Eklesiastee̱ 8:12 - Xo̱jo̱n eén Néná

¹² Ndatsi xota̱jeé úchán ndi̱yà sa̱ꞌín ni xi ndajín, kó ndatsi tsie ka̱maa̱ nga kꞌuíndo nga̱sondie, ta̱nga jè be an nga nda ko̱e̱je̱e̱ xota̱ xi bendikón ko̱jo xi tsꞌéndíkón Néná,

Eklesiastee̱ 8:12 Iomraidhean Croise

Joo̱b 35:15

Ji xi bi̱ se ji nga Néná tsꞌénxchánjín, ti̱nde botíjéjínná, ko̱jo nga nde ki̱a̱jín tsꞌenseén ni xi ndajín xi tsꞌén xota̱ nga̱sondiee̱,

Xo̱jo̱n Salmoo̱ 112:1

¡Si̱ꞌantsjàa̱ Néná! ¡Néná tsꞌénchíkonñé xota̱ xi tsꞌéntsjaà kui, ko̱jo xi tsja maa̱ nga tsꞌénkjátjosón kjo̱a̱botíxomaa̱!

Xo̱jo̱n Salmoo̱ 115:13

kó tsꞌénchíkonñé xota̱ xi tsꞌéndíkón, tsi xota̱ xi yandikón, ko̱jo tsi xi yandikónjín.

Xo̱jo̱n Salmoo̱ 128:2

Tsi kui nii̱ tiniꞌín ji, Néná achichí tsie sa̱ꞌínchikonñeé. Ki̱a̱ ndiꞌàa̱ xi̱ni̱ ji nichinie, ko̱jo tsjatsꞌèn si̱ꞌinkjìn jí ni xi si̱ꞌin nga si̱ꞌinxé. Achichí ndí kꞌuieé chjóo̱n. ¡Xikó maá ngo én tostsi̱je̱è ka̱ma! Jmí ni̱xtjin xcha̱ja nichinie nga̱són yámíxa̱a̱, kó ndíi̱ ka̱maxchá xikó maá tsi yá olibo̱.

Xo̱jo̱n Salmoo̱ 37:11

Ta̱nga xota̱ xi ntꞌiéꞌeén sa̱ko̱ó tꞌanangii̱, xi achichí tsjá ka̱maa̱ kjo̱a̱a̱ kjo̱a̱xió tsie xi kꞌuieé.

Xo̱jo̱n Salmoo̱ 96:9

¡Ti̱ꞌantsjajnúu̱ Néná ta̱ngatꞌanii̱ kjo̱a̱tsjakjiꞌi xi tjiín nga tsjie kui! ¡Ngayeje xota̱ nga̱sondiee̱ ngatjatsié má ngindyi̱ko̱n kui!

Éksondo̱ 1:20

Kó nga na̱ Sifraa̱ ko̱jo na̱ Púaa̱ kamábendikón Néná, Néná achichí nda katsꞌénjo̱, kó katsjandieè nga kjín ndí kisꞌiee̱ kui ínchjiín. Kó tji̱e̱nga nga ꞌniú kamákjín ngase xota̱ Israee̱l,

Énkjínkón 13:21

Ni xi ndajiín boá xi maa̱ xota̱jeé, ta̱nga xota̱ xi kixi̱i̱ ni xi nda boá xi sa̱ko̱ó.

Énkjínkón 28:14

¡Achichíra̱tsjaa̱ xota̱ xi ngatsjéni̱xtjin nga bendikón Néná! Ta̱nga xota̱ xi tajá ini̱ma̱a̱ ndajín ka̱maa̱.

Eklesiastee̱ 12:13

Ngayeje kui eén bi̱ tsꞌén fetꞌani: Che̱ndikín jí Néná, kó ti̱ꞌinkjatjosén ji kjo̱a̱botíxomaa̱. Kuí boá kui nii̱ xi chjiéngá sa̱ꞌín ngayeje xota̱ nga̱sondiee̱.

Eklesiastee̱ 3:14

Jè kamákjínna nga ngayeje ni xi katsꞌén Néná ngatsjéni̱xtjin nga sꞌi̱jña, jmíjín ni xi sꞌi̱soón, ti̱nde jmíjín ni xi chja̱ꞌáxiín, kó kui nii̱ xi tsꞌén Néná, tsi̱ꞌe̱ nga xota̱ nga̱sondiee̱ sku̱i̱e̱ndikón.

Eklesiastee̱ 5:16

Achichí nga ndajínkjiꞌi kui nii̱: Nga xikótsꞌèn jeꞌe kui nga̱sondiee̱, ti̱ bo̱a̱ ti̱ tsꞌén ko̱e̱je̱ nginí. Kósꞌe̱ mí chjínií nga bo̱a̱ nda katsꞌénxá kjo̱a̱nda.

Eklesiastee̱ 5:7

Kui nga̱sondiee̱ tjikítsie maá ni xi niꞌánkjiín takón, ko̱jo én, ko̱jo ni xi ta̱kjo̱a̱ndaní bo̱a̱, ta̱nga ji chjiéngá ko̱ké ji nga yendikín jí Néná.

Eklesiastee̱ 7:15

Ngayeje kui ni bi̱ xi je kamábe an kui ni̱xtjin xi ta̱kjo̱a̱ndaní xi je kisꞌijña an: xota̱ xi kixi̱ xi ta̱ngatꞌanii̱ kjo̱a̱kixi̱i̱ nga jesón, ko̱jo xota̱ xi ndajín xi achichí tsie maá, ndatsi ndajín ndyi̱tsꞌèn.

Eklesiastee̱ 7:18

Ndakjíꞌí nga chjábé ji kui nii̱, kó ti̱ ꞌniú tjaꞌní jí ni xi ingoo̱ nga, ngatꞌa̱ kui xota̱ xi bendikón Néná, ngayeje nii̱ xi nda fotjoo̱.

Matioo̱ 25:34

Kósꞌe̱ nda̱ Ree̱, bi̱ ka̱tso̱o̱ ngayeje xi síndo nga kixi̱i̱: «Ja̱bíjnúꞌun, jún xi je katsꞌénchikonñéjnú Na̱ꞌmina, chjábéjnú ngi̱ndie nínga botíxoma xi je tikónndajnú ndeskande koó nga ítsꞌi̱yanii̱ nga kamánda nga̱sondiee̱.

Rkaa̱ 1:50

Néná tsjaá kjo̱a̱ni̱ma̱takón ngayeje tji̱e̱e̱ xota̱ xi sku̱i̱e̱ndikón kuí.

Xota̱ Roma̱ 2:5

Ta̱nga ta̱ngatꞌanii̱ kjo̱a̱kitikjo̱a̱a̱ ko̱jo nga ini̱màa̱ mejénjiín sa̱ꞌínkꞌoyà, kuíni nga tiꞌbítikíi̱ kjo̱a̱xchán yojòo̱, ni̱xtjin nga Néná sa̱ꞌínxchán ko̱jo nga ko̱kó nga kixi̱ tsꞌén ko̱tíjé,

Xota̱ Roma̱ 9:22

Néná xí kamámejeén akó kjo̱a̱xcha̱án, kó tsi kamámejeén akó ngaꞌniuú nga katsꞌénchíkjo̱a̱a̱ kjo̱a̱a̱ xota̱ xi sa̱ko̱ó nga si̱ꞌanjeé ko̱jo si̱ꞌankjie.

Ndeuteronomio̱ 12:28

»Nda má tasiénijónjnú ngayeje ni xi je kixianjnúꞌun. Tsi mejénjnú nga nda ku̱i̱ndyionjnú jún ko̱jo xota̱ tji̱e̱jnú, ndaꞌyáꞌénjnúu̱ Néná, kó ti̱ꞌánjnú ngayeje ni nda xi je atíxomájnú kuí».

Ndeuteronomio̱ 4:40

Ngotꞌe̱ tjítsꞌenkꞌasꞌiénjnúꞌun kjo̱a̱kitii̱ Néná. Ndaꞌyáꞌénjnúu̱ tsi̱ꞌe̱ nga tsie ka̱majnú nga ku̱i̱ndyionjnú kui tꞌanangi xi Néná je sa̱ꞌínkꞌasꞌien ndi̱yàjnú».

2 Xo̱jo̱o̱n Peé 2:9

Ngayeje kui nii̱ xi bokó nga Ndi̱a̱ná márií ꞌboxiéjin ngi̱jii̱n kjo̱a̱chjatꞌayákón xi ꞌbeé xota̱ xi bendikón Néná, kó ti̱ tjínrií ngaꞌniú nga ko̱tíjeé xota̱ xi kixi̱jín, nga kjo̱chó ni̱xtjin nga Néná ka̱tso̱yà tsi nda ko̱jo tsi ndajínkjiꞌi ni xi katsꞌén xotaa̱.