ko̱e̱ꞌéjínxójne̱ jún xi si̱ꞌandajo̱jnú ńdiekachjaán,

Éksondo̱ 5:15

Kósꞌe̱ já xí síndotjoón xota̱ Israee̱l kijíkoón nda̱ ree̱, kó bi̱ katsoó: —Ánní nga bo̱a̱ má ta̱ ndajín niꞌínje̱jne̱ ji nda̱ re.

Éksondo̱ 5:8

Ta̱nga chjiéngá ꞌniú kꞌuijñájnúu̱ nga to̱kó bo̱a̱ kjiꞌi ńdiekachján sa̱ꞌínda, ¡jmí tsi chiboa ngase! Xota̱ tsiꞌé boá kui xota̱ Israee̱l, kjo̱a̱a̱ nga jmíjín ngasee̱ xá, kuíni nga ndyi̱kjandayà nga bo̱a̱ ndyi̱tsó nga ko̱e̱ꞌéndièjne̱ nga nangi kixií ko̱e̱je̱ tsꞌéndíkón Nee̱.

Énkjínkón 27:4

Achichí nga ndajín kjo̱a̱niꞌánxchaán, kó kjo̱a̱xtindaa̱ tsꞌenkjiéná kjo̱a̱, ta̱nga kjo̱a̱ꞌontakoón jmíjín xi ka̱maꞌniuú.

Xki̱ 20:15

Jè kjín nónií nga xota̱ xingi̱jne̱ kijíkꞌíndo nangi Ejipto̱. Ta̱nga xota̱ Ejiptoo̱ achichí ndajín katsꞌénjo̱, ti̱ bo̱a̱ ti̱ katsꞌénjo̱jne̱ ji̱n nga.

Ndeuteronomio̱ 26:6

Ta̱nga xota̱ Ejiptoo̱ ndajín katsꞌénjo̱jne̱, kó katsꞌénjne̱ kjo̱a̱ꞌniú nga moso̱ kamájne̱.